而家啲野食野飲成日追求無添加, 天然, 有機balala, 係#一田 超市見到呢個標榜天然嘅2+3, 於是執左粟米孖寶 #新鮮粟米汁 #清甜粟米鬚茶. 粟米汁正確黎講係粟米漿, 堅係粟米味, 幾清甜, 雖然粟米好似平平無奇, 但做成漿又有另一番特別. 粟米鬚茶就真係零特別, 唔飲都知咩味, 仲有加左冰糖對不好糖人士黎講太甜. 現場仲試飲左其他味, 不過都係麻麻地, 得粟米汁可以encore, 唔算平, 但貪佢味道天然清清地, 又有點點特別.

$31.8兩支, 一支$18.8

係咪真係全天然就有保留, 不過起碼飲起上黎唔膠先.

雖然膠樽真係膠, 但唔知點解呢個有小小鐘意左佢, 握係手剛剛好, 厚膠放冰入去shake shake啲聲I like it, 家下成日拎佢黎分裝鮮奶同裝iced drink, 而且佢話可以成個樽放入熱水加熱👍

呢個燒賣由細食到大, 而家賣$8串, 佢個賣點係搽左一浸唔知佢點搞出黎唔係好濃味嘅沙嗲汁, 就係呢個汁令佢別樹一幟, 多左一重惹味.

燒賣係沙嗲汁同辣油互攻下特別滑

質地偏軟, 但唔算淋, 不過講彈牙就無佢份, 但呢個軟滑口感我都buy

#愛民 #華昌辦館自助市場 而家辦館都差唔多絕種

千里迢迢食燒賣......又未有咁大吸引力, 其實係成日經過都好想行入呢段小路, 成條街都綠樹成蔭, 所以順道去買燒賣.

唔搵唔覺, 原來餅乾呢樣野十之八九都係甜, 要食咸黎黎去去都係得四洲嗰幾隻味, 有冇諗過唔偏好食甜野嘅人嘅感受😒長途跋涉終於搵到一隻咸餅 #嘉頓南乳薄餅, 佢個南乳味唔係好夠重, 香脆程度亦都仲有上進空間, 雖然唔係好正但都唔差, 始終有南乳餅嘅神髓. 而且 #嘉頓 有樣好係唔駛咁大包, 超市嗰啲特惠牌好很大, 有時仲要加$1多一件咁賣, 嘉頓呢個食哂一盒都無咁邪惡.

唔搵唔知嘉頓薄餅連南乳味都有出 $12.5/200g

化學野多到呢, 南乳餅應該係傳統食品, 以前無咁多呢啲野唔知整出黎同而家有幾大分別呢🤔

一盒兩包, 一包有十五六塊.

雖然話係薄餅, 但一啲都唔薄, 同平時啲南乳餅乾咁上下厚.

呢個嘉頓香葱薄餅先至係真正薄餅, 由於佢真係薄到脆, 試過食到咳之後怕怕地唔敢買, 但已經事隔多年, 係時候搵日再度挑機💪

二度挑戰 #McCafe Iced Latte, 落三分二個糖水開始飲都係甜左丁丁, 但啲冰溶左就剛剛好, 睇黎落糖都要分兩Part, 先二分一後進展到三分二, 不過Iced Latte其實都係Starbucks好飲啲, 一分錢一分貨.

我諗上次真係太口口口渴, 所以覺得勁好飲, 再飲又真係無咁正, 啲氣始終唔夠飲可樂咁爽, 但個青檸味keep得住唔錯, 價錢只係Perrier一半, 堅係從此可以飛起Perrier, 平過佢又好過佢. #玉泉汽水 #Schweppes

永別 #Perrier

不過有一點佢嬴唔過Perrier係超市得膠樽裝賣, 仲要一次過買六支, 罐裝要㩒機先有, 咁膠樽真係膠架嘛, 會扣返小小分, 但都係跑嬴Perrier成條街.

六個人, 九餸一湯, 飽到癲囉.
青口, 沒有最大, 只有更大.

