#東海堂 踩過界賣埋特飲已經一段日子, 對佢印象都唔錯, 至少佢個凍綠茶我都飲到, 但當然要夾住紅豆先OK, 單飲都係抗拒. 大部份野飲價錢同台飲差唔多, 但沙冰就貴啲要$29, 成日覺得飲野咁貴係要買埋個位先值, 所以拎走飲覺得貴左點點, 而且佢個 #OREO曲奇沙冰 真係好似淡版 #老麥 #曲奇麥旋風, 仲要喺老麥畀十幾蚊就可以坐低嘆, 呢杯no encore.

身為紅豆控見到紅豆沙冰蠢蠢欲試, 但唔知會唔會同紅豆雪條差無幾, 畢竟佢個曲奇沙冰已經有前科......

一開始飲太杰好難吮, 融左啲又覺得唔係好夠濃, 其實係老麥買個曲奇旋風返屋企丟落攪拌機加冰一齊攪分分鐘好味過佢, 老麥可以諗諗佢😏

開業超過十年，前身在牛頭角下邨營業，可算是非常地道的車仔麵店。

對他的車仔麵倒沒研究，但是超愛它的煎釀三寶，城中之最！

炸魚蛋大如乒乓球

外皮經過油炸熱氣騰騰，內裡口感扎實之餘，魚肉起膠富有彈性，加上毫無腥氣，絕了！

尖椒長出天際，食材新鮮，口感清脆且辣味夠重，連愛吃辣的我也要邊吃邊灌可樂，噴了個火！

炸豆腐外皮脆得很，還有微微酥化口感，內裡的豆腐又滑得不要不要的，水份明顯特別足。

當日吃了八款煎釀三寶，大多都盡得我歡心，除了這個炸蕃薯，吃起來是硬過頭了。由於我對這裡的煎釀三寶非常有信心，相信只是一時失手，下次再試。

第一盤買了八件花了$28，不夠吃又賣了$28，回來看照片才發現少給一件，嗚T_T

由於不喜歡吃紅腸，這件自己沒吃到。

吃煎釀三寶從來不吃紅腸蟹柳，一是對紅腸無愛，二是覺得蟹柳並非新鮮食材不感興趣，但是在朋友推薦下還是吃了蟹柳。蟹柳是剛炸好的，熱得口裡冒煙，只好張着嘴待它冷下來。蟹柳上的魚肉當然好吃，就是炸魚蛋的魚肉，然而蟹柳就是蟹柳，在超市買回家裡煎一下也是這個味道，其他款式的煎釀三寶還得要洗要切，而且蟹柳幼幼的一條不及其他份量大，所以這個不是不好吃，而是不划算。

茄子已經軟透了，咬下去水份立刻爆出來，very juicy!

青椒有着爽口感，當中又有一點柔軟與一絲甜味，又是新鮮xJuicy之作！

第一次在這裡吃腸粉，十元一份，質素高於平均水準，但並非我吃過最好的。

說它高於平均水準是因為腸粉很軟滑，它的軟滑能做到有點綿，這不是很多家能做到。水份也是拿捏到位，腸粉平滑，緊密的黏合着不會散開，但它未能達至最理想的狀態是因為腸粉偏幼，這影響了口感上的彈性，要是多卷一兩層就完美了。

煎釀三寶的價錢是$14四件，$16五件，$28八件，所以八件還不及五件便宜，並不是買越多越划算。算一下，我們吃了兩次八件共花費$56，可是阿姐少給一件，只吃了十五件，所以應該買三次五件合共$48，白白多給$8，做不到精明消費者T_T。

這裡的煎釀三寶選擇特別多，每一件份量目測比一般大上三分一，吃起來份外新鮮，水份又特別足，最重要是來買的人多，任何時候都能吃到熱哄哄的煎釀三寶。油炸食物不熱不夠過癮，偏偏很難買到熱着的煎釀三寶，所以這裡賣的是價錢宜人，質素又高，還可以在店裡坐下來即場開吃，至今真沒遇到過跟它差不多水平的煎釀三寶。廣告牌上的阿姐會在店裡出沒(如果沒認錯人的話)，人很好，熱心主動幫助客人，還會跟你聊兩句，敢用人頭擔保的店，應該不會差到那裡吧，哈哈。

#抹茶蛋糕 都係算係日本手信出現率數一數二高, 可惜綠茶對我黎講只可熱飲, 而不可進食, 淡嗰啲會覺得無乜茶味叫乜鬼綠茶, 濃嗰啲又覺得太苦, 就算中間程度都唔鐘意佢陣除, 對於綠茶呢種僅次於芝士令人瘋狂嘅食物, 我地有緣無份. 至於以下呢個, 甜到綠茶味唔覺重, 但又唔會少到要質疑, 不過有親呢陣除都愛唔落手, 加上重甜非我所愛, 但又咁講如果唔係咁甜可能綠茶味會激重, 甜都仲頂到, 重綠茶真係死得.

