#Ricos #Nacho Cheese Sauce 呢個用黎點粟米片嘅芝士醬, 見佢黃禁禁我以為係濃味芝士醬, 點知無乜芝士味, 反而係辣味最出, 同埋酸酸地, 佢個味係將喺餐廳食Nachos連埋醬嗰堆味mix哂係一隻醬到, 我覺得一個字形容──怪😑本來以為佢重芝士, 應該同炸薯條幾夾, 點知而家呢個味match唔到薯條, Nachos我又只係鐘意食餐廳嗰啲唔會自己買黎點. 試過用黎搽多士, 但係接受唔到多士有酸味😑最終擺到發毛.....

佢自己都叫自己做Cheese Sasue, 但芝士無掟企咁濟.

佢一PACK唔知有幾多個痴住, 人地啪左一個畀我試.

我係Jalapeno fans, 雖然成份有佢, 但對於呢個無芝士味嘅芝士醬, 我又唔多沉迷食酸辣野, 呢個辣救唔到場.

.

一個有99g, 雖然細細盒, 但已經多到我唔知點食哂佢......

因為我太以為佢係芝士醬, 所以以為佢會硬身啲, 無諗到佢軟到沙律醬咁.

食埋最後呢個醬, 呢堆野(唔計眼藥水)用左九個月時間先正式結束......

之前試過 #捷榮 三合一咖啡感覺麻麻地, 呢次係二合一又覺得唔差喎, 好似有啲榛子味甘甘地, 但睇成份係無呢樣野. 佢個三合一我覺得偏甜, 而家二合一可以自己調教甜味, 我落大概一茶匙煉奶啱啱好. 雖然我唔會放棄我最愛嘅G7, 但間唔中可以轉下口味飲呢個.

一包25g, 等如包半G7. 

127kcal以即沖黎講係偏肥

咖啡氣味唔係好多

包裝上寫明"生產此食品的廠房亦處理堅果製品" 唔知同佢無榛子成份但又有榛子味有無關呢🤔 

這間麵店在我的童年回憶裡已經存在，時至今日人流依然強勁，每次路過即使沒有人龍也近乎滿座，更厲害是店子只賣四種粉麵──牛腩、牛丸、魚蛋、雲吞，在這個追求多樣化的城市裡，這種存在可算是別具一格。

單拼$34，雙拼$38，乍看$34單拼有點貴，但是牛腩河不是單給牛腩，還自帶牛筋，有些麵店會給這種組合算上雙拼價錢，但是這裡依然收取單拼價錢，而且牛腩牛筋也給不少，所以收費尚算可以接受。然而麵條的份量偏少，單吃這個大概只到六七分飽，飯後我必須找個飲料或是小吃補足。

這裡的腩汁是我目前吃過最濃郁的，清湯裡加了它立刻香濃十倍，但是河粉易碎，很多都斷掉了，得用匙子輔助着吃，口感不見出色。

既然腩汁味道濃郁，牛腩牛筋當然入味，吃過很多次未見失手，牛腩肉質軟腍，運氣若好還會吃到入口快要化掉的境界。

牛筋不是散碎的，是很完整的一大件，口感又軟又滑，仍留有一點軟膠的嚼勁，能享受近似肥肉的口感，卻不用承受高脂坊。此外，這裡的辣椒油的辣勁不弱，一小匙足以把辣度提上來，可惜欠咸香，要是調製的時候多放把鹽大概會生色不少。

每次來這裡都忍不住要點牛腩，曾經捨棄牛腩點了一次雲吞，但是水準不達標，因此再沒點過牛腩以外的食物，但是這天坐在身旁的食客大讚魚蛋爽口，搞得我也很想試試看，也許下次轉個口味，順道把這間店的所有食物都評一下，反正只餘下三種可以寫。這家店的位置在窄巷裡，衛生情況確實差勁，我這天純粹因為不方便外帶回吃才選擇堂食，期間小蚊子不斷飛來飛去，還有一隻不小心落到我的湯裡死掉......經過這次親眼目睹小蚊子死在碗裡，不能外帶回家吃的時候就不來吃了。另外這家麵店的員工都是不帶服務性行業的自覺，所以不要寄望他會為你服務，他沒有給你說句難聽的就不錯了，所以這裡不適合對環境服務有一點要求的人。

