#老麥 甜品站先有嘅 #芝士蛋糕味新地筒@$7, 淡黃色雪糕唔睇真啲以為係原味, 質地比原味溶啲, 口感似似地奶油. 食頭幾啖覺得唔錯, 真係有種雪糕溝左芝士嘅feel, 個味好似做得幾真, 但食多幾啖覺得唔對路越黎越咸, 再食多幾啖感覺又咸又假似食梗芝士味味精......理智上覺得佢屬於甜, 但條脷又認為佢係咸, 令人精神錯亂無下次😑 #M記 #麥當勞 #McDonald's

樓下華潤變左Market Place乜春都貴哂, 咱一好嘅係可以掃下減價壽司, 唔駛五十蚊有十件可以過下口癮😻

開心時刻Pizza Hut♪ (真相在相中)

其實係包 · 全部都係包🙈連個湯都要加酥皮, 不過佢個酥皮麻麻地, 可能係牛油太勁好漏😟仲有pizza轉左用碟上, 無左個焗盤無咁好feel😢

之前成日同人推Pizza Hut個咖啡, 今日發現原來已經出哂事, 又濃又苦飲完仲有少少頭痛👎不過又咁講樓下已經無啖好食, 呢個已經算係差得黎唔差, 所以呢餐都收貨🍕

因為係完整主意者關係, 硬係要食埋 #McCafe #扭扭粉煙肉芝味多士 先心息, 見到呢個澱粉質夾澱粉質玩法其實都判左佢一半死刑, 所以仲食算係作死. 二個字慨括係乾硬淡, 啲芝士漿住扭扭粉好快被吸乾變硬, 整熱過都無用, 趕得切食完第一件都逃唔過第二件😑加上佢係多士, 真係硬 · 全部都係硬......煙肉又唔係成塊得啲碎, 咁多澱粉野唔係好夠吊味好淡. 扭扭粉漿住啲芝士硬左口感似食緊片裝芝士, 不過淡口好多, 因為嗰啲係粉又唔係真芝士, 芝士味完全唔夠分. 兩款新野都貴過舊野 #雞肉火腿碎蛋芝味多士 $1, 算吧啦, 都係回歸初心吧.

以前可以用優惠價$14買細杯Cappuccino之餘仲可以加錢買野食, 但近來幾次去樓下嗰間都話唔得, 但其他分店依然可以. 屌! 自從呢到越黎越多豪宅乜都貴哂, 當我地啲平民死咁, 不如寫住非住豪宅人士不得內進😠

買細杯Cappuccino唔可以加錢換野食就緊係唔飲佢, 平時貪佢細杯賣得平已經飲左好多, 買左大杯裝Flat White, 因為唔係好多地方有得飲, 雖然又唔係好分得出佢同Latte有咩分別, 不過少有就吸引啲架啦, 皮膚顏色係咁淺. 話說轉左咖啡豆配方關係, 近來啲咖啡係濃味啲, 遇着個功力唔好熱啡遇到苦左嘅機會多大左, 但凍飲就好正, 不過McCafe係最就腳又最平, 唔到好差都會keep住飲, 窮撚心得😌

都唔知係邊條hihi諗出黎, 佢係唔係想學日本炒麵麵包, 但人地係內外都軟, 呢件係硬到丟出去識飛咁濟......

不過暗地裡懷疑過呢條係商業橋, 將賣唔哂又唔留得嘅扭扭粉賺盡佢, 反正又未到好難食, 賣得幾多得幾多😑

早餐揀左主打食 #KFC 鬆餅, 咁順手叫個餐, 腸+鬆餅+熱奶茶=$14, 一打開個盒少少呆左, 條腸短小精悍早就見識過, 但個鬆餅係幾時開始縮水到同條撚一樣高大? 鐘意食呢種鬆餅嘅人貌似唔多, 至少我屋企個個嫌棄, 但我覺得個皮夠硬又有少少脆幾好咬口, 面頭有啲蜜糖味甜甜地幾過癮, 裡面係咸咸地嘅牛油香, 但呢啲係講梗以前食嘅回憶, 而家個皮得個硬已經無乜脆, 蜜糖味弱到我自己拎糖膠黎點真心膠, 裡面唔夠香, 咱一相同係裡面口感無變, 唉. #肯德基

一打開個盒見到兩件未發育嘅野

雖然佢叫鬆餅, 但口感唔似muffin, 頂多係有啲似scone, 貼切黎講我覺得似係有殼嘅饅頭, 但多左漿住口嘅感覺, 個味都似似地饅頭, 不過係塞左牛油嘅饅頭.