呢袋野都好重手下

一件134kcal, 食哂五件就哇哈哈~

日本零食好快過期, 好多時人地買返黎, 大家交收得都差唔多過期, 不過過期係唔會阻止到我進食嘅決心. 

五件很厚肉地

海棉蛋糕唔係唔好, 只係我命數早已定要將佢拉黑......

呢包糖得十粒好矜貴, 佢個特點係身為一粒糖但妄想自己係提子, 以糖黎講扮得幾似, 真係做返層皮包住類似啫哩質地嘅野, 而層皮個質感似海帶, 味道就似濃縮左嘅提子汁, 所以比真提子甜, 總之凡係提子味零食野飲都差唔多係呢個味. 雖然扮得似, 但感想係不倫不類, 想食提子我就直接食提子, 而且我唔需要食啲咁甜嘅提子, 但當返佢係糖又唔嗒得, 咬兩三下就要吞, 一包又得十粒, 唔咬含住佢層皮又無味托咩😒

個包裝係設計得幾吸引, 畀到人預感裡面啲糖味道會好迫真, 講包裝日本真係無得輸, 但打開個袋裡面濕立立, 其實唔駛爆哂汁咁交戲.......搞到手指黐立立唔舒服. 

一包40g得十粒, 但自己都無興趣食哂, 畀左粒阿媽食到佢狂飲水, 細佬拿住面吞, 有無難食到呢個地步......

從圖中可見呢粒係有包皮嘅糖

唔識日文睇樣未食都估到係章魚小丸子味, 外面一層脆皮包住粒花生, 咸味之中夾住少少甜(總之係燒汁味咁上下), 一陣就食哂一包, 唔錯唔錯😉

係呢個天氣依然能夠同你係太陽底下行街嘅朋友一定係好熟了, 作為毒撚專業戶, 一放工即刻買野食坐車飛奔歸!

咁熱係得食呢啲先搞得掂, 被迫的🤣

飯後果兼整返杯茶之前仲夾左兩啖公仔麵😝

這個天氣還能一起逛街的朋友一定是很熟了。。。

以為限時兩小時，原來只有90分鐘，可是已經約好在這裡吃晚飯就不臨陣變動了。選了$178/位的極上美國牛肉 ‧ 豚肉與蕃茄豚骨湯底，$36可加配五隻蝦，$68可加配四隻桶蠔。因為對蠔的興趣不大，又覺得五隻蝦賣$36不划算就沒有加配食物。

雖然門口站的人多，但因為限時用餐90分鐘，等一下已經可以入座，想吃的人別要看見人多被嚇怕，勇敢堅持就可以了！

吃過三四家日式放題火鍋店，感覺這家的食物、飲料與醬料選擇最多，除了自斟飲料外，還有罐裝與紙包裝飲料。

說到日式放題火鍋店之中最愛牛一的原因，絕對不得不提這個東西！

它的外表像炸魚蛋，夾着帶點甜的年糕，牙關先穿過炸魚蛋般的彈性，再纏上年糕軟糯的口感，口中最後落下一點甜，質感層次豐富，那絲甜又討人歡心。不知道這個東西哪裡有賣，否則一定買回家常常吃。

蕃茄豚骨湯底的蕃茄味不夠濃郁，但是其他選擇不合心意，要麼是預感味道太淡，要麼是怕太新奇同行人不能接受，要麼是湯底所用的食材本來就不喜歡。因此下次很可能依舊選這個，其實它的味道還是可以的，只是未及出色。

我對乳酪的興趣不大，不過這個原味乳酪還不錯，與粟米片和朱古力脆脆同吃口感甚好(星星已經潮了只吃掉一個)，乳酪的酸味比甜重，酸味正好為火鍋解膩，又能作為飯後甜品。同場還有綠茶、香芋與士多啤梨乳酪，香芋口味怪怪的，我吃一口就放棄。綠茶口味則超重茶味，我覺得已經重到有點苦，但也許綠茶控會喜歡吧，至少我就看見同行之中有人能吃下一大盤。