仲有冬菇髮菜同椰子栗子豬骨湯未入鏡

大概兩個月前以為自己遇到有生以來最大嘅青口, 點知事隔無耐就遇到更大嘅😮

大到奪碗而出🤣

肥姐就好似魚生刺身咁, 要定期執返劑, 今日執左生腸/墨魚/豬脷/豬膶😌#肥姐小食店 #旺角 登打士街55號4A舖

#花園街 間 #天仁茗茶 成日大排長龍, 其實行上火車站就有 #天仁喫茶趣 無乜人買 , 所以唔係太懶都寧願行多幾步, 仲可以過隔離篤串魚蛋. 次次都飲奶茶, 今日試下唔奶野 #洛神冰茶 加珍珠少甜, 粉紅色有小小靚喎, 酸野好少唔啱我心意, 不過少糖都係甜左丁丁, 而且佢啲珍珠永遠唔係好夠咬口, 美中不足, 但依然喜愛💟

唔係咖啡奶茶, 就係台茶. This is my life🍼

呢間燒賣係我所知中最正, 而魚蛋都唔弱🍡

#有汽利賓納 又出左新口味, 橙味飲落開頭似唔夠氣嘅芬達, 飲到尾無乜氣就有返原味利賓納feel, 即係從頭到尾都無乜存在價值. 當佢係橙汁汽水又唔夠氣, 飲落唔爽, 要飲原味利賓納買返原味就得啦, 駛乜捱一段無氣芬達先😕

#三養香辣雞肉湯碗麵 而家仲出埋湯麵, 不過完全唔掂, 湯麵個麵唔同撈麵, 麵係扁身嘅, 佢話焗四分鐘, 我都係焗咁上下時間已經淋哂, 撈麵嗰種煙韌彈牙口感盡失. 個湯都係撈麵嗰隻味, 但係比佢甜, 再加水都係甜左少少, 出左咁多隻始終未有一款可以超越原版.  

話事話出左幾隻都係雞肉味, 其實邊忽聯想到雞肉個味?

平時杯麵都係先落調味料先倒水, 呢個係教調返轉.

包辣醬大包左好多, 不過因為湯麵有水, 倒哂落去都無撈麵未倒哂咁辣.

雖然唔難食, 但無興趣再食, 呢種麵就算唔焗咁耐都唔會夠撈麵咁彈牙, 就算加多啲水成功趕走甜味, 但係水多香辣味又唔夠出.

曾光顧這家餐廳的黃埔分店，現在已經結業，近月發現這邊又開了一家，我一星期至少五天經過這裡，終於有機會一試。之前在黃埔分店也吃過米線，不記得那次選了什麼辣度，還是根本沒選，只記得那次不至於辣得吃不下，但是吃着不舒服。這次店員讓我大中小辣選一個，被上次辣崽了只敢要小辣，結果是既沒有麻香，也辣得不過癮，湯底不夠意思。米線自動配送腐皮、炸菜、韭菜及葱花，腐皮給很很很很少，炸菜爽咸的不錯，韭菜老得都是渣子，葱花當然純粹是裝飾。配料先談炸醬，它與譚仔不同是這個沒那麼甜，而且譚仔做得更貼近醬，這個則有着分明的肉碎。雖然我不怎麼愛甜食，但兩者比較還是選擇譚仔，譚仔的炸醬甜中帶辣，把肉醬塗在米線上吃起來挺惹味，這裡的炸醬吃起來卻不覺惹味，味道未能貫徹於肉碎中，吃起來只是粗糙的肉碎粒。

腩肉也不差，但肥膏的部份偏軟，不夠譚仔的Q彈實在，我更愛譚仔的。

豬肚本應比豬肉更有彈性，質感帶滑，咬起來要有點像吃到根的口感，然而這裡的豬肚像普通的豬肉，不滑且彈性全無，一口輕易咬到底，沒嚼頭。

米線沒什麼特別要說，硬要提一下就是對我來說有點過軟，不過不成問題，而且搞不好別人就覺得這種程度才是最好呢。

之前喝過黃埔分店的涼粉紅豆冰，奶多得整杯發白難喝，這次點奶茶紅豆冰依然難喝，奶茶很苦，幸好紅豆是甜能送苦，一口紅豆接一口茶才能喝下去。紅豆也沒什麼紅豆香，質感偏硬，就是有個甜而已，不是為了送苦也不會多吃。

飲料實在不行，但食物說到底也不到差，只是輕易就能找到比它更出色的存在，其實只談米線勉強還能給個中評，但服務員表現偏差，尤其看見老員工不友善對待疑似新員工的人，在這種氣場下用餐讓人感覺不太舒服，綜合各方面最終還是選擇給予劣評。

今次一別, 未知再會何時, 但只要互相相信, 必然會有續集❤

見到 #SAMYANG 出左新口味即買, 呢個係 #三養香辣咖哩雞肉味撈麵 個麵都係食開嗰隻正面, 唔同係包醬, 仲有裡面多左為扮咖喱而存在嘅蔬菜乾粒, 但無左嗰包好香嘅芝麻紫菜碎, 啲蔬菜乾梗係唔夠紫菜芝麻好味, 嗰啲疑似薯仔質感又奇怪> < 就咁奶個醬的確食得出加左咖喱味, 但撈埋個麵就唔多覺, 變返最原始嗰個香辣雞肉味, 咁我不如食返原始版, 起碼有返包芝麻紫菜碎先.

