近日捲起芝士撻"瘋"潮 與起說是芝士撻引起大眾關注
更令人矚目是排隊的人龍 
所以當發現這裡賣着面貌相似卻又不見人龍的店子
就想一探究竟芝士撻為何物

門口左右各置易拉架
店子除了售賣芝士撻 奶昔也是他們的主打產品

踏進去頭頂一盞水晶燈 店子多了幾分少女味道

加上牆上滿佈糖果作為裝飾
這些繽紛可愛的小東西大概正是沖着女孩子而來
當然女孩的男朋友/老公都不能逃過被拉進來:p

要先買票才能取食物 這裡有點不愉快經歷
我們看見別人排隊取食物就跟着排 排到了才知道要先進去買票
但不見哪裡有清楚指示 負責分發食物的店員也夠呆
跟他說了好一陣子錢都要付了他才說出要先進去買票
售票那位又一副草草了事的態度 問一句答一句
本來想了解一下奶昔再決定試不試 都沒興趣問了

店子兩邊牆上各架起一張雲石長枱 方便客人在店內進食
正好看見上面放着一張奶昔餐牌
這麼一看就非常明白店子為何叫Candy Shake 糖果拼奶昔
看來奶昔才是大婆 芝士撻只是妾侍
不過向來妾侍比大婆吃香 哈哈

當天沒有機會一睹藍莓芝士撻的風采
現場只有原味芝士撻 一款是酥皮另一款是曲奇皮

每件售$18 
曲奇皮版本的大小跟一般蛋撻差不多
酥皮版本則比曲奇皮版本約莫小三分一

曲奇皮芝士撻的賣相非常討好
上方微微隆起帶着光澤 很飽滿的美感
焦了的地方令人聯想起烘焗過後的香濃芝士
賣相誘人

抱着期待咬下第一口......嗯嗯....幻想不至於立即破滅 但的確失望了
首先曲奇皮太薄 咬下去真的跟吃一片餅乾沒差 做不到餅皮的質感
其次是芝士饀的味道跟在超市買到的卡夫Cream Cheese磚說不出個分別
情形就像從超市買來Cream Cheese磚不經加工直接塞進去就是餡料
Cream Cheese焗過後已經溶掉 流質程度比蛋撻心更甚
差不多成液體狀態 所以中間沒什麼口感可言
其實流質到這種程度 店家可考慮提供匙子讓食客把芝士餡挖出來吃
現在吃起來挺狼狽 咬上兩口接着都要漏出來了

酥皮版本的體積雖然比曲奇皮版本要小 外貌亦不及其精緻
但口感上有明顯優勢

酥皮餅底層次分明 咬起來確實感到牙齒穿破一層又一層酥皮
質感做得不錯 味道則與一般酥皮大同小異
酥皮版本的芝士餡味道固然跟曲奇版本沒有不同
但流質程度比曲奇版本低 有少許凝固狀態
吃起來終於有些微口感
加上酥皮咬開來立刻在口中碎個七零八落
餅碎與芝士在口中很容易混合起來
因此口感比曲奇版本更豐盈

雖然酥皮版本體積更小 相對是更昂貴
但二者擇一 絕對是酥皮版本勝出
然而$18吃一個這樣的芝士撻還是感覺不划算
當然絕對沒有覺得難吃
卡夫的Cream Chese本來就是我經常吃的東西
但就是感覺不外如是 沒特色可言
不過既然不用排隊 又確實不難吃
路過的時候花$18趕趕潮流
從此跟別人多一個話題 吃一次又何樂而不為?

#翠華 一人一舊水收買人命, 無論有幾想唔浪費始終都係要屈服〒▽〒 佢唔係雜扒餐係"疊"扒餐──豬/雞/牛/煙肉, 仲有近日被世衛追捧為一級致癌物o既香腸! 疊扒下面暗藏大量用牛油炒到又香又滑o既小棠菜. 意粉Al Dente, 烘過o既豬仔包啖啖蒜香, 羅宋湯加返少少胡椒粉味道奸奸巧, 最重要係佢個扒餐咩都好食係得啲扒難食▼ー▼

#司祖莉法國蘇維翁白酒←呢啲野一寫成中文即刻Mary Sue左但又有幾分喜感(*ﾉ≧∀)ﾉ為左我個宵夜的晚餐隨手執, 唔係好鐘意講酒, 總之認住佢唔好買←我話我自己.........