第一次晚上來牛一吃飯，之前都是下午來的，午飯時間只有一小時，早有心理準備吃得很趕，但想不到晚上來吃依然一樣趕。吸取的教訓是絕對不能跟上年紀的人來吃，除非他們沒有跟時代脫節，否則"老人家"因為得知時間限制而變得焦急與不安，怕不能多吃，又怕吃不完，然後臉色不好看......整頓飯籠罩在這種氣氛之下，連帶自己都焦急起來，配合着他們趕快吃，他們又急着把食物放進鍋裡，我也不好意思阻止他們先讓我把食物拍照。平常我是不可能只拍幾張照，也會把吃過的食物都說一說，可是這次急得都理解不來食物的味道了= = 這次吃得不暢快是因為選錯同行對像，平心而論所有方面都沒比之前差，所以還是擇日再來吃一次後詳談吧，這次先給個安全的中評。

其實 #阿波羅 啲雪糕就一般般, 但依然鐘意食佢夾住雪糕嘅野, 價錢又平, 由細食到大, 活到老, 食到老😘 #Appolo

呢個一格格雪糕我諗係唔少人嘅童年回憶, 細個嗰時舅父成日請我食.

雲呢拿同朱古力兩款, 識食一定係揀朱古力味, 無計, 佢雪糕質素麻麻, 雲呢拿呢啲咁pure嘅味真係要貴野先好食.

有好少少少時候, 我會將佢切開八格, 口痕嗰時就食一粒止下, 不過大多數都係忍唔到口食哂.......

除左食朱古力味掩飾佢雪糕唔夠出息, 威化同朱古力脆皮夾住溝埋一齊食就更唔覺, 又可以增加口感層次, 將唔多好食變成幾好食👍

日本限定版日本酒 #KitKat 含有0.8%酒精成份, 食嗰時似淡版白朱古力, 食完真係有酒味嘅after taste, 平時唔多食白朱古力就係嫌佢太甜, 呢個淡左啱feel好多, 仲有食完有陣酒味又幾正, 呢個唔錯唔錯.

我諗不至於有年齡限制, 但包裝有提醒唔飲得酒嘅人遠離佢.

話說我未飲過Sake, 仲要係有熱飲呢種做法, 有啲難以想像個味.

一包12條

唔知食幾多先可以醉, 嗰啲大胃王若然能夠拍條片食呢個食到醉應該都夠哂gimmick😂

三度挑戰 #McCafe Iced Latte, 其實都唔算挑戰, 飲黎飲去咪又係嗰兩三隻, 但以前真係好少飲凍. 上次心得係糖水要先落二分一後進展到三分二, 但呢啲手沖野太善變, 今日又覺得二分一係唔夠, 都係一次過三分二先啱心水. 之前大賣廣告話咖啡豆配方改良, 其實唔係好飲得出咩分別, 頂多係覺得有時飲落濃丁丁, 不過都話手沖野太善變, 可能純粹有時重手左. 新出仲有 #蘑菇栗米芝味多士 粟米同蘑菇算係淡口野, 所以多士唔係好夠味, 都係腿蛋芝士好好多. 仲有新出左 #扭扭粉煙肉芝味多士 麵包夾通粉=澱粉質x澱粉質 好似over左, 唔知試唔試好🤔

McCafe新形像用黃色做主打, 正好同minions cross over.

啲芝士溶到變水, 唔知係咪因為粟米蘑菇烘熱嗰時壓到出哂水溝埋啲芝士搞成咁.

一包$10.9有廿塊幾抵食, 食落似扮芝士味多過係芝士味, 甜味明顯又有少少少少辣, 夾左其他味芝士味無咁多掟企, 但加埋係幾濃幾惹味, 而且米果少有咁大塊整到咁薄, so脆~

米果嘅好味同薯片不相伯仲❣

 一袋兩塊40kcal感覺唔係好肥【通常就係呢種感覺令人食到好肥......

一打開個袋勁大陣芝士味湧出黎, 聞落偏重奶味.

三幸超薄日夜用米果

😭😣😔

#糯米粟 顧名思義就係好似糯米嘅粟米, 傳聞話比一般粟米高營養, 不過我純粹因為食硬唔食軟買返黎咬, 想食好似糯米咁煙煙韌韌嘅口感. 記得第一次食係人地喺大陸拎返黎幾好食, 但之後都買唔到好食嘅, 呢條係有啲煙韌, 不過無味到落左糖都無味......

