我並不獨立 我只是孤獨而已
我看到專屬我的生存領域
在那裡
我不再渴望被諒解
也不再奢望被愛
然後在逼迫中慢慢活過來

能夠憑自己能力發現的錯誤卻沒有及時發現
枉枉讓我留有很強的缺憾感
但是別因為還沒耗盡上進空間而沮喪
不如接受、享受及善用現在已擁有的程度

RATATOUILLE
這套戲是講述一隻很會吃和很會做菜的老鼠在法國的經過
從來都不在這裡看戲的我 決心定要去看
本來打算自己一人去看 最後還是約了朋友一起去
進戲院前 和友人說明了為什麼要看這套戲的一點原因
我對友人說 其實我也是一隻老鼠
和REMY一樣的愛吃 而且嗅覺不錯 (當然我不及REMY厲害)
得知這套戲的時候身在比利時 那時候我剛巧就是從法國回來
可惜到離開的時候還沒上畫 所以就看不了

Photos showtime!!!!!!!
  

這是戲還沒上映前已拿回來的海報
整套戲很不錯 反正我們就是笑個不停
朋友比較嚴重 他好像笑得有點氣喘
使得我幾度看向他想要知道他笑得多誇張
哈哈

這套戲第一句的真正開場白就是REMY說: It is me.
我立刻對身邊坐著的朋友也說一句: It is me.
然後兩人爆笑

還可以填色的 假如我真會去填色
我會把REMY抱著的匙畫成網球拍
眼睛加工成十字星星狀
旁邊加上一句: 我要打倒巴黎鐵塔!!!
RATATOUILLE立刻變成戰爭片~XD

睇完戲緊係唔少得食餐好
呢蝶野英文叫佢做Pancake
但係我心目中Pancake永遠都係甜
而呢碟野係辣o既 呢D咪就係Culture Difference

Cocktail兩杯
白色o個杯就勁囉 話用橙整o既
無橙無酒味不只 佢完全係莎莉蛋糕Vanilla味+益力多o既化身
師傅萬歲 化橙為神奇!!!



我成日覺得D韓國人食配菜都食飽啦
仲駛食飯同餸咩
淨係D配菜同醬都圍左個爐一圈
為此我同情洗碗o個個
阿門~



主菜在此 我地今餐食蟲
右邊o個蝶仲血淋淋
你夠唔夠薑先!?



