芫茜呢樣野係國內叫香菜, 臭名遠播, 聞風喪胃口, 但果然一國兩制, 我地呢到反而係熱潮. 以前我都唔食, 但近來有兩樣野, 好似忽然啪着左個制熱愛捕食, 但兩樣都完全諗唔到係食左乜而被啪着, 其中一樣就係芫茜, 不過暫時只係鐘意食生生地嗰啲, 煲左湯煮到淋茜就仲未戀上. #UrbanBakery 都響應芫茜熱潮出左 #加力茜牛 , 即係芫茜x蒜蓉嘅牛角包, 蒜蓉碎mix芫茜鋪面外表似生滿青苔, 但啲碎食落無乜味, 仲要每咬一啖好似落雪咁跌到周圍都係😑好在佢包牛張紙夠大兜得住啲碎. 芫茜個味完全係靠包裡面pat芫茜醬出黎, 個醬都幾邪惡感覺係肥仔野, 不過芫茜味偏弱雞, 同埋佢出名係牛角包, 但我又食唔出有乜過人之處, 而家賣$23一個, 如果賣$16我都會貪佢口味特別再食下. 食完之後上網睇下人地comment, 見到之前真係賣$16, 好多人都話蒜蓉味重過芫茜味, 不過我自己覺得芫茜味係重啲, 但我連芫茜味都覺得唔夠, 所以蒜蓉係弱上一層樓, $23我就真係唔再食喇.

我預感自己下一樣會啪着嘅野係牛角包......

$23太貴喇, 賣返$16啦.

之前都有食過Urban Bakery, 但唔係食佢最出名嘅牛角包, 今次第一次食, 但講唔出佢邊一方面高於一般水準, 其實同McCafe嗰啲差無幾, 不過有機會都會畀多次機會佢.

見到佢滿佈青苔嘅俊俏模樣的確令芫茜迷興奮, 不過食落無驚喜呢.

雖然pat醬唔係好夠芫茜味, 不過類似軟牛油咁嘅質地, 肥仔野食嗰下點都係有啲enjoy.

紙袋入面放左粒薄荷萬樂珠, 食完個包個口有陣除, 劇情需要食返粒, 呢下確實細心🖒

若然吃羊沙律, 必須出雞Kebab. #Ebeneezer's Kebabs & Pizzeria

星期六來了一個late lunch，飯後在尖沙咀亂逛走進海港城，想起前陣子內部進行大規模的改裝工程，前往看看完成了沒，發現原本用作郵輪登船的地方改成餐廳，不過只有兩三家在營業，依然有很多空置的地方。走近細看，被一家意大利餐廳吸引了，餐廳倚靠海旁，室內用上落地玻璃可以在冷氣底下欣賞維港景色，更設有室外坐位可以無阻隔地感受海風與景致，最令人驚訝是價錢不比Pizza Hut貴多少，若不進去消費感覺走寶了。

靠海的室外座以L形圍着餐廳排列，配上廣闊的海景，這裡前身又是郵輪登船位置，這種排場讓人彷彿置身於郵輪上的餐廳。剛進來的時候太陽猛烈，要不坐在另一邊能以更好的角度欣常日落，不過我這邊的優勢是直接面對維港的標誌性建築物，晚上八時還可以安坐着欣賞幻彩詠香江燈光音樂匯演，各有各的好。

每天3pm至7pm是Happy Hour時段，晚上10:30pm又開始一段Happy Hour，我是頭一次遇到晚上多來一段Happy Hour的餐廳，這實在太好了，正好晚飯後逛個街再來喝一杯作個完美句號，而且想不到海港城內的餐廳能營業至凌晨。Happy Hour時段提供買一送一優惠，惠及的選擇更不是只有酒類，以這個環境質素，就算沒有優惠也覺得價錢合理。