今時唔同往日, 不過有樣野無變係佢啲奶茶從盤古初開到而家都係咁難飲, 唔排除會keep住到2046.

雖然係好平, 但係杯奶茶有啲苦唔好飲, 個鬆餅又搞到今時今日咁嘅田地, 係條腸正常啲, 不過有短小精悍缺憾, 平得黎無啖好食平又為乜, 係老麥買個包好過😒

先唔好話佢圖片同實物不乎, 呢個係以前食影低嘅, 根本就完全係兩回事, 以前真係食到實物同圖片差無幾嗰喎😒

仲有我遇過咁嘅情況, 真係見到佢個頭都為佢覺得痛😏

自從 #McCafe 轉形象兼轉咖啡豆配方都飲左好多次, 終於確認佢啲咖啡真係濃味左, 整體黎講好係多過唔好, 唔好嘅係熱啡遇着個功力一般嘅員工好有機會會苦左啲, 但凍飲通常會索左, 如果撞正沖嗰個手勢好(飲左咁多年已經認得邊個員工沖得好同唔好), 好似呢杯凍 #Cappuccino 飲第一啖已經對眼叮一聲, 又香又濃仲有啲回甘味, 好正啊!

Once upon a time McCafe其實已經有promotion, 細杯熱Cappuccino同中杯凍Cappuccino賣得特別平(凍飲無細杯裝), 但一直隱藏左, 直到近來轉形象終於畀返個名份佢放menu.

$14一杯熱Cappuccino, 仲可以儲印花買四送一, 窮人恩物!

菜飯這東西真心不好找，賣的地方已經不多，會賣的又做得不好，當然我沒吃遍全港的菜飯，但是在我的飲食經驗裡，實在說不出現在哪裡可以吃到一碗滿意的菜飯。前陣子本來還有一線生機，就是在這家店的黃埔分店吃到不錯的，誰不知沒過多久結束營業，咱有來這家分店尋覓回憶中的菜飯。

也許現在不是適合吃蘿蔔的時候，蘿蔔味苦，醬汁的味道又沒有滲入其中，只是輕輕掛在外面，實在治不了苦味。此外，雖然蘿蔔口感不硬，但還稱不上軟透，烹煮時間需要更長一些。還好牛腩是軟透了，裡裡外外被醬汁包覆，牛根化得像啫哩的滑，這個可以有！

期待已久的菜飯卻沒有期望的味道，不像之前能嘗到菜香滲入米飯後兩者混合起來的美味，現在不過是白飯中多了菜的口感，菜香味非常薄弱。其實市面上大多都是這種質素，所以也不能說它差，一碗好的菜飯實在難求。

之前來吃過麻辣腩肉豬肚炸醬米線不太滿意(詳情見此分店2017-05-27食評)，這次的鮮蝦韭菜餃與腐皮墨魚餅清湯米線倒是有驚喜，湯底與餸料都有其可取之處，但這碗不是我點的，沒多吃，下次來吃再詳談。

由於特飲曾兩度中伏，還得花$8升級，所以還原基本步選檸檬茶算了，頂多是多花$2換成冷飲，果然味道安全多了，回到一般水平。雖然奶茶也是基本飲料，但我也不敢喝，之前喝特飲的奶茶紅豆冰，奶茶苦得要命，還好紅豆是甜的，一口紅豆接一口茶才能喝下去，實在沒勇氣單挑奶茶......