因為多左嗰啲多舊魚嘅蔬菜乾, 要留住蔬菜乾就唔可以好豪邁咁去水, 要隊爛面紙上面開左虛線嘅三角窿倒水出黎, 但嗰三個窿一啲都唔虛, 要出下力先可以隊爆佢,不過啲蔬菜乾咁難食其實倒哂仲好😑

除左咖哩味仲買左新出嘅湯碗麵, 好快會試埋佢！

雖然話係咖喱味, 但我當佢原味咁食, 但可惜今次無左畫龍點精嘅芝麻紫菜碎:(

可能已經食慣左, 而家大半包都唔係好辣, 可能遲啲可以挑戰落哂個醬.

#卡樂B #九州醬油薯片 唔睇個中文譯名會覺得佢係輕濃味版燒烤味卡樂B, 睇完又覺得呢一分濃味又真係似出自醬油. 燒烤味由細食到大唔可以離棄, 但貪小小新鮮又唔捨得燒烤味可以用呢個替換下✌ #Calbee

$10.5/58g

除左九州定番, 仲有好多其他日本地區定番.

由細食到大, 我覺得佢同熱浪可以直到永遠, 阿門.

食薯片用筷子是常識吧

唔到過甜, 但都幾甜, 甜到懷疑唔只椰+奶, 唔係好夠生果fresh feel, encore指數唔高. #椰汁大王 細杯$17 大杯$21 樽裝$25

唔討厭榴槤, 但又唔會主動生吞榴槤, 但又好鐘意食 #榴槤雪糕 , 平平地會係葵廣食, 豪啲會食Mamma Mia, 但從來未試過買超市嗰啲. 呢個雪糕個樣見過好多次, 以為係菲律賓啲fd黎, 以為唔貴但都唔會平, 今日有人請食先知原來只係 #維記 , 非常抵食除返開都只係五蚊杯, 雖然榴槤味唔夠重, 但畀五蚊可以隨時係屋企食到仲想點🍨

個包裝係有少少過於平凡到我以為係菲律賓或佢啲fd

細細杯, 但夠食, 再多唔興香🍦

近來太多野要食, 如果唔係都入返盒, 暫時要擺佢入waiting list📝

初嘗 #McCafe 凍咖啡失敗左, 唔識控制落幾多糖水😣擇日再試💪#IcedLatte

沒有點101 Delux Set，所以飲料不是重量級大杯裝，但這個份量更適合常人。兩杯都是黃色，左邊是愛文芒果汁，右邊是柑桔檸檬，冷與熱可供選擇，但是熱芒果汁會不會太奇怪......之前在尖沙咀分店喝過檸檬柑桔，一試愛上，這次再點卻完全是兩回事，兩杯飲料有着偏重的人造味道，雖然不難喝，也早就知道不是新鮮果汁，但喝起來特別感覺到是拿水果味糖漿開水就不太喜歡了。

板燒雞柳拼日式章魚餅肉燥新竹米粉，單是名字就有夠長，看着好豐富，但好看不一定好吃。板燒雞柳口感雖然滑，但這個滑擬真似假，雪藏貨的質感特別明顯。雞柳的味道也怪怪的，味道不算濃，也不到難吃，可是讓人不舒服，有種刻意拿味精與調味掩飾質素低下的感覺。日式章魚餅的確有章魚的味道，但也說不上好吃，反正就一片，草草吞掉算了。肉燥做不到惹味，但已經是最好吃的配料。這餐廳的鹵蛋從來都是又小又沒味道，這次反而超出我的預期，但也不過是終於有些蛋味......椰菜蘿蔔純屬裝飾，這些水灼蔬菜本來就沒什麼餐廳能做到好吃。