點了名為Passione的雞尾酒，鮮豔的橙黃色配上面頭新鮮的熱情果與薄荷葉再以維港作背景，這張照片絕對能成為騙like工具😏單看名字與外觀就能想到味道以熱情果為主調，但因為是手調飲料，兩杯的味道未能一致。第一杯有點過甜，不過依然在接受範圍內，第二杯苦得我喝不下，跟朋友的Ginger Ale ($38)對調了，而且兩杯也是酒味全無，喝起來是單純的果汁，也感覺不到是幾種食材調出來，味道令人有點失望，若不是因為有着一流的環境補救，我得評它不合格了。

維港從日落到晚間的變幻

餐廳門口的設計讓人可以看到做薄餅的實況，一個大磚爐的物體似是無言宣告着薄餅是他們的拿手菜，我們點了Pizza Margherita，它只用上三種食材營造味道──蕃茄、水牛芝士、羅勒，一嘗何謂正宗薄餅。

由於薄餅完全沒肉，味道很清新，尤其當咬上羅勒葉，香草的味道在嘴裡散開。薄餅餅底雖薄，但未至於薄如餅乾，依然有點厚度與麵包的彈性，我不喜歡現在有些餐廳把薄餅做成餅乾底又薄又硬。我認為這個薄餅最大的特色是有着一股煙燻的香氣，這是我在本地餐廳少有嘗到的味道，大概是門口那個磚爐的功勞吧，也就是這股味道應對了心目中正宗傳統薄餅的形象。雖然我喜歡這個薄餅，但不減我對Pizza Hut薄餅的喜愛，我喜歡它的芝心厚批，面頭佈滿肉，味道濃厚，大口咬起來給我塞滿了嘴的滿足感。對我來說食物求稱心，而不是單單講究起源與傳統做法，雅俗共賞。

經典肉醬闊條麵份量有點少，肉醬的蕃茄鮮味也很少，取而代之是疑似紅酒而成的濃烈味道。最初我猜這種味道是肉膻氣，但朋友說這味道不像是從肉而來，想來想去能想到的就只有紅酒。我期待的肉醬意粉是有着蕃茄的酸甜，不太喜愛這個味道，但又沒到討厭它。然而，它的闊麵值得一讚， 雖然比我常見的闊麵窄了一點，但反而有着出色的嚼頭，彈性好又滑，現在還依稀記得麵條在口中翻動的質感。

他們該想想冷飲冒水的情況怎麼解決，給的兩片紙杯墊被水濕得霉爛，移動它的時候一直滴水，就算不移動也是一桌子的水，因為冒出來太多，兩片遠遠吸不住。

內部裝修不算花巧，比較引人注目是有間牆作用的大酒櫃，不過在泛黃的燈光下，餐桌上的玻璃酒杯被燈光穿透，簡單整齊的桌椅佈置，抬眼就能看見的海景，結合出高級餐廳的氛圍。

進餐廳前發生了一段小插曲，當時門前兩位服務員頗為熱情為好奇的路人介紹餐廳，正當我們決定光顧，一位貌似高級女服務員上前面帶難色，感覺不想讓我們光顧，我當時覺得絕對不會是怕我們消費不起，就它跟Pizza Hut差不多的價錢，所以就想是不是因為我們穿得不夠光鮮。後來跟侍應交談才得知當天是餐廳第一天營業，老闆們都在，還親自招待客人，觀察下來也覺得客人是受邀而來，而且營運程序還在模索中，大概是怕我們打亂步調而不想我們進來吧。這麼想來不禁推測現在的價錢是因為試業才設於低點，過一段日子將會調高，這個地點與環境配現在的消費水平實在便宜得不可思議。

就是這個爐做出美味Pizza，爐上天穴二字並不是牌子，只是對面餐廳射過來的名字😂

環境一流，服務則難以定論，首先老闆們在員工自是行為檢點，再說首天開業安排有點混亂，所以當天情況不可作準。價錢以這環境來說超值，但是味道尚屬一般，雞尾酒不行，薄餅雖然有它的吸引之處，但我沒覺得它能凌駕於連鎖店的"俗氣"薄餅，意粉味道又不是我所期望。說來說去餐廳的優勢只有能以平民價錢租用豪華座，還不知道這個價錢是否長期性，過一段時間一定會再來看看價錢有沒有變動，要是調得很高，也沒興趣再來。

