#Yamayoshi薯片 好似幾得人鐘意, 因為久唔久就見到佢o既蹤影, 身邊總有人會買左佢嗰奶油同芝士味, 嗰兩隻味我無認真食就唔多講, 只係平時痴人地一兩塊, 不過一定唔討厭先. 今日自己買左培煎芝麻油咸牛肉味(759九折後$9.5), 但唔知點解圖片只有油同鹽牛無掟企(Logo嗰隻牛唔食得唔計). 濃味度達中等, 清得黎(油鹽)又有返少少味精味(牛), 唔想太濃又唔想太寡呢個啱啱好. 佢最正o既地方係薯片個質感, 厚硬少少, 所以脆口感比較實在. 即係熱浪薯片唔係唔脆, 但嗰種脆係脆弱o既脆. 個人喜歡多啲口感, 但又唔想成日食波浪薯片, 而家可以轉食下呢個牌子. 其他味道可以睇呢到: http://goo.gl/2XXkMo
- Feb 25 Thu 2016 20:49
#Yamayoshi薯片
- Feb 21 Sun 2016 16:12
#拉麵天王
#拉麵天王@紅磡德民街17-27號B5B地下【㊣ ㊣ ㊣ /5】今次食限定o既胡椒天王, 唔知係咪三四點無乜人, 所以份量多左. 面頭D芝士浸落湯半溶後食真係好芝士, 芝士味又唔會入左落湯到, 個湯又唔會搞到芝士好胡椒, 芝士就堅持只係芝士, 不過似食緊pizza多過拉麵......胡椒湯好濃味, 但又唔覺重胡椒, 純粹湯味濃得有點over, 食過佢三款拉麵都走唔出太濃太油呢個感想, 但係次次又作死唔會揀淡味淡油. 不過整體黎講都唔差, 如果正在附近又無頭緒食乜的話都可以再黎. 餃子就真係唔駛再食了, 個皮硬到呢, 啲肉又無鮮味, 感覺好味精.
- Feb 20 Sat 2016 03:28
正宗?哈哈
這家店開業的時候已經得知它的存在,是某位過氣明星主理,記得那時候好評甚多,對它產生了興趣,可是沒有抓準機會去嘗嘗。興趣隨着時間淡化,後來再沒打算去吃,直到這天正在附近,又沒特定想吃什麼,終於是進來了。
店子名字敢打上"正宗"二字,心想它是有一定水準才會斗膽自稱。然而雞絲粉皮一上場即大跌眼鏡,恕我孤陋寡聞,平生第一次遇到沒有青瓜的雞絲粉皮,所以不知道雞絲粉皮真的只有雞絲與粉皮,是否該感謝還多了醬汁。粉皮如其名正一粉皮,嫩滑欠奉,質感若是再硬一些可成軟膠,還好不是硬膠。醬料用上芝麻醬,現成一瓶那種的味道,並非麻醬,即不是花生醬,毀了雞絲粉皮的神髓。
糖醋排骨上海菜飯
糖醋排骨的味道對板,可是排骨的肉又粗又硬,咬起來相當費勁。上海菜飯用上珍珠米,簡直是對菜飯的侮辱!成品淡而無味,完全沒沾到菜的味道,我都懷疑菜碎不過是後來加上去裝飾而已。然而飯的味道又要比單煮出來的珍珠米要差,沒有飯香,想不出來他們花了多少功夫才能把它搞得比普通白飯還要難吃。
最後上場的是芝士鮮肉小龍包,前陣子在網上偶然看到別人推介這個,也是因為想起它這天才會來。推介就是推介,至少沒有令人失望,雖然說不上非常好吃,但至少它是好吃。現蒸的小龍包非常熱,皮雖未達至精細功架,但厚度尚算適中,而且湯汁充足,和着熱騰騰的湯吃一口軟嫩的鮮肉,不得不承認它是好吃。這個小龍包的特色是加入芝士,這種不正宗的做法我是接受,而且兩者契合度不錯,可惜芝士味道不夠濃,倒成了一個話柄,創意是好,但未能好好發揮。
