唔知點解 #Lipton 喺香港得好少金字塔茶包選擇, 但我鐘意呢種茶包無咁濃, 一包沖兩杯玩完. 平時嗰啲方形茶包第一泡沖出黎好濃, 要沖到好大杯先啱味, 或者沖一陣就好拎走個茶包, 但通常我都會再沖多杯, 即係要搵地方裝住佢先麻Q煩. 呢個綠茶味係托人喺外國買開其他Lipton茶包嗰時佢塞埋落黎, 一打開個盒聞到幾香, 但唔係綠茶味, 而係啲幾假嘅香精味, 好在唔係好濃. 不過就係加左呢啲香精, 啲茶已經完全無綠茶味, 飲落係少少假甜, 一杯無茶味嘅假甜飲品, 假味唔濃所以唔算難飲, 但一啲都唔好飲囉. #立頓 #GreenTea #綠茶

簡簡單綠茶咪好, 做乜要加玫瑰花瓣, 仲要落香精......

睇介紹嗰啲香精味應該係桂花, 聞落又覺得似似地喎.

成盒野啲主要部份都用英文, 但成份營養標籤嗰啲想搵隻英文睇下都無😑

盒野喺比利時買

一盒廿包有排捱......

一包沖到兩大杯

#譚仔三哥 #情人節 #辣之戀人 #十小辣朱古力
真係堅有辣味, 喉嚨都有小小麻到, 平時連十小辣都唔食嘅人唔啱食, 不過又甜又辣幾有新鮮感, 但食一兩粒就夠, 始終我覺得朱古力適合行溫馨路線多啲.

之前淪落到要食5小辣, 今次食返個中辣彌補返之前嘅空虛😋
確認譚仔中辣真係無三哥咁辣, 食譚仔唔駛點飲野, 飲下湯都仲得, 食三哥有時仲要加加水落湯.
#譚仔雲南米線 #墨丸腐皮米線

#四洲 #脆脆蝦餅 細個成日食, 而家通常係想食薯片但又覺得太邪惡又忍唔到口, 就買呢個黎頂住先😅不過而家無以前食落咁香蝦味, 同埋夾雜左啲怪味, 我諗得到最近嘅形容係紙皮味, 所以如果諗到用其他野頂癮都唔會買佢. #蝦餅

一包4塊

食哂一包先係140kcal, 同埋唔係炸出黎無咁熱氣, 作為薯片代替品係唔錯, 但而家呢個味道真係差啲.

我記得以前塊餅係粉紅色啲, 而家係淡黃肉色, 今時唔同往日😞

最初兩盤親愛的多肉在陪伴我四年後於年三十晚走了，新年前我已經到花墟走一趟，但是95%的花店都轉為賣年花，只有一家店依然堅持賣多肉，但當時沒能看上，所以沒買到。年初五的時候又到花墟走一趟，可是多肉的供應還沒恢復，選擇有限，最終我還是在新年前那家堅持賣多肉的店買了一盤玊露。

之前已經喜歡上玉露這個品種，晶瑩剔透看着很可愛，水嫩水嫩的~當時家裡已經有兩盤就沒買，所以這次銷定玉露為目標。

我想過這盤玉露也許在我第一次到店裡的時候已經存在，只是當時感覺選擇太少不甘心就此買了，但年後選擇多了些還是沒有在其他店找到合心意，就想到也許日後再來依舊沒有更好的選擇，於是回到這家店挑上一盤。

這一盤三十元價錢適中，其實他也長得很好看，但就如嬰兒時期是特別可愛，所以我想找一盤更矮的，延長享受他的可愛模樣。

我媽說他像葡萄，所以我給他起名小提子。

我把小提子搬到這個玻璃盤裡，過程中不小心把他一條主根弄斷了，嗚嗚😭小提子你要好好的，努力生存下去，我會一直陪你到最後。現在小提子暫定放在我睡房，因為這個盤子比之前兩盤多肉用的盤子大，還要是玻璃物料，廚房的窗台位置很窄，怕這個放上去容易打破，所以不打算放到原來的位置。

澆水記錄: 20190210 20190304 20190320 20190404 20190513 20190518 20190526 20190602 20190612 20190621 20190714 20190811
施肥記錄: 20190627 20190721

#牛欄牌 #牛奶飲品 奶色小小黃, 質地比鮮奶杰啲, 個味似係唔甜嘅煉奶開水, 即係唔多好味, 但又未去到唔飲得咁差, 但飲奶我都係鐘意純鮮奶, 唔喜歡一堆字母數字野係成份, 呢個質素就算免費頂多都係飲兩盒.

