呢盤可能係有生以來遇到最大嘅青口

六草野得九隻

 舊肉仲大過隻湯匙

#老麥 唔知係咪因為近來出嗰三款新包人多到痴左線, 有生以來第一次買 #麥記 搞左半粒鐘(눈‸눈)本來出新野試唔試無所謂, 但竟然有我熱愛嘅Jalapeno在其中, 即刻狗衝! 板燒雞腿至尊漢堡足三両亦因三款新包上陣而退場, 而家 #M記 啲餐一半都係雞, 唔知幾時可以唱雞全部都係雞, 仲有自從2017 #麥當勞 經營權賣左畀強國, 我一直等睇佢幾時賣粥╮(╯∀╰)╭ #狂野火辣脆雞 件雞其實同脆辣雞腿包係一樣, 成個包賣點係pat辣醬, 平時唔好食辣唔駛諗實頂唔住, 平時食辣唔食都無損失, 除非係Jalapeno fans.

雖然唔少人話老麥轉型賣貴包, 但其實$35.8一個餐都係比平時啲餐貴四五蚊啫, 個盒勁大又真係有大份左, 反而覺得$35.8食呢個餐抵過食魚柳包餐都要三十蚊.

#狂野火辣脆雞 件雞其實同脆辣雞腿包係孖生, 勉強抱住懷疑呢塊係厚佢少少嘗試為自己增添新意......

採用嘅包係新野, 但除左外觀食唔出有咩特別之處. 件雞偏咸, 菠蘿個甜唔係好有中和作用, 同埋個人唔係好鐘意咸甜同食, 仲有炸野又同啲太多水嘅生果撈埋. 平時好鐘意食洋蔥, 但佢啲洋蔥個甜怪怪地(｡ŏ_ŏ)

成個包嘅賣點係呢pat辣醬, 就算平時鐘意食乜都加啲辣, 食到呢個位都覺得刺激, 之後要隊野飲降火. 個包唔覺得有幾好食, 但有時想食下辣野都可以買, 不過食前會拎件菠蘿出黎當飯後果.

總結: 平時唔好食辣唔駛諗, 平時食辣唔食都無損失, 除非係Jalapeno fans.

已經唔相信會中六合彩, 所以時機適合就食, 不過真係越黎越唔抵食. 腸粉$14四條, 魚蛋$10六粒, 買佢個位坐係到食勉強接受, 拎走真係太貴😣

無食碗仔翅已經要用"年"黎做計算單位, 因為實在無間好食, 但近來成日見人食生菜魚肉, 撩起左我對碗仔翅嘅欲望, 但原來真係唔可以畀機會佢, 絕對堅伏!!! 魚肉好腥, 個翅勁勁勁重馬蹄粉, 仲要有色無料, 如果唔加魚肉真係BB都食得, 無野可以咬咁濟!!! 話哂碗仔翅都係香港特色小食, 可唔可以畀返小小心機做好啲呢 #碗仔翅 #就快成為傳說 #只於活人民心中而不在口中

魚肉勁腥, 仲要一啲都唔彈牙(╬ﾟдﾟ)╭∩╮

啲燒賣淋到就黎變豆腐, 得墨魚丸食得下, 好在有 #天仁茗茶 救下場 ( ˘•ω•˘ )

見到沙律芝士flavour覺得又係人類進化累積落黎嘅優良口味, 但食落沙律芝士比率得8:2, 奶味偏重, 而且原來睇少左個字"Sweet", 薯片呢樣野甜得幾好味都好, 始終唔咸唔盡興:( #品客 #Pringles #Sweet #Mayo #Cheese

展現出煎隻蛋都穿, 熱返個包都燶嘅民族風.

呢份工令我感覺失去最多嘅可能唔係時間, 而係奶茶! 再飲唔到會走火入魔!! #試過公司附近三檔都全面中伏

今日呢杯雖然唔係高質, 但至少唔難飲有茶味, 可以頂住癮先☕

Weekend為左杯奶茶硬食茶記, 是真愛💗

#Outback 可以話係學生哥回憶, 以前食覺得係貴野, 今時今日已經平民化, 價錢適中但質素依然唔錯, 能夠生存咁耐係有佢道理( o• ̀ω•́ )b 黑糖麵包人人愛, 仲要任食唔嬲👍印象中第一次飲呢到嘅粟米湯, 啲粟米粒好甜唔似雪藏野, 好味😍豬肋骨唔係我杯茶, 無乜食, 但朋友仔好鐘意, 獨力完全肢解! 黎食左咁多年, 諗住都搞返啲新意, 牛揀左Slow Roasted, 真係聽唔明個侍應點解話一定只可以食Original, 做唔到其他方法😑舊肉我覺得係靚野, 軟熟有啲半肥瘦, 但呢個食法真係浪費左佢, 唔香唔惹味, 只係唔難食, 有時啲野都係傳統先最啱feel. 杯野飲勁正, 首先好抵飲, 一杯其實等如兩大杯先$75, 無乜酒味但支Apple Cider令成杯野變左有汽, 至愛有汽又唔駛汽水咁死甜, 加埋蜜桃又sweet又fresh, 真係要搵日再飲過, 希望佢長期有啦❤

黑糖麵包人人愛, 仲要任食唔嬲🖒

印象中第一次飲呢到嘅粟米湯, 啲粟米粒好甜唔似雪藏野, 好味😍

豬肋骨唔係我杯茶, 無乜食, 但朋友仔好鐘意, 獨力完全肢解!