菜飯套餐雖然未見水平突出，但以五十元來說還是可以的，隨便在連鎖快餐店吃個晚餐，質素比它差也得花這麼多，而且這次米線有驚喜，飲料又回到一般水平，食物性價比達到合理水平。然而，上次來吃麻辣米線已經覺得這家店的服務員品性令人不太舒服，這次還被服務員倒了一身湯，衛生情況也不算理想，真的不得不把服務評價降到最低點！

做乜鬼冧酒提子味變左期間限定, 上個世紀食 #哈根大師 已經有呢隻味嗰喎, 近來偏愛酒味, 發覺好難買到, Baileys味仲好似消聲匿跡左, 唔會遲啲期間完左連冧酒都無埋掛😭至於純乳酪味似cream cheese到不如直接食cream cheese, 又或者食杯純乳酪都同佢差無幾, 但可以慳好多. #HaagenDazs

如果非要在這份愛上加一個期限的話，我希望是一萬年。

雪糕做到隻味好迫真係好事, 但同時要有因為係雪糕所以有佢獨特嘅質感, 乳酪本身就係雪糕嘅親戚, 做到咁似佢但貴咁多, 不如直接雪硬啲乳酪黎食.

千両get！最近新寵係甜蝦蟹膏軍艦😍

因為有個fd成日飲 #Snapple , 而佢平時介紹啲野食都幾啱我feel, 所以每次見到出我鐘意嘅生果口味都會想試, 但遺憾係從未試過有一隻係好, 係連檸檬茶呢啲基本野都麻麻地😑今次試Raspberry, 個味激似淡口山渣水, 不得不懷疑佢啲Raspberry係用山渣養大, 我諗係時候要戒左對Snapple嘅好奇心😑

一直都無打算試街邊嗰啲即叫即整手卷小店, 始終覺得佢啲生野未必夠乾淨, 但係食熟野又唔同講法, 煮過啲菌多多少少都殺咁啲嘛. 呢個 #厚燒肉子 真係堅厚燒, 中間仲要夾住少少飯, 一件$12頂平時壽司店兩件, 即叫即燒熱到放左入口好在未放筷子可以原件退返出黎🙈雖然蛋香仲係差咁啲又畀沙律醬搶咁啲味, 但賣點係激厚同熱到痴線令人瘋狂, 十二蚊一件抵屌啦! #手卷駅 #旺角中心 一期2樓SA30A舖

五條熱到辣手嘅野到手😍

一件分三啖食可以lady啲, 但分兩啖塞爆個口先至滿足. (其實暗地裡想挑機一啖一件🙈)

I will be back!

同 #天仁茗茶 嘅一期一會就係一星期會佢一次, 都係回歸初心飲返 #913鮮奶茶 加珍珠最穩陣😘

#Jagabee 薯條出左好多隻味, 最常見係原味、紫薯、紫菜、wasabi, 食過原味同紫薯, 兩隻都係落鹽吊返原本隻薯味出黎, 不過兩者食落味道無乜分別, 總之都係真薯味. 呢種薯條同現炸薯條分別係佢抽乾水更乾硬脆, 不過呢點波浪薯片做得更出色, 所以一係就食現炸熱辣辣薯條, 想食佢不如食波浪薯片, 食杯裝真係純手痕貪佢包裝幾靚仔先拎去畀錢, 同埋少少地一次一杯食哂無眼屎乾淨盲😌

配色搶眼睇落又舒服, 一杯杯感覺精緻, 食之前搖下佢令啲鹽分佈均勻啲, 聽到發出叮叮咚咚聲都係種小樂趣😌

雖然話細細杯, 但都二百幾卡, 無咁guilty純粹因為份量少食哂都係頂盡呢個數.

蓋面有寫明唔可以入微波爐加熱, 唔知係唔係包裝太似杯麵, 驚有智障拎去叮, 仲有包裝好貼心提醒小心𠝹手. 

杯裝拎薯條出黎嗰時除左手指頭係唔會hi到其他地方, 袋裝嘅話通常成隻手指都會奶野, 而且一路食要一路向前傾倒出黎, 又或者開大個窿成隻手伸入去拎搞到手背都奶埋野, 所以呢個包裝除左靚仔都有啲用途.

好耐之前就知道呢隻薯條, 但直到出左紫薯味先吸引到我去買, 因為未食過紫色薯條嘛, 不過紫薯定原味都好, 味道太pure唔夠重口唔係好吸引我.