在茶記中找尋非茶記糧食: 本來想有系統咁寫返篇, 但諗諗下好似唔多fair, 因為本身叫嗰啲野食我就唔多會食, 講出黎唔夠中肯, 所以係咁二fb ig 概括下夠. 1. 唔係為左雪山梳乎厘都唔黎, 本來就追求食硬野, 所以對食風唔係太理解咁樣即係好唔好食, 不過一齊食風嗰個話都OK, 對我黎講影到咁大個風已經重點達成. 2. 先唔講我個人偏見綠茶出乜野都唔like咁濟, 雪糕抹茶特飲本身個味就假, 假到我覺得似顏料, 雖然我又未食過顏料, 總之個味唔太似食得. 3. 焗咖哩雞飯多士盒即係將個咖哩雞飯放入麵包再焗, 多士燶燶地dry到似手指餅唔啱我咀形, 不過本身食得飯黎都唔多食個盒無大礙. 至於個咖哩正常茶記水平, 但佢唔係偏重椰香嗰隻咖哩, 又唔係辣咖哩, 本身就唔係我杯茶. #永興冰室 #太子 #彌敦道 776-778號地舖

八十八蚊食風, 加鬼口水多十蚊😏

彷佛凝住了爆炸的瞬間......偽文青一下

正在為你製作手撕梳乎厘

焗咖哩雞飯多士盒 $68

多士盒食法即係比平常咖哩飯多左個麵包點咖哩環節

見到兩個鬼口水撻其實已經無乜胃口......

叫呢杯野嗰個話佢好甜, 但我本身幾怕甜又唔覺喎, 不過個味太膠了😑

唔知做乜有日心頭忽然湧上對咖啡厭倦嘅感覺, 但又唔係唔飲, 只係覺得佢畀我一種"累了"嘅無力感......但係方圓十里都買唔到奶茶, 我又唔多飲好立克阿華田檸茶, 最終選擇委身於豆漿, 貪佢整熱黎飲都唔怪, 又無乜添加化學野, 而且無鮮奶咁快過期. 呢支香港製造 #壹品豆漿 聲稱用有機黃豆, 係七仔買都只係七蚊就有500ml, 唔覺佢特別好飲, 但當然達到平均水準, 而且勝在夠平容易買到, 可能會伴我左右一排~

忍唔住又要再推下 #馬莎曲奇, 同Mrs. Field比真係好鬼抵食, $13就有好大塊, 仲要全日做$33三塊優惠兼可以拼牛油香酥餅或者乾果方塊. 而家Mrs. Field$14.5先得丁屎咁大塊, 以前覺得貴都會買黎食下, 但見住佢一邊加價一邊縮水真係唔想再益佢. 當然佢都有佢優點, 口味選擇多好多, 同埋疑似係香啲, 但我又未進化到可以用個鼻食野, 而且只要兩三種朱古力口味已經可以滿足我, 對於懷着一股窮撚壯志嘅我一定揀性價比跑嬴幾條街嘅馬莎曲奇！#Marks & Spencer #M&S

次次都只係買曲奇, 但其實仲有好多野都好吸引.

痴線架! 真係未見過咁大個牛角包, 張相無野比較睇唔到佢大得幾過份, 睇實物先可以有所體會. 好唔好食唔知, 但個勢已經嬴左, 明明馬莎係英國野, 做乜用美國size😆

係馬莎買曲奇仲可以自己鐘意夾邊塊就邊塊

有尺有真相, 馬莎曲奇直徑差唔多有成10cm.

為求比拼親身落場買一次Mrs. Field, 做人就係咁認真😌

但作為一個滿懷窮撚壯志嘅人, 當然係要漫無目的係條街盪到九點半有買三送三先肯拎個銀包出黎😎

有尺有真相, Mrs. Field得6cm咋.