#光酥餅 一股甜奶味, 味道無乜特別所以唔係重點, 食佢主要為左乾爽又鬆軟嘅口感, 但 #奇華 呢個應該要叫做So乾餅, 乾到硬咁濟, 啲粉又多到落雪咁, 只係想快啲食哂佢唔好畀佢繼續獻世😑

$7一個70g 243kcal

原來光酥餅英文名叫White Sugar Cake, 咁白糖糕英文名咪無掟企?

佢嗰種乾似係放得太耐水份流失左咁, 但明明仲有兩日先過期.

呢個係有故事嘅光酥餅, 去過沙漠, 遇過落雪😑

本來想飲 #珍珠奶茶 , 但係而家已經唔多地方有賣 #茉香珍珠奶茶 所以見到 #Happylemon 仲有就轉軚. $19雖然細杯啲, 但其實都夠喉, 比平時飲天仁慳返幾蚊, 不過好明顯今次份量溝得唔到位, 苿香料落重左手個茶有啲苦, 不過咁多年黎珍珠依然係Happy Lemon最好食👍 #FreshteaByHappylemon #黑珍珠茉香奶茶

#強記小食 位置係入到後門啲巷仔咁, 但係有源源不絕嘅人捐入黎買野食, 咁多年都係得個望字未食過, 但今次望到佢有越黎越少地方賣嘅 #陳皮魚蛋 , 唔放低七蚊唔舒服. 魚蛋係有陳皮魚蛋個味同埋嗰層煙韌嘅皮, 但係咬落唔夠挺身偏淋, 以陳皮魚蛋黎講未到合格, 不過佢個辣汁幾夠味, 唔係BB辣咁無癮, 落係其他野食到應該唔錯. #葵芳 港鐵葵芳站D出口

七蚊串, 一蚊一粒都唔得.

每逢見到啲格局夠哂地踎嘅鋪仔會覺得應該有好野食, 就好似見到老字號嘅保證, 但有時正因為咁而中伏😅

路經 #手卷駅 又有啲餓要左兩件 #厚燒肉子 加左價一蚊, 而家要$13一件, 兩件已經$26, 又無話唔值, 壽司店都食唔到咁大件同咁熱, 不過諗返老麥有野飲有包有薯條先廿四蚊, 深深感受到老麥太抵屌有小小掛住佢🙈 #旺角中心 一期2樓SA30A舖

本來我係食開蛋撻王嘅 #蛋糕仔, 但最後一次食貴左又dry到cry, 分店位置又唔就我腳, 點知原來 #奇華 都有, 地點就腳, 仲要平過蛋撻王, 一包$15有15粒. 質地唔乾, 食到蛋糕仔嗰陣甜甜地同蛋香, 不過個味再濃啲就更好喇, 但係而家呢個價錢呢個質素都滿意, 因為好多地方賣貴到離哂罩仲要唔好食, 而家想食隨時都買到😋

好鐘意食 #芽莊越式料理 個牛河, 首選 #河內牛爽腩粉 不過其實我唔係為左佢啲牛, 而係佢個河佢個湯佢啲菜絲辣椒絲(唔包括面頭棵草). 雖然七十幾蚊有啲貴, 但係大碗到兩個人食都得, 搭多個小食就夠. 第一次試呢到嘅 #燒豬扒撈檬 唔多掂, 啲豬扒切得大件厚到硬, 個酸汁唔係好夠味啲檬粉自然失色. #燒牛柳沙律 係叫錯左, 我想食嗰個應該係鑊仔牛柳粒 , 佢個味道本身已經普普通通, 仲要同撈檬一樣啲牛肉切得大件咬到好攰, 啲肉又唔係嫩過人就人手落多兩刀補救啦. 都係嗰句, 我對芽莊評價從來都係入黎食牛河好喇, 其他野十之八九都唔會稱得上好食, 頂多係唔難食. 