一杯要$13.5得40g, 真係買包裝多過買野食, 你睇佢出少少薯就賺到笑😏

Cupcake之中係 #嘉頓 #孖寶蛋糕 先滿足到最平好食又方便呢個條件, 買返黎放兩三日先開都唔會變差, 搣開個袋已經聞到陣陣香甜味, 口感實淨又不失鬆軟, 加埋甜甜嘅提子乾, 甜得黎I like it😍

$7.7兩個試問仲有邊隻可以平得過佢

如果可以再多啲提子乾就好喇, 至於櫻桃係點綴多過食到個味.

呢隻蛋糕濕度特別高(但唔係食落濕立立), 鬆軟得黎濕濕地令佢實淨返, 口感貼服實在👍

同類產品仲有美心出品, 但我只鐘情嘉頓, 嫌美心有時太dry, 佢會乾到鬆, 無乜彈性, 又有時啲提子係苦. 不過口味嘅野因人而異, 我媽就鐘意美心, 佢嫌嘉頓太實, 我諗係因為嘉頓嗰隻濕啲, 密度高返口感實在, 但對佢黎講呢啲叫太實.......

最後一次挑機 #天仁茗茶 #普洱拿鐵 加珍珠, 上回飲7分甜依然係有啲苦, 不過因為唔夠凍自己加左冰之後苦味變得似有幻無有點玄, 搞到心思思想試下全糖係咩料. 果然對我呢啲唔算好甜食嘅人黎講全糖係太甜, 就算佢本身有苦味都用唔着咁甜黎中和, 所以又使出加冰大法搞搞佢, 咁甜又加冰呢次苦味真係去得八八九九, 剩低嗰一絲九九十十係濃茶本身陣除, 唔算得上係苦, 不過無論幾分甜都好, 始終佢都無台茶應有嘅香甜奶滑, 佢只係一杯因為加左料而辟左佢本來會苦到癲嘅凍茶......

而家飲台茶都要成三十蚊, 今次貴過上次一蚊, 唔知係地點差別, 定係加左價.

呢一杯有可能係呢世人最後一杯普洱拿鐵

內部遺照

唔經唔覺年半無食 #牛角 , 啲野係明顯差左, 其實之前都有呢個感覺, 而家只係再下一層樓, 不過又唔到難食, lunch食人均百六蚊仲可以接受, 夜晚食就真係唔多願意. 牛肉無乜牛味, 油脂含量一般般, 肉唔鞋但偏韌唔容易咬開, 尤其厚燒牛舌之前好愛, 而家咬成年都唔吞得, 反而唔係牛嘅野仲好食. 仲有之前啲菜係配生蒜片, 而家畀啲炸濃到激苦嘅取代, 泡菜食落又好似係今朝先醃唔入味, 仲有個餐湯根本只係鹽水浸海帶😑

始終覺得佢啲飯太多水, 上次食仲誇, 最初食牛角飯係幾好味, 而家無乜優勢, 食佢純粹覺得食咁多肉太漏, 搵啲飯中和下. 

蔬菜依然好生鮮, 但泡菜未上到色咁濟, 蒜片濃到根本就唔畀得人食, 叫呢個明明係為左生蒜片😭

食燒肉對我黎講就係殘廢餐, 無一個願意負責燒嘅同行人係無法達成.

咖啡唔好飲, 不過預左呢啲地方唔會整得好, 但求唔好太難飲, 咁佢都算係乎合呢個水平, 鬼叫自己攰到一個點無咖啡唔得.......

原來星星一直在身邊🌟

係天橋見到阿姐起勢咁拉先賣十蚊盒 #龍鬚糖, 又好耐無食就買左, 但係太飽無即日食, 放到第二日原來會唔鬚, 口感味道似鳥結糖, 好奇究竟啲龍鬚係用乜整, 原來係麥芽糖拉出黎, 唔怪得唔放得耐, 空氣有水份化鬼左佢, 早知飽住都吞返粒先:(

睇片見個師傅要拉成十幾分鐘, 中途係咁搓舊麥芽糖, 諗諗你粒糖放入口前係咁係人地對手到捽黎捽去, 同啲手汗水乳交融幾咁纏綿😝

裡面包住花生芝麻椰絲, 加埋個樣叫蠶蛹貼切過龍鬚, 不過以前皇帝都食, 改個名都要有霸氣.