黎食左咁多年, 諗住都搞返啲新意, 揀左呢個Slow Roasted, 真係聽唔明個侍應點解話一定只可以食Original, 做唔到其他方法😑舊肉我覺得係靚野, 軟熟有啲半肥瘦, 但呢個食法真係浪費左佢, 唔香唔惹味, 只係唔難食, 有時啲野都係傳統先最啱feel.

呢杯野勁正, 首先好抵飲, 一杯其實等如兩大杯先$75, 無乜酒味但支Apple Cider令成杯野變左有汽, 至愛有汽又唔駛汽水咁死甜, 加埋蜜桃又sweet又fresh, 真係要搵日再飲過, 希望佢長期有啦❤

#老麥 出左沙律咁多年, 今時今日先第一次食, 佢個沙律做出一種家嘅味道...... 即係同係街市隨便買棵生菜返屋企hea切, 加塊超市唔知放左幾耐落左幾多噸味精嘅雞扒, 然後再放啲屋企食淨嘅麵包搣碎丟落去. 仲要塊扒唔切之餘, 刀都無把(真係想拎刀), 完全演繹到係屋企宅嘅神髓, 係一份隨便有啲無咁悶嘅野塞落肚嘅親切感. 呢$42得到嘅唔係溫飽咁簡單, 而係一份知識, 知到佢啲沙律幾難食, 真係唔敢話唔值😑#M記 #麥記 #烤雞凱撒沙律

一排無食, 又見到佢, 即買! 食呢個要靠運氣, 無故定賣場, 大大包先十二三蚊, 抵食又好食. 兩種口味都惹味, 食之前shake shake, 等啲味粉上返塊餅到. Cheese Supreme似似地卡夫芝士粉撈餅乾, 雖然芝士味未到濃, 但都算出, 已經值左( o• ̀ω•́ )b Sour Cream & Red Onion一打開聞到陣酸味, 食落去有埋紅蔥頭陣除, Sour Cream x Onion本來就係人類進化累積落黎嘅智慧, 好難唔好食（¯﹃¯）餅乾黎講超脆, 差唔多可以當薯片食, 正！

二揀一一定係一次揀哂兩隻😏

食之前shake shake, 等啲味粉上返塊餅到, 似似地卡夫芝士粉撈餅乾, 雖然芝士味未到濃, 但都算出, 已經值左( o• ̀ω•́ )b

一打開聞到sour cream陣酸味, 食落去有埋紅蔥頭陣除, Sour Cream x Onion本來就係人類進化累積落黎嘅智慧, 好難唔好食（¯﹃¯）

左芝士, 右紅葱.

鐘意飲有汽嘅野, 但又唔係有汽就鐘意, 不過如果係利賓納味又唔錯, 之前飲過膠樽裝, 但膠嘅野真係膠架嘛, 吸引力係差啲, 所以一見到有罐裝即刻拎去畀錢, 個罐設計得唔Hea, $14三罐幾抵飲. 利賓納咩味差唔多個個都知, 加左汽純粹係睇飲嘅人鐘唔鐘意有汽架啫, 不過呢個係Lightly Sparkling, 對我黎講唔係好夠氣力. 至於加左蘋果味同原味分別唔大, 多左啲啲唔難接受嘅藥水味, 但印象都係停留喺原味, 所以都係飲原味算吧. #有汽利賓納 有個好處係有時想飲幾啖有汽嘅野但又唔想飲成罐咁多, 開呢個飲一半可以收返埋, 之後無左汽都唔會唔好飲( o• ̀ω•́ )b

大半年前來過，那次對食物印象不錯，不過因為某位侍應的表現讓我感覺服務質素有欠，本着河水不犯井水的心態再來，我們吃我們的，他幹他的，但求忙裡偷閒在我們就近的地方來個短聚。

White Wine - Torres Vina Esmeralda 2014, Spain
Red Wine - Lamina Montepulciano D' Abruzzo 2013, Italy
白酒上篇寫過不再說了，紅酒從來不喜歡更不好說，再且酒都是現成買回來，沒經過餐廳加工，好壞都跟餐廳關係不大。

這次刻意不選之前吃過的，想來點新意，小吃選擇了脆炸銀魚柳，本以為魚柳的形狀跟平常吃的一樣，呈寬長狀，實情卻是造成魷魚鬚的模樣，卻沒有魷魚鬚的酥脆，表皮微軟沾着濕氣，熱度又不給力，失望。有時候下班很累，忽然想要大吃高溫油炸的食物或是薯片，一口下去卻是這種不乾脆的，掃興。