入左 #七仔 諗住買包薯片一路行一路食, 本來打算買我萬年至愛嘅Pizza薯片, 但見到呢個 #明太子蛋黃醬薯片 有成60g只係賣$7.5, 同樣係 #卡樂B 出品就轉軚買佢. 感想係得個咸字, 仲要係幾咸下, 明太子蛋黃醬都無掟企, 仲要啲薯片唔係就黎過期都唔係好夠脆, 不過唔係淋左, 好在薯片只要有咸味都好食, 不過真係normal到嫌棄. #calbee

說到米線必然想到譚仔，譚仔差不多成為米線的代名詞，而且即使在譚仔以外的地方吃米線，可供選擇的餸料也跟譚仔大同小異，所以依然活在譚仔的"陰影"下。 (p.s. 我不討厭譚仔，也算是半個譚仔粉絲。) 然而，近年發現一家連鎖餐廳的米線大有可為，它的賣點正正在於非典型餸料，但非典型餸料相應配上非典型價錢，每餸九元，比大部份米線店要貴，不過一個月頂多吃兩次還能承受，而且它的鮮魚湯底與酸辣湯底值得一讚。其實之前吃過它的麻辣米線，印象甚差，以為從此老死不相往來，後來與他人來吃，對方點了鮮魚湯米線，感覺完全不同，於是專門為它寫一個米線篇，算是還它一個清白。

首輪測試是鮮蝦韭菜餃+腐皮魚角+鮮魚湯米線，份量很大，給了很多芽菜及榨菜，米線多得連湯都快蓋不住，絕對加分！

鮮蝦雲吞與韭菜餃平常吃不少，但是鮮蝦韭菜餃卻未曾吃過，而且米線店大多沒有餃類選擇，對於韭菜控的我來說，這個餸料非常吸引！ 

鮮蝦韭菜餃九元只得兩隻，確實感覺有點貴，還好餃子的份量不算小，內裡塞入頗多韭菜，而且的確能嘗到蝦的鮮味，餃皮也做到薄滑，所以即使有點貴還是會encore。

除了非典型餸料，還有一般米線店常見的餸料，每餸六元。這個腐皮魚角對我來說不屬於一般餸料，但依然只賣六元，而且一片的長度大概是湯碗直徑的三分二，還有三片之多，足以成為超值之選！

第一次與腐皮魚角相遇，從名字可以預想到是把腐皮與魚片頭混為一體的東西，吃起來的確像是魚片頭的皮換成炸腐皮，味道沒有出人意表，不過我本來就喜歡魚片頭帶嚼勁的質感，加上炸腐皮的表面，口感又再扎實一點，正中我喜歡吃硬的口味。再說始終沒吃過腐皮魚角還是有新鮮感，而且沒想到是做成薄薄的一大片，這是最驚喜的地方。

之前我覺得這裡的米線質感不夠硬，不是說它做得太軟，而是我自己喜歡吃硬一點，可是這天不單份量給很多，米線也做得比平常硬，大喜！

鮮魚湯說不上有鮮魚味，我不會否定它是以鮮魚烹煮，只是不太能吃出來，而且別寄望沒有半點味精，雖然喝着的時候不覺得，事後還是有點口渴。然而，自己不常吃清湯，不是說它不好，純粹是自己偏好濃味的食物，清湯對我來說太清淡，這裡的鮮魚湯則算是濃郁版清湯，清中不寡，我大概會因為這個湯底而多吃清湯。