咁佢都有啲唔係咁細塊, 不過大得黎好薄囉, 即係體積同細塊差無幾, 呢啲小把戲呃我唔到嘅😏

偶爾會喝洛神花茶或山渣茶，兩者味道都是酸酸的，但這杯珍珠洛神花山渣茶卻產生了負負得正的效果，兩種酸的東西下去竟然酸味微弱卻甜得反感，珍珠粉感重，欠彈性，飲料又不夠冷，差得我忍不住要求侍應換一杯。侍應做不了主，找來一個貌似是高級職員，我向她要求換一杯不同口味，看她嘴臉也知道不願意，而且也懶得聽我把話說完，只是說句給我換就拿走我手上那杯。結果只是重新做一杯一樣的，當然依然不好喝，但放的冰比之前多，味道沒有之前難受。用餐過程中，看見這位高級職員對員工黑口黑面、粗聲粗氣，我跟同行人說現在飲食業找工作挺容易吧，換是我用不着屈就自己在這裡打工。

這是一家台灣菜餐廳，我不曉得何謂正宗牛腩麵，但這個湯底做得不得我歡心。說它難吃倒不至於，它的味道讓我聯想到肉骨茶，它有着近似是藥材，但又還不到藥材的味道，卻沒有像肉骨茶那樣散發着藥材香，同行人表示這股味道讓他覺得麵吃起來很淡。對我來說，那不是太淡，而是一股要苦不苦的味道打亂了味覺。

牛腩非常軟腍，但因為湯底的問題，味道不怎麼樣，而且給很少。

在我們的飲食習慣裡，較多接觸潮州粉麵或車仔麵，相比常吃的粉麵類，這個所謂的幼麵一點都不幼了。我以為這個粗度吃起來會像油麵柔軟中富有咬口感，實情卻是純粹的軟，不喜歡。

原汁牛筋粗麵放上很多牛筋，與牛腩幼麵的份量形成鮮明對比。 

牛筋非常軟腍，但牛筋麵用上與牛腩麵一樣的湯底，所以又是同一個問題，味道並不吸引。

粗麵闊如闊條麵，但比闊條麵厚，以麵來說，這種粗幼度過硬了，不過它畢竟只是麵粉做出來的東西，不會有難以咬開的問題，但是咀嚼起來有種阻力，沒有吃麵條的順暢感。然而，相比軟乎乎的幼麵，我寧可選擇這種過硬的，麵條一但軟過頭總是向嘔心的感覺奔去，分別只是有多嚴重。

晚上曾經過這家餐廳，門口堆着一群等候的人，下午來卻是一半未滿，差別很大。這家店，食物不行，服務不行，就是環境比較好，裝修簇新，整齊乾淨，此行二人可佔四人座，坐得舒服。然而，即使環境再好，食物與服務不行已是死症，永別。

泰國野畀我嘅印象係橙色同黃色, 件件重口味, 雖然樣樣都啱食, 但又無乜意欲主動提出食, 通常有人叫先食. 基於提出食嗰個太欣賞泰國菜(用眼睇多過食😑), 自隊三分二感覺成個人即刻濃味哂.......此行第一發現係冬陰功原來無乜辣, 定係純粹呢個椰青版先咁弱雞? 第二發現係杯檸檬香茅甜到無同事😑

又到左一年一度食淋patpat芋頭嘅時機😍

當我同人講 #老麥 有辣朱古力雪糕嘅時候, 個個反應就好似我講梗 #麥當勞 終於賣乾炒牛河咁唔可信, 我話講多無謂你唔信自己上官網睇😒呢個組合可以話係諗都無諗過, 而且堅估佢唔到又幾好食喎, 佢個味依然係朱古力主導, 頭幾啖無料到仲以為畀錯左, 但食食下會feel到個辣係喉嚨到發出黎, 而且仲會係越食越辣, 可以話有冰火效果, 過癮😆食得下辣嘅人一定carry到但又唔會覺得佢無料到, 唔食得辣嘅人慎吃. 不過 #辣朱古力新地 自動無左花生, 做人又點可以無花生呢, 口感硬係差咁啲, 下次我會要求多花生又睇下佢又肯唔肯畀先~ #M記 #McDonald's