就咁睇包裝外表以為係米菓, 打開先知係薯條, 一包兩味, 原味薯同紫薯, 之前食過 #Jagabee 一杯杯嗰隻, 其實係同一樣野. 呢種薯條同現炸薯條分別係佢抽乾水更乾硬脆, 不過要乾硬脆我會揀波浪薯片多啲, 而且薯片口味多, 呢隻薯條只係食返薯仔個原味, 太健康唔係好吸引我, 所以一係就食現炸熱辣辣薯條, 一係就食薯片, 但有時都會食下杯裝嗰隻, 貪佢個包裝靚仔, 少少地一杯一次止口痕又無咁guilty. #卡樂B #Calbee

日本啲零食好快過期, 好似呢個薯條只係三個月, 係日本生活嘅人應該係唔儲糧.

紫薯同原味其實唔多食得出有乜分別, 純粹係視覺享受.

挪威三文魚蜆肉刁草忌廉汁拼肉醬扁意粉配一客湯及熱即磨咖啡共售$77，客湯可選忌廉粟米湯或雜菜湯，我愛酥皮湯，平常又沒什麼機會吃到，所以多加$12把客湯換成忌廉粟米酥皮湯。

意粉嚼頭不俗，但是很居家的感覺，就是自己在家裡隨便拿一把意粉丟水裡煮，只要不煮過頭就是這個樣子。出外用餐的費用比在家裡吃高，自然期望吃到比自己做得好及花巧的食物，希望意粉的嚼勁再好上一點，所以對它不算滿意。

挪威三文魚蜆肉刁草忌廉汁味道太淡，那個淡除了指鹽分不足，還有食材味道的濃度不夠，三文魚與蜆肉沒什麼味道，忌廉的味道也是薄弱，灑上芝士粉也補救不了，最後只好出動幼鹽。

肉醬比忌廉汁好，雖然還不算足夠香濃，但至少吃起來不會太淡，放一點鹽更可口，但不放也可以，質素合格。

久遺的酥皮湯，看着脹鼓鼓一層好感度up~

酥皮足夠的乾爽酥脆，層層分明有着淡淡的牛油香，不論單吃還是放進湯裡都好吃，不過全程單吃太乾了，大部份都被我塞到湯裡去。酥皮其實內有多層，當它吸滿湯變軟後，牙齒咬下去使每一層酥皮裡的熱湯被擠壓出來，那種又軟又多汁的口感夾雜着牛油香與濃湯的味道，令人好滿足！

酥皮湯我還是鐘情於忌廉湯，雖說這個是忌廉粟米湯，但完全不忌廉，說是單純的粟米湯更貼切。先不說個人喜好偏向，平心而論這個粟米湯做得很好，熱得燙口，味道充滿粟米的甜，很香濃。粟米粒給不少，粒粒飽滿，咬下去有爆開來的感覺，湯的稠度偏厚，再把酥皮加入其中，每一口吃起來都很豐富。

想不到跟餐的咖啡挺大杯，比McCafe的細杯裝大多了，我也喜歡它的包裝設計，尤其這種粉色系的藍綠色正是我的常選色。EAT IS HOT, EAT IS YOUR LIFE, EAT IS SWEET也算是合乎我了，必須吃很熱，過着吃貨的人生，吃是甜甜的很治癒~

以前我不喜歡這裡的咖啡，因為它使用illy品牌，這品牌不對我口味，又酸又苦。現在貌似沒用illy，餐牌上不見illy的標誌，這次喝起來也不覺得酸，但依然偏苦，而且不夠稠，要是奶多放些應該能完好解決這些問題。不過對比以前的illy咖啡，現在是有所進步，多放一點糖喝起來也不差。

旺角總是人山人海，就不知道為什麼這裡即使是周末依然能夠輕易找到座位。一個套餐既有主食，又有湯及飲料才七八十元，還有送餐服務，餐廳環境不擠迫，要是能佔到窗邊座，我還不捨得不坐個半天呢。雖然食物質素不高，但相對價錢與其他方面所得來說是物有所值，甚至是偏便宜，位置也正在我的恆常活動範圍，這裡可以說是我的理想慢吃飯堂。