只有小龍包好吃,暫時無法扭轉我對這家餐廳的反感,因為其他菜做得實在太差了。它更是愧對"正宗"二字,做出來的東西彷彿是自己在家裡隨便湊合出來,反正只有自己家裡人吃,不用太講究,但是拿出來賣的怎能這樣。然而店子人流不斷,還是看到他的生存空間。在這種寸金尺土的地段,它的食物定價算是便宜,要是逛街累了,肚子不餓,進來吃幾個小籠包,就當作買一個座位歇腳,也是值得的做法,但千萬別對食物有所期望。
- Feb 11 Thu 2016 21:14
#KitKat
#KitKat 出左入焗爐食法o既版本已經一段時間, 終於有時間拎黎玩下, 其實並唔係因為想入焗爐先買黎食, 純粹之前食過人地買o既覺得好味先買返黎, 點知發現呢隻都係入焗爐版. 就咁食隻味幾特別, 但講唔出咩味, 包裝又得日文, 上網搵先知係甜薯味.唔係好甜, 有一股獨特鮮明味道, 唔識形容. 焗法好簡單, 雪過後放係錫紙焗大概兩分半鐘變金黃色, 但實情我焗左差唔多五分鐘先見佢轉色, 然後轉眼間就燶Q埋......本身一條放左入冰箱, 另一條放雪櫃下面, 但效果無分別, 都係君體他朝同燶左, 但都食得下o既, 底同邊變左好似焦糖咁, 不過中間就黎乾到化粉, 同埋食得有D狼狽. 結論係可以拆開包裝就食得o既野, 做乜咁睇唔開搞咁很多野......
- Feb 10 Wed 2016 23:40
看在套餐便宜的份上
五點多來到門前已經站滿人,好誇張,等了足有一小時才能入座,還以為新年期間人流會少一些。
屁股還沒坐穩立刻點了牛角大皿燒肉套餐,這個信用卡優惠套餐只售$301.7,經濟實惠!
坦白說,實在沒有細味每種肉的味道與質感,但不管哪一種都好吃。在豪邁地進食下,只有對厚燒牛舌格外留下印象,厚切使口感更鮮明,豐富的肉汁與軟中帶爽的肉在口中翻動,美食與假期就是絕配~~~廣島蠔則沒有特色,吃起來沒多少蠔的鮮味,而且蠔的烹煮時間不好拿捏,以致肉質粗糙起來。
車海老肉質不夠爽口彈牙,但也不算差,至少味道比廣島蠔要好。
生菜非常新鮮青翠!以生菜包裹肉與生蒜片,泡菜與辣醬我倒是覺得可有可無,然後蘸上桌上長備的燒烤醬,這種吃法的惹味程度比單吃肉更震撼,口感豐富太多了!油脂充足的肉碰上清爽生菜,以生蒜片的辛點綴,又以燒烤醬貫穿整合所有食物的味道,讚!一個小缺陷是泡菜沒有好好切開,夾起來就是一整團,每次要以二人合筷子之力撕開,麻煩。
桌上長備的三種醬料,由左至右:盬醬、燒烤醬、燒汁,我猜的........
接下來說套餐以外單點的食物。首先鹽味牛油帶子這麼簡單的東西,只要帶子沒有不新鮮,其實不會出什麼問題,所以問題出來了就在人為方面,鹽放太多咸死了!
黑胡椒蜜糖豚肉的醬汁味道做得不錯,可是豚肉似是兩三片煙肉疊起來的質感,偏硬與粗糙,沒有燒肉應有的Juicy。
平常會點牛角飯,但想來自己很喜歡吃半熟蛋就點了香蔥溫泉玉子飯,這個可是我在這餐廳吃過最差的飯,問題並不是出於玉子上,而是當天的飯水份太多嚴重破壞口感。雖然離成粥的狀態還差很遠,可是飯太軟又過黏的感覺很差,不過這一點還不算致命,最要命又是太咸了,吃到後面根本咸得不想吃!