All day breakfast❤

四人，八餸，1.5小時，$675.4。

首先吃到的是侍應自動送上來的一小碟雲耳，雲耳軟滑亦有爽口感，有着濃厚誘人的麻油香， 還好大家互相禮讓，否則只有幾片得搶吃了，哈。

來吃飯前先在網上搜集資料，看見三文魚刺身獲得不少好評，說它的像真度很高，平常不吃素菜。還是吃過幾次素菜裝成肉，做成刺身倒是想都沒想過，機會難得豈能不親身體驗一下。三文魚的外表做得算是像了，但並沒到滿意程度，皆因每片大小是一樣的四四方方，真正的三文魚可是左右兩端其中一方尖窄，現在的形狀太死板了。味道方面，單吃說不出個味道，必須靠豉油芥末來營造三文魚的感覺，質感則像軟膠。本來想說它像蒟蒻，但想想也不像，因為那種質感吃起來不太像食物，不喜歡。

沙嗲羊肉串吃起來沒有羊肉獨有的膻氣，這是意料之內，所以奇怪為什麼不命名為沙嗲豬肉串。若說它是豬肉串，在不知情下我未必能察覺出來，大概只會覺得它沒有一般的豬肉結實，加上濃味的沙嗲醬，確實做到串燒肉的神韻，但當然比不上真正的串燒肉。

香酥炸大腸大概是把多層腐皮之類的東西疊起來再卷起油炸而成，雖說油炸但整件不脆，從外到內彈性高，油炸只達到去掉水份的效果，吃起來乾爽，不過蘸上甜酸汁吃還不錯。

.

鬆化芋頭魚本來就是沒什麼花巧的菜式，純粹把芋頭壓成茸再造成魚的形狀，然後拿去炸。除卻裝成魚的外皮，從頭到尾都是芋頭而已，沒什麼可失手的地方，可以分高下的決勝點就是外皮有沒有炸得很鬆化，這裡並沒有；又或是芋頭有沒有份外香甜，這裡也沒有，不過也不是說它差，依然達到平均水準，只要不討厭芋頭，都不會厭這道菜吧。

這道菜送上來的時候是包在錫紙裡又再包一層半透明的紙，就像拆禮物一層一層打開它，驚喜不驚喜？

實情卻不是驚喜，而是驚起，驚於外表的醜，以及難食到飛起......

這個驚人之作名為秘製客家鹽焗雞，首先說是鹽焗卻不咸，咸味要靠一同送上來的沙薑醬輔助，然後質感很詭異，裝不成肉，勉強像是豬肉丸。最大問題是它有着一股怪味，那個味道不像是食物，雖然不重，但是給人尖銳的感覺，我是靠沾滿沙薑醬把這股怪味壓着，但多吃兩件頭都要痛了，這道菜份量不多，四個人卻沒能把它吃完。 

濃湯粉絲雜菜煲淡得要死，淡到懷疑廚師忘了放鹽，只好向侍應取鹽，才把味道挽回來。除卻太淡這點，把鹽加回去後其實味道不錯，蔬菜新鮮，白色湯底清中有濃，使蔬菜這種本來味道偏淡的食物不會太寡，簡單而不沉悶。

這道香椿瑤柱魚翅蛋白炒飯給我的感覺並不是素菜，是一般酒樓可以吃到的菜式，由於對素菜的興趣不大，它比較對我胃口，是當晚最好吃的。其次，炒飯咸香惹味，大概是香椿的功勞，但質感乾了一點點，不過整體不錯。

咸食結束後侍應主動送上雪梨雪耳南北杏糖水，因為沒想過提供免費糖水，內心竊喜，但吃了一口後......好吧，其實不送更好，糖水甜得要命，看着一大碗沒吃的糖水反而有種浪費食物的心理負擔😓