第二輪測試是黃沙豬膶+腐皮墨魚餅+酸辣湯米線，但上圖是鮮魚湯米線，因為給錯了......我非常肯定下單的時候侍應聽到我要求酸辣湯底，因為我問她能不能選辣度，她還懂得回答酸辣湯不設辣度，辣度很輕。

我把侍應找來說湯底給錯了，她說酸辣湯底要多加兩元，所以給我重發一張單，可見一開始就沒有給我的酸辣湯下單......我怕把米線拿去再煮會變得軟乎乎，所以讓侍應另外給我一碗酸辣湯，誰不知她只給我飯碗大小的，根本不夠吃，又把侍應找來要求一碗大的，她說讓她收回去煮進酸辣湯吧，我不好意思拒絕就由她去了。其實這裡的侍應對待客人的態度還可以，但是工作容易出錯，辦事不小心，唉。

放回酸辣湯就是這樣了，這裡的酸辣湯底有點新意，不是我預想的味道，與譚仔的酸辣湯有明顯分別。酸菜給很多，那個量差不多可抵一個餸，橙色的酸菜讓我以為放了木瓜那麼新奇，哈。酸辣湯如侍應所說真的不怎麼辣，酸味才是主角，與譚仔之分是這裡的酸味比較濃厚，感覺夾雜了多種食材烹煮而成。譚仔的酸辣雖然也是酸味為主，但是它的酸是偏向清新單一口味，兩種我都喜歡。

黃沙豬膶屬於常見的米線餸料，吃這個純粹想看看質素有沒有比一般水平高，因為目前還沒有吃到滿意的，但這次依然未能打入滿意名單，豬膶吃起來雖然新鮮，遺憾是頗多渣，不能整片吞。

腐皮墨魚餅又是一款我喜歡的非典型餸料。

其實腐皮墨魚餅跟腐皮魚角有着異曲同工之妙，分別在於墨魚餅比魚角硬，而且墨魚餅加添了不知道是芫茜還是蔥的東西。說實在沒什麼墨魚味，但是我喜歡它厚厚一片咬起來挺過癮，而且味道也可以靠湯底補充。

凍檸檬茶處於正常狀態，如之前的食評所說，我是不敢再喝這裡的特飲及奶茶，所以現在每次都喝這個安全飲料。

第三輪測試是柱候牛腩+自制魚腐+酸辣湯米粉，之前試過在魚米紅磡分店外賣米粉，份量只能勉強到七分飽，這次堂食份量高達十二分飽！照片從上往下拍未能足以顯示食物堆成小山丘的高度，送上來的時候心裡可是自動冒出讚嘆之意，而且以不用加錢來說腐皮給很多。

近來米線吃得有點多，轉個口味發現米粉也不錯。這裡的米粉爽口感不俗，比潮州粉麵店的米粉晶瑩剔透與幼身，而且米粉掛湯能力比米線強，我又愛吃這裡的酸辣湯，看來以後會進入選擇米線還是米粉的兩難局面。 

感覺近來三哥譚仔的酸辣湯味道越來越淡，吃起來好不過癮，魚米則依然保持濃郁的味道，而且這天吃起來覺得辣度有微微提升，酸菜又一直給很多，讓我生出遠離三哥譚仔酸辣湯的念頭。

我平常不會點魚腐，怕碰上腥氣重的，但是為了寫這篇刻意把我覺得較為少見的餸料都吃一遍，自制魚腐一餸三件，兩到三口吃完一件，份量也不算少。

吃第一件的時候有着微微腥氣，不過是我可以接受的程度，其餘的沒有腥氣，很好。味道口感都有像腐皮魚角，尤其表皮的質感是一樣，內裡則比腐皮魚角軟多了，大概是因為腐皮魚角是片狀，魚腐卻比它厚多了，有組成彈性的空間，而且也比腐皮魚角有更好的吸湯能力。兩個我都喜歡，但我偏向選擇腐皮魚角，因為比魚腐便宜上三元之多，而且一定沒有腥氣。 