五蚊一大碌

淡到無朋友

心情抑鬱放工諗住去  到借酒消愁食個酒味雪糕, 點知去到一隻都無, 對正係間7仔睇下杯裝有無酒味都係無, 又去返間鋪揀左其他味, 兩球野離開雪櫃頂多廿秒已經係咁漏水, 全程食得勁狼狽, 為求佢唔好再漏, 咱有盡快吞左佢, 過程都唔知有無五分鐘, 完全唔係享受係貼錢買難受, 就咁無左六草野仲抑鬱😭我以後一定唔會主動提出係旺角食 #HaagenDazs (人地提出陪食另計), 唔知係咪呢區人多車多溫度高, 就算唔同分店食親都漏到山洪暴發咁😡

#PacificCoffee 25周年個杯好靚仔, 近年都唔多鐘意飲佢嘅咖啡, 但今次飲Pink Salt Vanilla Latte又幾好喎, 加鹽又加糖漿就好似化妝咁可以遮哂醜. 檸檬撻雖然唔夠酸, 但本來就無乜地方做得夠, 起碼佢個餅底做得夠硬先, 食一件心曠神怡👍

Very colorful! 開心即刻返左黎~~

用Q版呈現本土特色

呢個杯嘅設計+Pink Salt Vanilla Latte+屋企附近近來開左分店=近來應該會飲多啲Pacific

食慾會被酸野吸引, 所以檸檬撻係我見到就會想食嘅野.

病左一排, 粥全部都係粥, 以 #Outback 首度破戒, 慘痛而回😢本來係掛住上次飲嗰杯Somersby Cider倒插溝桃味嘅野先去, 點知去到見唔到餐牌以為promotion完左無賣, 咱有叫杯桃味cocktail頂住先. 因為未病好哂就無加錢落多啲酒, 要返普通版, 點知成杯野同沙冰無分別, 一啲酒味都無仲好甜😢仲有個肉眼扒要medium rare熟到well done, 三點幾去食又話時間太早未有焗薯side dishes, 啲staff又唔係好serve人, 仲要近六點先見到我想飲嗰隻酒個餐牌放左出黎, 原來仲有得叫, 成餐飯都好殘念😢

杯野係似沙冰到個侍應送過黎都叫佢smoothie, 我話我無叫smoothie喎, 我嗰杯係酒黎, 佢走返去吧枱問完再過黎話係呢杯, 不過佢搞錯左個名......

黑糖麵包依然可以再戰百年💪

湯裡面啲粟米粒好飽滿, 咬落有口爆感🙈

食左咁多年Outback, 好似係第一次食佢嘅意粉, 份量唔少, 芝士白汁算係夠味, 寬條麵al dente, 啲蝦幾爽口, 唔錯.

野飲唔得, 身位主角嘅牛扒又熟到嬲左😡

肉眼扒真係眼咁圓👀

無得薯咱有Coleslaw, 味道一陣酸爽──汁酸酸地, 菜爽爽地.

長期係 #天仁茗茶 珍珠913鮮奶茶fans, 上次轉個口味飲珍珠普洱拿鐵.

痴佢個線加左錢無珍珠又無落糖

苦到傻左要丟

身為投訴之都一份子, 呢啲理直氣壯嘅時候唔係啞忍嘛, 反映後佢地非常合作畀我隨時再去拎一杯(讚一個), 為求真相叫返同一杯睇下係真係咁難飲定係上次個員工跳制沖到咁極品. 落order嗰時我非常有耐心同客氣, 但唔知點解個員工好騰雞講野鯨吞螺絲, 問我係唔係要少冰我話唔駛, 問我要唔要多珠我話好啦, 出到黎係無多珠又無冰, 我唔係黎搞事鎮定啲好喎😂Anyway, 呢杯落返糖苦味大減, 加上啲珠又甜甜地, 食啲珠飲兩啖, 苦味又再少啲, 不過始終係苦諗住試過就算, 但後來自己加返冰苦味變得似有幻無有點玄, 搞到我想再試下要返全糖同苦味抗衡下, 有冰有珍珠會唔會嬴得另一番新景象😅

一啖都未飲嗰時係咁

無冰杯野唔夠凍好影響味道

帶埋佢去coffee shop, 問職員攞冰加返入去, 即刻升lv.

呢間分店真係好疏肝, 夜晚鬼影都無隻.

要知道而家coffee shop只係副業, 正職係圖書館, 係大學入面竟然都無人霸黎溫書做功課.

每年生日氣場都好差, 好在有呢個舒服環境緩一緩😭

Happy Birthday to me~❤

如果呢到星期六日都開就發達喇!