由於座中有人臨近生日，要了半打蓮蓉壽桃意思一下。壽包在照片中看起來還不錯，但實情是一送上來就知道質素有欠，壽包表皮並不平滑，有着密密麻麻細微的凹凸，達不到饅頭鬆軟又有咬勁的質感，現在的口感是稍微濕過頭，沉沉的。

壽包常見毛病是蓮蓉饀太多太甜，這個蓮蓉饀甜度適中，但是給太少以致味道不夠。

這是綠茶？有着一股淡到微苦的味道，我不喜歡，但同行人中有人覺得它不錯。說實在偽裝素菜不太合我胃口，裝出來的食物本來就難以超越真食材的質素，而且合成出來的口感與味道漫延着一種非食物的感覺，嘗一兩次求個新意就夠了。若是無魚無肉的非合成素菜，就是踏實地用蔬果做一道菜，我多吃也不厭。然而，先不說偽裝素菜不對我胃口，這裡的廚藝也的確只是一般，不過四人吃八道菜才六百多，這種價錢，我覺得以現在的味道來說還是可以，但是沒有興趣再來吃。

訂位後在網上搜集資料，看見多篇評論說這裡的服務質素非常差，猶豫着還要不要來，最終因為懶於再找另一家餐廳沒有更改。帶着會被粗暴對待的心理準備而來，卻出奇發現情況非如評論所說，侍應阿姐雖然沒有五星級服務，但態度對得起這個價錢水平，要求添水還是調味料都會送來，也沒有掛着討人厭的咀臉，或讓我們等太久。我們點了壽包，阿姐還跟我們聊兩句，問是不是有人生日，生日吃素不殺生這個觀念很好。咸食吃完後，知道我們最後還有壽包要來，先給我們收拾枱面，又送上糖水。還有上菜速度很快，之前擔心限時一個半小時太趕，結果飯後時間有餘我們坐着閒聊，而且這裡人流多，地方有點擠，本來就不會想坐太久。不知道是他們改善了還是我剛好時運高，但總而言之我對這次服務態度感到滿意。

相比白粥油炸鬼，其實甜豆漿油炸鬼更討我歡心，但相比白粥油炸鬼，更難找到好的甜豆漿油炸鬼:(

油炸鬼完全不香脆，質感挺硬，失望。

豆漿是無糖的，侍應給了兩包白糖，全下了還是不夠甜也沒什麼豆香。

豆漿不佳，油炸鬼低質，這個組合自然是失敗之作。

牛肉腸粉外表正常

腸粉皮做得不錯，我不是追求薄皮之人，厚度挺對我口味，不太厚也不太薄，還帶點米香的味道，配上甜豉油也可稱得上平凡的美味。然而，作為牛肉腸粉它依然不合格，問題在於牛肉咸得要死，吃到一半我是受不了要把牛肉挖走才能吃下去😒

對於連鎖式餐廳，向來不會抱有高期望，但正因為一個集團之大，認為它必須備有一定水準。以前覺得海皇粥店的質素還可以，性價比合格，幾年沒吃，這次再吃感覺是完全不可以了。

小時候經常在茶樓吃家鄉銀針粉，現在像是失傳了找不到賣的地方，當天點菜後才發現這裡有賣，基於對它的熱愛，即使這次用餐經驗不理想，我還是會來吃一次看個究竟。

Need coffee even at night, tired like dog recently

近來坐車經過這裡發現一家新開張的Cafe，設有室外與室內座，以藍色作主色配泥水灰牆，門面看起來相當精緻，這天星期六下午時間充裕，特意徒步到這裡吃個午餐。店裡光源主要來自黃光燈膽，營造出昏暗的氣氛，藍拼灰色調甚有型格，但選用的桌椅頗為簡陋細小，也沒有椅背，長時間坐着不算舒適。個人認為這地方適合吃一頓午飯或是喝一杯咖啡，總之不打算逼留超過兩小時，就是讓人在忙碌中優雅地喘一口氣。另外一個小缺點是地面微微的凹凸不平阻撓了椅子移動，出入的時候有點狼狽。