其實係牛肉同海鮮 紅色o個堆係八爪魚
上上一張相真係好鬼似我地係點蟲蟲 
但係蟲蟲飛 所以我地無食到
哈哈

最後一張相 係話俾大家知聖誕節就快到 (其實呢到都無人黎~XDXD)
無錯日暦上顯示的確仲有成三個月
但係對呢到o既人黎講係殺到埋身咁濟
佢地已經開始賣聖誕野
我成日覺得佢地三個月前就準備
但係我又睇唔出佢地做左D咩正野出黎
仲有你睇佢地賣D野好有snow feel
但我想話呢到聖誕係成四十度咁熱
聖誕老人會著住紅色泳褲滑浪
衰鬼~咁你即係想點o者

~~~~~~~~~~~~~~~~~~我係型英帥靚正o既分隔線~~~~~~~~~~~~~~~~~~~~~

後記:
還記得當日在比利時發現這套戲的情形
那人很興奮地指著海報對我說: 老鼠,這裡有關於老鼠的戲哦!
然後我也很興奮的跑去看 可惜發現還沒上畫
因此我們選看了另一套戲
兩個人一同走進戲院 最後只有我一個人從戲院出來
走出戲院的時候 感覺佷唏噓
看見所有人都是一雙一對從戲院出來
只有我是自己一個人出來 我走得很慢很慢
有些旁人給我投來怪異目光 他們大概心裡想怎麼一個人零晨來看戲
我從戲院出來後 一直跟著地上的紅磚走路
像小孩走獨木橋那樣 保持著平衡慢慢走
短短一段路 走了整個小時
我一直在想 也許我們就是這樣
兩人不經意的開始一套戲 然後一人結束
更甚是像RATATOUILLE那樣
我們不過是一套未上映的戲 然後我就得離開...........

真正的離開不需要道別
完美的分手是
當我離開了 你還以為我存在
這種完美獨你享有
我的那一份遺落在垃圾堆中

我並沒有絕望得什麼都不在乎
可惜越在乎越讓我感到絕望
越想擁有 感覺越受傷
越想分享 感覺越孤單
越想依賴 跌得越重
我慢慢學會如何一個人承受所有
慢慢明白存在與消失的等同價值
開始懂得了如何耗盡自已

兵來將當 水來土淹
再難再差的我都會頂下來
沒什麼好害怕
因為我什麼都輸得起 甚至自己
假如你認為我還有輸不起的地方
那不是我卻步了
而是那些東西本來就不屬於我
我憑什麼拿它來下注

我總有屬於我自己的生存領域
在那裡 我不再渴望被諒解
不再奢望被愛 然後在逼迫中慢慢活過來

近來不時遇上彩虹
遇見的一刹總會莫名其妙興奮
接著萬千思緒湧上心頭
然後一切隨著感慨沉澱下來.............

坐著等車的時候 發現一道小彩虹落在自己身上
傻瓜般想要接著它和它一起拍張照

打開窗簾 眼前一亮
完完整整的一道彩虹就在眼前
下面還有一"粒"飛機
我愛我房間的超大窗 哈哈

好緊張!!好緊張呀!!!!!
粒飛機就黎撞到條彩虹喇!!!!!!!!
究意會係彩虹爛先定係飛機爛先??
(答案問拉登, 佢撞慣D勁野~XD)

如果細心睇下 其實係唔只一條彩虹
後面仲有一條 呢到D彩虹好搞野
成日好鐘意一齊打孖上
可能有Discount....

話說電話騷擾仍然持續
但今日我一句野都無同o個條友講
調返轉頭黎諗 事情覺得幾諷刺
諗落呢個世界仲有邊個咁神心
每日俾個電話我 話想同我傾下計
而家佢仲要朝晚都有 仲要唔只一個
條友今日朝早九點幾打左三次俾我
夜晚十點幾又打左次俾我
真係朋友情人家人都無對我咁念念不忘
諗諗下我下次係唔係真係應該采下佢
其實佢唔係把聲扮到咁恐怖
我同佢講兩句又有乜所謂
反正呢到接電話o個個又唔駛俾錢
同佢癲下又何妨
反正我都已經癲癲地

痴線架!!!!!!!!!!!!!!!!!
連續收到同一個男人五次o既變態電話
我唔知佢做乜係咁打俾我
又無來電顯示
亦都唔知佢點樣有我電話
把聲又扮到好神神秘秘
講D英文又S音多到爆
難道我仇家太多俾人玩?
WHAT THE FUCK!

請別再刺激我.........

因為有不想一個人的想法
因為終究還是只能自己一個人
自己的苦全部都要自己吞下去
孤獨得很累

我只能假設我正在用兩年時間
洗刷過去二十年的光景
但願完成學業以後
回去之後 可以慢慢好過來

假如一輩子都只能像現在或過去那樣活
我想我會自殺早點結束生命
我委實不算堅強
由兩年前起一直默默找出路
借澳洲結束了七零八落的感情 結束了他
抺去很多我不想要的東西
自問這些善後工作做得不錯
只是想不到離開澳洲以後我們會演變成這樣
你變成這樣 而我又無法擺脫
才又落得狼狽不堪
歐洲好像已經成了我的心結
又愛又恨 又怕又痛

人生需要不斷學習 從失敗中吸取教訓
可是失敗後所吸取的教訓
永遠都不夠應用於下一次的難關
我只能一次又一次失敗
這種學習讓我散架

我因為你喜歡我才真心地喜歡你
誰能說我對不起你