而家要搵餐廿蚊食得飽o既難度真係同中六合彩三個字有得fight
當然唔係話唔知邊到有 比如吉野嗎o既下午茶就係一線曙光o既存在
但要食到都需要講求天時地利人和
打工仔又可唔可以出去食個tea當lunch先

所以當呢到可以做到廿蚊餵飽我 
唔推一推半夜訓着都會覺得內疚

廿蚊兩餸一麵 凍飲熱飲同價六蚊
當然講梗廿蚊食得飽首先就唔可以要求配套完善
要有得飲有得食就唔係呢個價
但係加個凍飲都係埋單廿六蚊 仍然錢服口服吧
選擇方面提供o既麵類唔會陌生 但餸就有啲較為罕見o既選擇
比如羅漢齋/爽肚/鳳爪/魚崧/炸班腩 平時食其他車仔麵唔多覺有
*溫馨提示：炸班腩落左水其實唔係幾好食

即使只係食齋o既人黎到呢到都有返六七個餸可以揀下

廿蚊之所以食得飽 都要配合先天條件個人唔係特別大食
只要一般食量o既女仔都會夠飽 因為呢到比o既餸係特別多
一碗豬皮蘿蔔加幼麵 啲豬皮多到呢......

六蚊一個餸 講真出面一串豬腸六蚊都買唔到啦
就咁睇相數面嗰層都有成九舊 食一串都唔知有無咁多
豬腸無臭味 有肉地咬起上黎彈下彈下~~
豬紅又係常叫之選 雖然未至於滑到無朋友
但至少食起上黎唔會有渣o既感覺 不算超滑但仍然很滑
要重點一提呢到o既幼麵 佢唔係雲吞麵嗰種幼麵
所以唔駛怕有梘水味 佢似係蝦子麵嗰種口感
但肯定唔係蝦子麵 可能係全蛋麵掛
麵呢家野 我識條毛咩
我只係知到好食

炸豆腐大大件咬落去有肉地 炸過o既表皮再吸埋啲湯好有口感又惹味
牛腩請慎點 真係為左寫呢篇食評先叫
平時無乜留意佢 黎到先知佢似係近在腩位o既沙嗲牛........
又唔係唔好食 不過唔係我所期待o既樣囉

"心理上"想食得清淡啲o既時候會叫個羅漢齋
貪佢一個餸有好多樣野 枝竹/豆卜/椰菜/蘿蔔/草菇/冬菇/粟米芯
呢啲野都幾吸湯味 尤其當豆卜吸哂湯食起上黎一啲都唔寡
牛肚久唔久都會叫下 貪佢有咬口
雖然已經軟身易咬 但又未至於超淋
牙痕o既時候咬下呢個都唔錯 

每次黎多數唔係食幼麵就係公仔麵
唔係其他麵唔好食 而係呢兩種麵特別好食
平時外面食出前一丁都要加錢 呢到o既公仔麵唔係出前一丁
唔駛加錢之餘但質素同出前一丁有得fight
唔敢講佢一定好過出前一丁
但係二揀一的話我會揀呢到o既公仔麵
不過唔排除覺得佢好食啲係因為佢地能夠將個麵煮到剛剛好
少少硬好有口感【不過都試過佢地失手將個麵煮得太硬...........
雖然佢地個沙嗲汁唔係有咩特色
但公仔麵配左沙嗲汁始終都係要再加分！