中途口渴還是忍不住點了冷飲,說來這裡的飲料價錢宜人,即使酒類三十多元已有交易,一整支白酒也是二百多,選擇不少,一邊喝酒一邊大口吃肉,吃貨一大樂事!這次點了Bruntys Strawberry Cider,是Diamond Black之類的飲料,但沒有Diamond Black好喝,味道太濃,這個太濃不是指酒味,而是那個所謂的士多啤梨味,即使加入冰塊濃度還是超過,喝起來不舒服,而且有輕微的藥水味。
本來套餐指定甜品是黑糖水晶凍,但沒有了被改為綠茶與雲尼拿雪糕,雪糕好大的一球,其實半球已經足以滿足我。綠茶味很濃郁,但又不到苦,各大綠茶控應該會愛上,可是我不愛吃綠茶食物,所以要了雲尼拿雪糕。雲尼拿雪糕吃起來不像雲尼拿,沒有雲尼拿的鮮,面頭的粉末也沒什麼味道,是一種比較平庸的甜味,但也不錯,而且內裡有些脆脆口感,我猜是冰碎塊而已,但在軟雪糕中忽然咬到脆的東西,感覺有趣。
對套餐以內的東西大多是滿意,但套餐以外的一個也滿意不來,要不是套餐便宜怕是要給個劣評。總括來說肉包生菜很美味,海鮮吃不吃無所謂,需要事先放鹽的食物都咸得要死。結帳的時候,侍應呈上一碟糖果,我開了一個邊走邊吃,這個開頭吃着還好,吃到後面又是越來越咸,區區一顆糖果也不放過我!
環境挺舒服,喜歡燈光暗的餐廳,格局條理有序,座位尚算寬闊,椅子下有放置私人物品的空間,外套掛椅子上侍應會用保護套蓋好,餐廳也提供保護套給手機,最重要是飯後身上完全沒有沾到食物的氣味。侍應態度是好的,但很迷糊,比如不同侍應一次又一次打翻我們桌子上的東西,幸好不是食物........又比如同一個問題,兩三個侍應都來問一次。供燒烤的食物來得很快,但是甜點飲料等候時間有點長,侍應們請打醒精神!
- Feb 10 Wed 2016 22:14
名牌識條鐵咩
illy這個意大利名牌咖啡,應該不會讓人感到陌生,早些年要在本地喝到它,只有出門遠行時,在機場禁區內的小小專門店站着品嚐。現在方便多了,偌大的分店設在購物熱點,逛街累了的時候可以過來坐下品嚐一杯。
點餐後店員會把食物飲料送過來,餐廳沒有收取加一服務費,與店員接觸的機會其實也不到兩分鐘,但還是可以感受到這位女店員的不親切。請注意是不親切,不是不禮貌,不要誤解,他並沒有任何不當行為,只是氣場說話不親切。
咖啡只分兩種大小,我點了小杯的熱Vanilla Caffelatte,熱度比暖高一些,個人還是喜歡更熱的。
入口立即感到味道太甜,多喝兩口習慣了還是可以接受,但甜度把咖啡的味道全然壓下。聞起來只有輕微咖啡香,質感中規中矩,花$40只得到Starbucks的Tall Size,味道還不如Starbucks,這種名牌我未有資格欣賞。
朋友點的是小杯Iced Marocchino Freddo,我就只喝了一口,這杯則是淡得要命,價錢更貴卻更難喝。朋友說面頭的忌廉質感奇怪,我倒是沒什麼感想了,單憑這種淡而無味的表現已足以將它列入黑名單。
- Jan 30 Sat 2016 22:27
#Yamm