主菜是澳洲黑安格斯牛肉眼配藍梅燒汁(8oz)，從沒吃過這麼薄的肉眼扒，口感以肉眼扒來說很差，柔韌度與彈性都很遜，質素跟大x活的鐵扒牛扒差不多，然而這裡的收費是它的三倍。配菜也是不堪，無味的蔬菜就不多說了，薯蓉是以粉加水做出來的那種吧，不難吃，但像真度低，對不起售價。

不夠飽追加焗西班牙蛋餅，一陣蛋香飄來，終於上來一道像樣的。第一口熱得燙口，沒太留意餡料有什麼，只瞄到煙肉在裡頭，配上吞拿魚醬，這類食材以及濃郁的蛋香，非常適合早餐來一份，簡單而美味。

食物清場後，最後點了一杯Sweet Sunset，名字給人甜蜜絢麗的感覺，餐牌上介紹以Rum, Fresh Peach and Strawberry, Lime, Cane Sugar, Curshed Ice調出來，雖然忘記拍照，但絕對忘不了它有多難喝！一杯莓紅色的東西，喝不出半點桃與青檸的味道，只有濃烈的疑似是草莓藥水味道，說是疑似是因為已經濃烈得快到苦的程度，都不能確定是草莓的味道了，說好的甜蜜日落呢？簡直是幻想終結者！

這頓飯中伏達一半以上，上次來感覺食物還不錯，到底是那次時運高沒碰上難吃的，還是一段時間以後質素嚴重下滑？反正這頓飯之後我是提不起興趣再來嘗試沒吃過的東西，再來大概只會點白酒及吃過覺得還不錯的菜式，當然這些貌似有保證的食物下次還好不好吃是未知之數。說回首段提及那位侍應，這次他依然保持一貫黑面少言的風格，不過彼此之間算是順利溝通，倒是後來發現以某張信用卡結賬可獲九折優惠，店員卻完全沒有提及令人失望，總的來說再來的可能性一半都沒有。

本來只係黎飲杯野打算留返啲墨水, 點知難飲到唔講唔得, 成$47一杯Iced Mocha, 價錢唔係問題, 但黎到已經乜都溶哂, 見唔到冰同cream, 唔凍, 唔甜, 仲要苦! menu大改無野好食, 間cheese room已經淪為飲品貨倉, 無哂cheese platter同cold cut食. 雖然杯Cappuccino keep得住仲係唔錯, 但附近選擇多到癲, 點都唔會再返黎呢間囉!

難飲到唔止嘥錢, 直頭係嘥左自己ヽ(#`Д´)ﾉ

得返Cappuccino都唔夠撐場, 永別Classified!

Cheese room已淪為貨倉:(

食碗三哥譚仔先$35, 收人$47可唔可以畀返啲專業水準(눈‸눈)

#車厘哥夫 曲奇食得多, 經過忽然又想試下佢麵包得唔得, 但入到去睇樣就覺得唔方好食, 菠蘿皮淺色又薄, 但作死係人類偉大精神, 所以都係買左, 懷住等睇戲見識下佢有幾難食嘅心情, 點之又難食極有限, 好食一定唔算, 但都勉強合格, 不過試過就夠, $5.5一個, 其實連鎖店同佢差唔多價錢不過好過佢少少.

呢樣野可以話係由細食到大(從小學定唔知中學開始), 我叫佢做米餅, 有薯片咁上下脆, 但覺得食呢個無薯片咁邪惡, 因為全部獨立包裝, 可以食幾個容易收返埋, 但實情係一次至少食半包先肯收口, 呢件事咁多年黎都無變過……..

呢包野細個食嗰時覺得好貴, 印像中賣廿幾蚊包, 而家$15就有, 有時仲見到賣$13.x, 唔知係咪而家零食選擇太多競爭大要平賣.

其實人地叫米菓, 唔係米餅, 不過佢用米整到成個餅咁, 叫佢米餅都好正路. 一包有20個三隻味, 計一計即係一包總共245kcal, 咁我每次食半包都係122.5kcal啫, 計落都好似無食薯片咁肥, 好似……(自我安慰中)

米餅掃左醬油係上面咸咸地, 紫菜底下暗藏芝士又有少少wasabi味. 雖然每塊只係比五蚊銀大少少, 但細細件味道已經好豐富 (๑╹ڡ╹)

呢個中間一樣夾左芝士兼有少少wasabi味, 不過無左紫菜多左塊米餅, 雙重o既脆! 二揀一的話, 我鐘意食多塊米餅多過紫菜, 多塊米餅脆啲惹味啲~

三款之中最鐘意食呢個, 無wasabi味, 芝士味最重, 有粒杏仁咬下, 杏仁o既脆mix米餅o既脆撈埋芝士好好味呀~~

每次食呢個都會開開開, 之後出現一堆殘骸……

終於試埋 #出前一丁 #九州濃湯豬骨湯味 #捧丁麵, 不過真係唔多食得出同 #黑蒜油豬骨湯味 有乜分別【前文: https://goo.gl/OqFnGg】既然無分別, 自然都係咁好食(○･∀･)b