野飲方面 99%都係叫熱奶茶
飲得出比一般茶餐廳濃稠 並非偏水狀 有幼滑感
但又未至於the best 不過已屬中上水平

既然熱奶茶唔錯寫得食評就想試埋佢個凍奶茶
今次係第一次飲 可惜維持唔到熱奶茶o既質素
甜度係適中 但加左冰無左奶茶o既香濃
還是熱奶茶最好

除左lunch會黎食車仔麵 早餐都有食過佢啲腸粉燒賣
不過質素就麻麻地 燒賣有時過硬 有時又淋過頭
腸粉同啲醬唔見得好過七仔
總之口感幾時食都係唔多好
不過食包做早餐食到悶都會買黎食下

早餐仲有賣炒米粉都幾抵食下
九蚊一大包 分兩日早餐食都夠
但未免過份正宗炒米粉 因為真係得米粉
菜都唔多幾條 係得匙辣椒油點綴下【咁實情都有咬過一兩條菜絲咁大把o既......
好在佢個咸味都夠 食落唔會淡茂茂
但無返少少配料始終感覺好dry
講到底還是車仔麵最好

最後講講呢到o既環境氣氛
好有本土氣息 環境殘殘地 近似大牌檔
坐o既係任人掟黎掟去o既膠凳
阿姐哥仔個個做野快手快腳 你行慢啲都會趕你入去坐低
有位哥仔把口對客係串串地 但有時講野幾好笑 
額頭好似永遠鑿住 “我很醒目 請你不要太傻” 哈哈！
我覺得係一種style 所以唔可以拎酒店服務態度去比話佢地差
反而覺得餐廳有一份朝氣 每個人係自己o既崗位多啲黎密啲手
非常純熟 唔會hea做唔理客
唔知呢種算唔算係以往o既香港精神呢:)

#芝蛋治 Advanced version
請留心係有流心, 食完個咸, 要一啖食埋上面塊小甜甜埋齋ヾ(*´∀｀*)ﾉ

吃過某家茶記出品被受熱捧的菠蘿包
印象中賣五元一個 味道不過不失
若然新鮮出爐吃一個還算不錯 
放涼了就沒什麼大不了
但原來最好的一直在身邊
經過這家餐廳已不知多少年
卻吃不過三次 更別說他們出品的麵包
然而一天路過瞥見裡面放着的菠蘿包
面容姣好 氣色捧 波大又圓
終於被它吸引獻出第一次

付款的時候才知道這麼大的菠蘿包才賣$3.5
現在去連鎖麵包店$3.5什麼也買不到吧
一口咬下去立顯厚度驚人
最重要是菠蘿皮脆又香 甜度剛好 味道足
麵包並非空氣包 密度適中有口感
更令人折服是即使放到第二天菠蘿皮仍然保持香脆
麵包亦不會變硬
又大又平又香又脆又好味又耐存
我的第一個五星食評誕生了！

#合味道黑胡椒蟹味 黑胡椒味都幾重下, 唔食得辣o既人未必頂得住, 平時鐘意食小辣o既人當然無難度, 但要食完呢個麵都唔容易, 皆因太難食, 味道等同重黑胡椒溝咸水, 完全食唔出蟹味, 玩蟹乎?

#Merhaba@尖沙咀諾士佛臺12號耀邦大廈地下【㊣ ㊣ /5】第一次來吃印象很好，各方面質素不俗，最重要是菜式充滿新鮮感。第二次來吃稍有失望，食物平平，飲料甚差。這次再訪簡直是變了味，即使點之前吃過喝過的東西，賣相顯然有所不同，而且味道變差，新嘗試的菜式吃起來也毫不吸引，只能作為填肚子的粗糧，這次一別怕是後會無期。又係一間由初戀到要分手嘅餐廳，食物質素同青春一樣留唔住(´;ω;`)

在街市絕跡多年的青口ヾ(*´∀｀*)ﾉ

即使我活得很渺小 一生沒有什麼轟轟烈烈的事情
可是呢 我的心情 我所擁有過的感情
絕對不比那些轟轟烈烈活着的人渺小
這樣想到的我 還是會有一絲不想放棄那可能就是夢想的事情
但是以後的路 我不想再抱着等待或期待他人來陪伴或支持的想法
因為單是這個想法就已經讓我覺得太孤獨了