小店子座位不多，食物選擇也不多，以輕食為主，食物定價不高，比如這個雜菌蘑菇忌廉汁扁意粉只售$55，份量卻不少，可惜是質素偏低，意粉過硬又不夠忌廉汁，吃起來是又硬又乾又淡。向職員取了盬與黑胡椒，意粉雖然硬得不可口，但沒有硬得吃不下去，加上調味料還是可以湊合着吃完，然而絕對不是一個合格的意粉。

店裡只售賣咖啡與花茶，沒有常見於茶餐廳的飲料，大字寫着他們堅時做一家咖啡店，不過咖啡質素未見出色，尤其McCafe前陣子轉了咖啡豆配方，做出來的凍咖啡遠比他們香濃。我點的Iced Latte喝起來不是差，只是過於平凡，一般西餐廳做出來的也跟這個差不多吧，咖啡沒有突出的香濃味道，凍咖啡的順滑感也很一般。

店子氣氛環境不錯，在這裡歇息一兩個小時有充電效果，就是食物水準不怎樣，但一頓下來才$70，在Starbucks喝一杯咖啡加一件吃的大概也是這個價錢，雖然Starbucks的食物比這裡好，但是環境擠迫多了，有時候心靈上的舒適比口舌之欲更重要，所以如果想要安靜地找個地方短暫待着，我還是有可能會再來。

平時一唔知食乜好, 好多時都會食撈麵頂肚, 鐘意佢惹味又有咬口感容易買到. 以前係7仔買多, 但越黎越接受唔到佢濕同淋, 就算買走到食只係十分鐘腳程都係咁. 後來發現 #陳記魚蛋 個撈麵好好食, 買完坐車返屋企快極都半粒鐘依然保持乾爽有彈性, 所以直頭係佢到買左包未開睇下係咩牌子, 以後撈麵就靠 #Sedaap 喇. (溫馨提示: 堅唔好食陳記魚蛋個咖哩色辣醬, 一來唔覺佢好味太甜, 二來只要奶左一小滴就水洗都唔清😑)

無論陳記定7仔還是OK而家都唔會見到撈麵個包裝袋, 想偷窺係咩牌子都唔得要畀錢買😑

以前7仔用Indomie, 而家應該都係, 雖然見唔到包裝, 依然可以憑佢個調味包認出. 對我黎講Indomie細包左少少, Sedaap正好大包過Indomie啲啲, 份量啱我嘴形👄

之前食陳記已經試過辣醬奶左落白色手機殼到, 出動藍威寶同納米海棉都勁難完全整甩, 好在過一排殼上面個印甩哂, 但當時仲有塊白色布奶左野無即洗而家個印仲係到😑今次食只係一小滴整左落白色衫, 即除出黎用喪多酒精消毒紙喪捽先甩到, 呢個醬上色能力高到我懷疑食完個胃都發黃, 仲有唔知點解食親陳記都係白色野遭殃......#白色咀咒

呢個係7仔買, 本身已經覺得香港賣嘅Indomie比外國食過嘅淋啲, 唔知點解同一牌子唔同地方唔同質感, 而家仲要一早煮定放入盒待機(以前唔係), 買嗰時只係過一過熱水再撈, 實物近睇會見到啲麵已經發左凹凹凸凸, 質感睇落都濕笠啲.