曾經跟朋友到尖沙咀分店，瓜分了朋友一口新竹米粉，爽口感鮮明，挺喜歡。這次再吃卻無爽口感，米粉比一般的稍微粗，彈性強一點，雖然這種也不差，我也不介意再吃這種米粉，但說到米粉我還是傾向追求爽口的。到底是以前沒有嘗試清楚，還是轉換了另一個牌子的米粉？

Prime grade 牛肩胛熱石鐵板燒

這品牌的餐廳已光顧好幾次，每一次的感想都是不見得好吃，又不到嫌棄，所有吃過的主食都不會想再點，再點的小吃或飲料，第二次必然不想點第三次。這次有個小突破，這個鐵板燒是第一個想再點的主食，牛肩胛肉不厚，容易咬開，挺有牛味 (每次這樣說都有點心虛, 這不是應份的嗎, 為什麼成了一種讚美......) 。

這裡的食物份量偏大，肉燥飯只吃了幾口，有待下次再來把整個吃光，再詳細為這個牛肩胛鐵板燒寫一篇，看能不能突破"再點必然不想點第三次"的命運:P

※※※※※※※

因為想再來吃鐵板燒，隔了約莫兩星期又來，誰不知下午不供應鐵板燒，不過晚市以外時不設加一，退而求其次選了無骨香辣三杯雞涮涮窩。其實這個涮涮窩做不到涮涮窩效果，食物早已全熟，麵條多煮會軟過頭，我煮了五分鐘把爐關掉。

我不會再吃這餐廳的雞肉，不管是配飯的雞扒，配米粉的雞柳，還是涮窩裡的雞肉，感覺都是硬用調味把一團沒味道的肉填上味道，涮窩裡的雞肉還不及雞柳來得滑，但也不算粗糙，不過前面就說過雞的滑口感似假，不像是雞本身的嫩滑，所以滑不滑都不會喜歡。涮窩裡的雞肉味道很濃，甜味比辣味要重，味精感覺強烈，我又不怎麼愛吃甜，永別。

豆腐卜與肉子豆腐沒什麼好說，基本食材，基本味道，基本質感，怎麼來，怎麼去。前面說這餐廳的鹵蛋從來都是沒味道，但在濃湯的幫助下，還是會沾上湯味，也突出了蛋黃的味道，但也只是很普通的水平。

窩裡的東西要不是不喜歡，就是太普通，只有這個台灣渝川麵能讓人有微微好感。由於粗麵較耐咬，嚼頭上有加分，可惜沒有好湯底，水準始終有限。

椰菜蘿蔔就是裝門面用的，看起來食材多了，本身沒什麼味道，就靠湯底的功力。可恨是這個湯底功力全無，說是香辣只做到辣沒有香，辣度不輕，至少是偶爾自發吃點辣的人才受得了。湯裡還有明顯的甜味，但強不過辣味，總之這是個濃味湯底，味精重，混合出來的味道不得我歡心。

而且湯底油膩，飯後口渴了很久。

飲料是香芋珍珠，才喝一口就甜得殘念都出來......味道跟溶掉的牛X公司香芋雪糕十分相似，誰要喝一大杯甜死了溶掉的雪糕......向侍應取冰一杯全灌下去才能援解情況，否則真的要棄了，但這個味道依然不愛。珍珠口感偏軟，嚼頭有欠，不過酷愛咬珠的我一顆都不落下，再說質素也不到差，只是不算好而已。

旺角分店面積比尖沙咀分店大不少，但這邊人流很多，侍應會盡可能安排客人拼桌，務求空出最多桌子。這品牌的餐廳對我來說是一家台式茶餐廳，服務質素也切合一般茶餐廳的風格，不至於差得使人憤怒，但也不會令人留下良好印像，盡可能自己照顧好自己，沒有笑容免費供應。雖然食物質素平平，又有不少雷點，但份量大，定價不高，食物選擇不少，上菜速度快，有時候想草草吃一餐，又膩了港式茶餐廳，就會上來碰個運氣。

原來 #天仁茗茶 除左賣台茶仲有零食, 買左 #日月潭紅茶麻辣花生. 因為鐘意食 #黃飛紅麻辣花生 見到其他牌子又想試下, 但呢個賣$18/60g貴佢成倍. 唔知係唔係因為啲紅茶粉, 甜多過辣, 所以唔夠黃飛紅辣, 同埋無咁乾身同脆, 都係要師傅出馬先得, 呢個試過就算.