有數字野係唔係就唔好其實係難以定論, 就連飲鮮奶係對健康好定唔好都未拗完, 只係我自己選擇相信少數字野為妙.

125kcal/180ml, 成份表好高深複雜.

雖然我唔鐘意飲, 但有人表示好飲, 可能因為我算係個鮮奶狂熱者掛.

#海記合桃坊甜品 食兩碗糖水新年要加多6蚊特別收費唔係問題, 但啲糖水唔凍就真係搞佢唔掂😓

朋友每次澳洲返黎都會幫我買Teddy熊仔餅, 不過而家已經無一袋袋Honey味細包裝賣, 得返呢隻盒裝200g. 以前都仲會食下Chocolate同Choco Chip味, 但而家唔係好鐘意Chocolate嗰陣可可粉味, Choco Chip隻味又好似膠膠地, 所以淨係食Honey味, 因為佢依然keep住香香甜甜好好食❤ #ARNOTTS #TinyTeddy #Teddy #熊仔餅

細個返幼稚園佢會喺我個茶點盒裡面出現

教人用糖果餅乾砌架車仔畀熊仔餅

熊仔餅有六種造型, 不過食嗰時完全唔會理佢係乜樣.

200g/ 884kcal

只有大概半年食用期限

There is no substitute for my childhood memory.

呢種包裝最煩唔係打開之後食唔哂要再包返, 而係膠袋撕開之後個開口會係咁爛到包唔返......

而家我一隻手已經可以拎好多塊😎

這是一家酒店附帶的餐廳，設有面海的室外座，當天風大我們選擇坐在室內，挑了個沙發座，非常舒適。這裡最讚的地方是人流少，當天是星期日，我們從下午待到晚上，來過的客人寥寥可數，環境很安靜，絕對是個談心理想地。

我們兩點多到步，當時室內只有我們一桌客人。

電視播放着球賽，我們坐下的位置正好清楚看到電視，餐廳又有足夠酒水選擇，在這裡看球賽也不錯，但必須搶到靠前座位，因為電視不算大。

焦糖燉蛋伴雲呢嗱雪糕質素達標，燉蛋味道跟一般吃到的沒差，但我特別喜歡它的燉蛋未經冷藏，依然帶微暖，我可不喜歡吃冷冰冰的燉蛋。面頭放的糖有點多，做出來的焦糖面厚過頭，有失脆口感，但焦糖這種東西差不多是人見人愛，所以小小敗筆下依然美味。雲呢嗱雪糕超級重奶，這種味道加上雪糕中可見雲呢拿籽，估計是自家製的雪糕，我個人不太喜歡太重奶的雪糕，但這種自家製出品也許對其他人來說很加分。

這裡的咖啡未免太沒有誠意，$63一杯Cappuccino份量小小的，而且看起來是自助咖啡機做出來，奶泡超級假，咖啡質素就像把無糖罐裝咖啡翻熱的程度，沒有下次。

我們點過薄荷茶及甘菊茶，兩款同樣是$52，雖然餐廳提供的只是茶包和熱水，而且茶味偏淡，但我喜歡服務員主動為我們添熱水，這就可以喝上好幾回。有時候在餐廳待着，飲料不過是圖個解渴，醉翁之意不在酒，也不好意思不消費不斷讓服務員送水來，點這個算是能夠長喝長有了。

這裡的飲料甜品消費比一般餐廳約莫貴三成，雖然看起來不便宜，但環境、人流與地段都非常好，在香港這個寸金尺土的地方，想要找個舒適的落腳點不容易，這點貴給得心甘情願，而且它還不至於令人感覺定價過份。其實當天還吃了三文治和漢堡包，但是拍的照片不理想，所以這次沒有提及，主食類留待日後再說吧，小說一下是只要不點牛扒/甜品/飲料，其實這裡的消貴只是比一般西餐廳貴10%，所以來這裡也不見得需要比其他餐廳多花很多。