約莫四五年前到過它另一家分店，那時候覺得咖啡不過不失，還是Starbucks比較好，後來那家分店關門了以為無緣再會，近年感覺它在港有擴充業務之意，於是又再來一試。
個人非常喜歡Starbucks Caramel Macchiato，以前沒在這裡喝過，今次點來比較一下。第一口喝下去感覺太冷了吧，不是說它冷如冰，而是以熱飲來說還差很遠，立刻打開蓋子看個究竟，看見很多泡沫以為是奶泡做得很厚，把奶泡挖出來嘗過才知道是Cream，怪不得喝起來涼了一截，Starbucks做的沒有放Cream。熱度對我來說太不足，而且放了焦糖竟然還會覺得甜度稍欠，平常在Starbucks偶爾還會要求少甜呢，咖啡又略苦，它說不上難喝，但是很失望。
因為買咖啡加$15可以買到一個原價$32 Cup Cake，貪小便宜點了Red Velvet Cup Cake。這個倒是有驚喜，我特別愛吃偏結實的蛋糕，這個結實程度偏高卻依然留有一點鬆軟，而且味道酸酸的，非常醒目，愛吃酸的人應該都會喜歡。而且它跟咖啡很配，邊吃這個邊喝咖啡，咖啡更好喝。美中不足是頂頭那一坨東西超級甜，甜得我牙都痛了......
平日下午茶時段過來，當時就只有五六個客人，可是等餐時間挺長。
柑桔檸檬特飲不太能喝出檸檬味，懷疑檸檬所指只是面頭一片點綴......柑桔味道也不太好，頗為人造，湊合着喝完算了，不過也不至於差到難喝。
我挺喜歡吃滑蛋吉列豬扒飯，都是我喜歡的食材，但一直沒有遇到念念不忘的，大多都是不過不失而已。
這個迷你滑蛋吉列豬扒飯可達七成飽，味道不俗，我覺得有比一般的做得好，不過離我的理想仍有距離。它比一般好的地方是豬扒仍留有少許脆，很多地方做出來一點都不脆，然而我覺得需要再加強才能稱之為好。此外，豬扒末端肥美，營造出彈牙的口感，油脂香突出，最後幾口吃得最過癮，若然整塊豬扒都能維持這種狀態，必然大大接近我的理想。米飯偏爽硬，軟一點會好些，有助加強抓汁能力。滑蛋與汁算是好吃，不過未見突出之處。
#三洋餐廳 一啲都唔難食, 不過再唔會好似當年咁覺得日日食都無問題, 湯底加埋蕃茄去滾竟然都唔夠味, 以前淨湯已經好正, 米粉要加辣椒豉油吊味, 第一次要咁食:(
以前淨食一碗都飽到上心口, 今次竟然加埋野飲先剛剛好......
豬心唔黎呢到都唔知仲有邊到有得食, 每次必叫.
奶茶質素keep得住
以前唔飲野唔過三十蚊已經飽到hihi, 而家就近五十先剛剛飽, 出面食野唔平, 呢個價錢唔係話貴, 不過真係無乜值得再對佢留戀:(
本來諗好左去同區另一間鋪頭食麻辣米線 特登早啲出門趕過去竟然無開
越得唔到越想得到 要食到先心息
雖然呢間鋪門面殘殘地 為左米線唔理咁多照坐低
叫左兩餸米線連凍檸茶先$38
都唔知幾多年無試過食米線加野飲唔過四十
先講下啲餸 呢件激似豬肉o既野係滑牛黎
但口感上話佢係豬肉我都信 不過menu上無豬肉
所以佢只能係牛肉 除非唔係 否則一定係
不過豬也好 牛也罷 總之都係麻麻地
滑就係滑喇 不過食落似用左好多梳打粉拿過
另一個餸豬大腸 食得出鹵水味
不過可惜豬大腸太瘦 咬起黎乾爭爭一層皮
又係麻麻地
叫兩個餸都唔太得 估佢唔到係啲"旁門左道"攞分
米線配有炸醬、酸菜、芽菜、韮菜、芫茜
食米線真係好鐘意食呢啲配菜 浸左湯好惹味
但平時都係畀少少點綴下 呢到畀好多
多到覺得唔要嗰兩個餸齋食配菜米線都夠
炸醬係辣o既無甜味 我鐘意食呢種多啲
酸菜都唔錯 酸味幾突出
芫茜好少見米線有放 佢嗰種清新味道浸過濃湯後食落仲正過芽菜韮菜
米線同平時食o既差唔多 唔見得特別好或特別差
湯底味濃 味精感覺重 完全唔會特登去飲湯
食米線飲到少少無問題 個味其實唔係差
凍檸茶一般質素 唔夠茶餐廳正
不過食野要濕下喉嚨
凍飲只係加$6黎講OK
米線好大好大份 兩個女仔當下午茶食都可能夠
如果唔係佢啲餸同服務差 呢個價錢我都想畀個好評
服務方面 首先無人落單
走去叫佢過黎落單都唔係咁想應你
落單時唔記得講要辣 同佢講返佢叫我自己用枱面辣椒油......