又再食煙三文魚羊奶芝士蛋批, 真係無再覺得太咸, 可能真係改良左, 而家啱啱好👍

今日 #PacificCoffee 送咖啡, 屋企附近近來又開左分店, 唔去拎覺得對唔住自己個腩, 特登早啲起身去拎. 將送嗰杯加$14 upgrade做Vanilla Latte, 味道唔多講, N年前最like佢, 而家有得揀都唔想飲佢, 不過佢啲蛋批真係好好味, 而且會同你整返熱, 有時出面食到唔翻熱凍冰冰嗰啲都唔知想點😑今日食 #煙三文魚羊奶芝士蛋批, 平時食覺得濃到咸左啲啲, 唔知係咪朝早味覺未訓醒, 一啲都唔覺太咸, 啱啱好, 又芝士又羊奶又焗蛋好難唔係又香又濃, 仲有陣陣清新洋蔥味, 再加啲蘑菇口感, 我平時又鐘意食煎三文魚, 呢個組合無得輸! 

將送嗰杯加錢upgrade做Vanilla Latte, 但都要四十幾蚊食呢個早餐, 如果無送嗰杯野執底要六十幾. 我認為咖啡咁貴係包左買位費, 所以平時唔係坐低飲都係飲返cheap cheap McCafe算. 

唔係有優惠都唔係好有興趣飲Pacific Coffee, 而且每次飲都一定加syrup黎掩蓋佢o既問題🙈

聞都已經夠哂香

整到熱辣辣, 裡面半凝固狀態好Creamy😍 

蛋批整到勁熱, 不過等得太耐搞到唔夠時間現場食哂要拎走, 如果唔駛返工可以慢嘆係幾咁好, 與其研究人係點黎, 不如研究左人點解要返工先🙈

新分店門口望落好細咁, 估佢唔到裡面又幾大, 環境唔錯, 但可惜平日收得早, 星期六日假期又唔開, 幾正都無乜機會用得着.

食物質素固然重要，但街頭小吃隨處可見，很多時候突圍而出就靠醬汁。這裡的秘製辣醬分小小辣、小辣及大辣 (不知道為什麼不直接分大中小辣)，幾年前曾經吃過大辣，記得那時候辣得根本嘗不出食物的味道，因此這次要了小辣。味道跟記憶大不同，入口時甜味很重，後勁上來才感覺到辣味，雖然辣味挺明顯，但在後頭才發揮出來吃着還是覺得只有甜味。我既是無辣不歡，又不太愛吃甜，不喜歡這種辣醬。

溫馨提示，此辣醬上色能力極高，進食時要小心，我不小心沾在白色的手機殼上，出動藍威寶與納米海棉還是無法完全洗掉，然後因為把手機殼拆出來清洗，電話在沒保護的情況下掉地上花了，悲劇......

燒賣質感偏軟，口感有欠，雖然不太喜歡，但街邊一般都是這種質素，也不能說差， 不過沾着這個不喜歡的辣醬再扣分......

陳記魚蛋什麼時候不用陳皮魚蛋了？！我記得以前吃的可是陳皮魚蛋！陳皮魚蛋外表圓得有些不規則，表皮較厚，咬下去立刻感受到特別有口感，內裡顏色偏暗黑，密度高，所以韌性好，我認為是口感最好的魚蛋。

現在這個魚蛋內裡雪白，不像陳皮魚蛋能感受到表皮與內裡的口感分別，雖然彈性是不錯，但是口感及上不陳皮魚蛋。

牛柏葉口感爽，沒有難以咬碎的問題，達到一般水平，可是牛柏葉本來是沒味道，單靠醬汁調味，既然我不愛這裡的辣醬，自然對它喜歡不來。

看來日後我不會再買需要它的秘製辣醬調味的食物，再來光顧大概是為了印尼撈麵，雖說不過是用熱水把即食麵泡開來，但是買回家吃，質感依然乾爽有彈性，麵條沒有因為長時間悶在盒子裡變軟。不知道是即食麵牌子的功勞，還是員工掌握煮麵時間得宜，或是純粹好運氣呢，留待下次揭曉。

去澳門食 #葡撻 係指定動作, 但如果唔係澳門一定係黎 #KFC. 雖然個樣衰啲, 個蛋無咁飽滿, 無係澳門咁易遇到新鮮出爐, 但我條賤脷食唔出佢同澳門嗰啲味道有乜分別. 近近地又賣得平過澳門, 無澳門咁好係正路, 但都唔係差太遠, 對得起佢個價. #肯德基