今時今日食個自助晚餐差唔多成千蚊, 食完曉飛嗎? 食完 #Yamm 更加有決心杯葛自助餐, 除左得隻龍蝦睇得下又大又甜, 鵝肝有返應有水準, 生蠔瘦, 青口唔甜, 牛扒鞋到硬, 羊扒唔夠嫩, 甜品勁少, 刺身得三文魚吞拿魚章魚及六七款睇完都唔想試o既壽司, 風乾火腿乾到產於冰河時期, 無一樣野係食過有翻單, 幾位同行人表示蠔仔粥最好食. 頂, 成千蚊黎食蠔仔粥唔駛咁豪嘛! 好在係免費飯局, 不過如果係免費飯局更加要揀去食自助餐, 因為平時自己肯定唔會咁睇唔開黎食, 自助餐係呢D免費場合最適合, 而且可以走黎走去唔駛不斷soso(´ー`)y
- Jan 25 Mon 2016 22:46
#維記香芋甜筒
食平價雪糕o既策略係主攻芋頭味, 係細個食開來來去去嗰幾隻味之中, 芋頭味最唔假, 呢個 #維記香芋甜筒 出左已經好耐, 第一次相遇我沒有珍惜, 在我反覆思念左差唔多半年先再遇上, 因為勁中意食佢個好立克味, 所以預計芋頭味唔會輸, 點知一山不能藏二奶, 個芋頭味勁淡, 個筒勁淋. 咱一欣賞係佢完成左我係呢個59年來最凍o既天氣下安坐家中食雪糕, 唔通好似班柒頭上山食風咩▼ー▼
- Jan 24 Sun 2016 13:59
#Minion蕉餅
完全無睇過 #Minion 套戲, 唔明點解佢紅得咁誇張, 連Pantone都要出Minion Yellow, 不過紅到咁依然勾唔起興趣去接觸, 但如果係零食當然唔抗拒. 呢袋餅蕉到呢, 打開個大袋已經成陣蕉除攻上黎, 唔封印佢都唔得, 個餡嘅味正正係平時食嗰D香蕉朱古力隻蕉味, 不過而家朱古力味無掟企, 得返全蕉, 都算蕉人歡喜嘅, 仲送左張幻影磁石卡, 唔知有冇人想收留佢呢?
- Jan 22 Fri 2016 18:28
杰到阿媽坐正係對面都唔認得
一年前為呢間餐廳寫過食評 亦成為左呢間餐廳首個食評
對於已經寫過食評o既餐廳 其實之後再黎都未必會再寫
所以當食物上場o既時候只係影左少少相純粹記錄自己行程
但係食完之後覺得真係唔寫唔得
免得其他人睇完之前o既食評以為呢間野唔錯
然後食完覺得睇食評都係廢 因為難食o既野都會有人讚(唔係指因為各人口味唔同嗰種)
兩個人叫左兩碗河粉 我自己食茄汁牛腩湯河 我媽食生牛肉柏葉湯河
因為河粉可轉檬粉或辣湯 我就問茄汁牛腩湯河可唔可以加辣
侍應話做唔到 不如俾辣椒粒我自己加落去
於是就出現左上圖呢碟野
其實佢簡簡單單俾碟辣椒我咪幾好
唔駛俾我發現佢個青檸乾到我出盡一陽指o既力都渣唔出一滴......
接住戲肉黎喇
一上場發現個茄汁牛腩湯河改錯名
邊忽係茄汁同湯河 擺明係茄醬牛腩河
杰到阿媽坐正係對面都唔認得
應該落左勁多茄膏 乜家下茄膏好平咩?
阿媽試左一啖就唔想再食
我無計咱有照食 拎佢嗰碗D湯盡量溝稀
同埋用D辣椒粒整辣個湯食落無咁漏
D粉又成pat野咁漿埋一齊
牛腩鞋到硬 咩事啊?
隻牛係咪死前失戀謝哂搞到無哂彈性?
之後速講下我媽嗰碗生牛肉柏葉湯河
我只係食過佢一塊牛肉同D湯
牛肉一定又係嗰隻失戀o既牛黎 因為一樣咁鞋
湯就無乜感想 反正我主要用黎溝稀我D茄漿
我媽o既評語概括係: 碗大湯多量少貴
Anyway兩碗野未至於難食到要丟
但絕對需要一路食一路討論佢有幾難食
呢下其實都有少少好處o既
因為有助彼此感情培養 大家有共同話題有共鳴
唔好以為好食一餐唔好食又一餐就完左呢件事
離開間餐廳我D頸巾外套成大陣茄牛味
件外套臭到第二日頂唔住 繼而忍唔住掛佢係窗邊寄望用風力除臭......
第一次黎食都覺得D野好貴 但覺得幾好食又近自己
久唔久一餐半餐可以接受 而家聞過臭仲唔彈開
無下次