我諗米線o既辣係麻辣唔係辣椒油o既辣吧
好聲好氣叫佢幫幫手加返 佢答應完之後都係唔落
真係吹佢唔脹......
無限添飲飲品兩杯 ── 藍梅檸檬特飲與菠蘿檸檬特飲
藍梅檸檬特飲藥水味很重 別說是無限添飲 一杯也難以下嚥
菠蘿檸檬特飲沒有藥水味 不過味道偏向人造
但也談不上差 只是不太帶有水果的鮮味
以無限添飲來說 這個價錢還是可以接受
但並沒有覺得很可口
巴馬火腿蜜瓜薄餅實情是餅乾而非薄餅
薄餅變成餅乾我是不喜歡的 吃起來不見得比餅乾香脆
質素跟十元八塊的餅乾沒差吧 這也就算了
這道菜的價值應該在於面頭的火腿與蜜瓜
然而火腿味淡 蜜瓜薄得沒有口感又不帶蜜瓜的鮮甜
味道屬死甜 疑似浸過糖水
而且整個味道被火腿與蜜瓜底下的沙拉醬嚴重蓋過
吃起來就像是塗了沙律醬的餅乾而已
炭燒美國安格斯肉眼牛扒
味道not OK: 帶苦又缺牛味
肉質OK: 肥美的肉即使小部份位置筋多也是接受
火候OK: 真正做到Medium Rare
牛扒炭燒味挺重 些微苦味影響了味道
加上牛的鮮味本來就一般 所以味道不出色
肉裡油脂含量偏高 我愛吃肥美的肉 挺喜歡這樣
怕油膩與怕胖人士需慎點
其中一邊近邊沿部份筋多 需要邊吃邊吐
要求Medium Rare 火候控制得宜
中間一層紅肉 切下去的時候可壓出少量血水
牛扒配有烤原個蒜頭 說好吃談不上 但這種吃法挺新奇
濃濃的蒜味帶着燒烤的焦氣 在這種熟悉卻新奇的味道驅使下吃完了
薯條以西餐廳來說肯定是差 不香不脆
不過是比麥記的膠薯條好上一點 就沒它那麼像膠
調味也是一大失敗因素 粉末灑落不均勻 以致有些薯條太咸
而且粉末的味精很重 薯條吃起來失去了熟食的風味
更像是一種預製零食
食物整體質素偏差 就菠蘿檸檬特飲與牛扒吃起來還可以
但根本談下上好 其餘的食物更是差
定價卻在中上 吃完有點被坑了的感覺:(
呢個 #Muji 棉花糖係連唔食淋野o既我都征服到 #無印良品
十蚊包真係幾抵食, 但一次就食左半包, 通常留唔過三日......
手感唔錯有彈性XDD
士多啤梨心都好味, 但如果有朱古力心可能仲正!
#焦糖新地 返左黎咁耐終於有佢嘅獨照🍦#M記 #老麥
食迴轉一定係 #千両
油甘魚好靚仔
呢個軟殼蟹沙律拌芒果醬就好似食啲唔多好食o既甜品咁, 因為佢個芒果醬太似溶左o既雪糕, 同蟹&菜好唔match. 話說黎千両最好只係食壽司同刺身, 小食暗處藏伏, 唔伏嗰啲亦唔算好出色, 不過次次都姣婆守唔到寡會叫啲小食......
炙燒左口魚裙邊(右)入口即溶, 炙燒黑椒帶子(左)無份食.
第一次係千両食炙燒鰻魚係入口即溶, 嗰種好味一試難忘, 但之後再食唔返:(
而家都好味, close up誘人, 只係唔夠當初超級好食.
我寫意 (4)