原來星星一直在身邊, 近來先知每朝行嗰條路改少少就可以去到7仔或OK買撈麵✌

撈麵首選配星星, 星星應該係魚腐, 食落幾似炸魚片頭, 但係比較軟滑, I really like it~

近來先開始係OK買撈麵, 原來都係用Sedaap, 不過佢唔夠陳記乾爽, 我諗係因為佢同7仔一樣都係預先煮好個麵, 但陳記係有人叫先煮麵, 不過都已經好好食, 因為係Sedaap嘛😋

同7仔比較, OK用Sedaap整嘅撈麵一睇就係乾淨利落啲, 無咁漲, 齋用眼睇都feel到佢係乾爽啲👀

OK一個撈麵$11, 超市買一包平均先$2, 而家知到咩牌子, Sedaap又無咁易淋, 可以朝早自己整完拎返公司食, 唔駛再係出面買, 年中慳唔少😆

好耐無收到呢個蕉蕉嘅日本手信, 一係唔黎一黎就成盒🍌😆🍌😆🍌😆🍌😆🍌😆🍌😆🍌😆🍌😋好耐無收到呢個蕉蕉嘅日本手信, 一係唔黎一黎就成盒好耐無收到呢個蕉蕉嘅日本手信, 一係唔黎一黎就成盒

請你吔蕉🍌

🍌🍌🍌🍌🍌🍌🍌🍌

日本仔好似好鐘意吔蕉咁🤔

名称: 生菓子

影低將來有跡可尋😎

我媽一打開自己喺到係咁傻笑話好似條貓尾😹

雖然話係朱古力蕉味, 其實朱古力味無掟企♪

係 #一田 見到呢個, 諗起之前食過冬蔭功金邊粉幾好食, 但無得賣揀左 #酸辣金邊粉. 包裝上寫用滾水淥焗3分鐘就得, 但實情係唔夠淋都係開火煮一煮好啲, 無耐性等佢慢焗. 雖然叫酸辣, 但係辣到唔覺酸, 自己都算食到辣都覺得佢幾辣, 要飲湯先勉強食到少少酸, 而且似甜多過酸, 都係冬陰功好味啲, 香好多唔係得個辣字. 金邊粉一包55g唔夠當正餐, 打孖上又over左, 適合宵夜或者唔多餓嗰時食, 值得一讚係佢口感幼滑到唔多覺自己食梗即食野. 本來我就唔多迷酸辣(除左三哥嗰個), 所以齋辣味都接受, 但呢包野有一個致命傷係佢有陣好似係紙盒焗住左好耐發出嘅怪味, 呢世都唔想再回味😑 #媽媽 #MAMA

辣嘅程度到可以激發鼻水, 但未到要流出黎👃

$2.6一包

細細個得187kcal, 簡直係宵夜良朋(前提係個粉無左陣怪味的話.....). 

口感似係麵檔嘅河粉, 而家係屋企就食到, 勁方便(前提係個粉無左陣怪味的話.....). 

其實之前都試過去搵冬蔭功味, 但有賣MAMA嘅地方都無賣, 連上網都搵唔到話sold out, 我諗佢唔再出, 點解要咁對佢同我:(

一排無黎 #東京站章魚小丸子 發現食物前面多左塊野擋沙塵, Good! 平時食Q餅多, 今次想食下 #章魚小丸子, 原本覺得佢啲小丸子係好食過 #日船章魚小丸子 , 但係今次大跌眼鏡, 第一啖就知奶野😟, 個皮又乾又硬睇怕已經放左係到好耐, 裡面當然唔例外凝固得九九十十, 仲要無乜菜, 成件事好粉. 章魚小丸子一定要流心狀態先好食, 裡面要濕濕地有汁七分凝固, 章魚粒唔多唔緊要, 有粒大嘅撐場都夠, 最緊要係多菜多菜多菜! 之前買就算唔係睇住佢即整都無事, 唔知真係差左定唔好彩, 咁多年感情會畀多次機會佢睇下有冇改善. #旺角 豉油街33號地下

有機會都試下食次日船睇下佢而家咩環境

你到底明唔明? 我唔想我同你之間嘅感情因為呢幾粒野而玩完💔

$22六粒

乾到無朋友😑

旺角啲鋪轉得極快, 十幾年佢都仲係到好難得.

平時會幫啲路人打格仔, 但呢個一定要show出黎, 我係對面馬路影幾張門面相, 返黎執相放大發現呢位哥仔原來一直同我交戲, 笑左出黎😂