柱侯牛腩可以說是一口天堂一口地獄，天堂在牛根，牛根軟滑得很，差不多要化了的感覺，入味非常。地獄則在牛腩，它正好與牛根相反，硬如老火湯裡的瘦肉，咀嚼是一場牙力考驗。

這件我沒吃，看見都累了，咬不動。

除了以上提及的，我另有一篇在紅磡分店吃帆立貝+果醋豬軟骨+麻辣湯米線的食評，就如開首所說，麻辣湯真的不好吃，不麻只有辣，辣味沒層次，不惹味，我只是不死心才在別的分店試試看有沒有差別。果醋豬軟骨的肉質跟柱侯牛腩一樣粗糙，帆立貝勉強可以，但鮮味不多，沒有再吃的欲望，詳情可見該分店2018-01-29的食評。由於太子分店的人流太多，我日後也許會繞道長駐紅磡分店:p

上年還感覺魚米收費挺親民，食物質素也不錯，但過年後加價，比如最後一次吃的柱候牛腩自制魚腐米粉不連飲料已高達$47，所以即使份量大，也沒有賺到了的感覺，因為我根本沒需要吃到十二分飽，要是份量變少，價錢下降更稱心。這裡的服務質素也是一大敗筆，員工之間的言談氣氛令人不舒服，偶有吵架情況，又試過把湯打翻在我身上，也遇到過不會先知會就從我桌下的櫃子取食具，然後把我的手夾到了。辣椒油要求員工送來才有不是個問題，但是我都還沒來得及用，員工問都不問就把它收走......還有天熱的時候冷氣嚴重不足，連極怕冷的我也覺得熱，眼見其他食客都冒汗了，難為員工穿着長袖裇衫流着汗四處奔波😓單說食物，即使昂貴一點，我還是願意給四星，但把服務算進去的話，三星是最多了。

本來我係like東京站章魚小丸子多啲, 但上次食又乾又硬成舊粉咁, 所以試下 #日船章魚小丸子 家下咩環境. #章魚小丸子 呢家野基本上只要夠熱就唔會死人, #日船 今次做得到, 不過可以再熱多啲, 頭兩粒係夠熱, 不過好快凍, 後面嗰啲只係暖. 八分流心狀態, 如果落返七分再creamy啲就更好. 小丸子裡面有一粒八爪魚撐場, 我對八爪魚無乜好感, 有存在過就足夠, 不過菜唔係好多, 但本來而家都無食過邊間係多菜. 醬汁畀好多, 唔會唔夠, 但係食哂一盒會好渴, 呢個唔怪得佢, 少汁又唔好食, 所以食之前最好買定野飲, 唔係食完要撲水. 總之而家算唔錯, 將佢入返list, 不過可以再更好. 

小丸子其實唔多啱單身汪食, 呢啲野又唔可以慢慢食, 一次過連續自隊好漏下😥 

$24一盒六粒暗藏柴魚下, 東京站係畀紫菜, 我邊樣都無乜所謂.

芥辣好溫和, 勁勁勁大pat咁食先有丁屎通鼻效果, 絕對可以放心去馬.

其實整定哂係到熱住真係好難遇到標準流心狀態, 無好似東京站乾到沙漠咁已經算唔錯.

懷着一顆想吃拉麵的心已經一段日子，從網上看見這家店獲得大量好評，於是特地坐車過來償願。

人龍在十人以下，眼看餐廳的格局食客大概不會厚着臉皮逗留太久，排隊的時候店員又呈上菜單先讓食客點菜，縮短等位時間。

我們點的是炙燒豚肉拉麵，送上來卻是炙燒豚肉味玉拉麵，免費錯送一隻蛋Lucky~假設1這個數字代表我的接受程度，湯底的濃度在1.3，明顯超過了，咸味則在1.05，稍稍過了。這碗不是我吃的，我不知道自己整碗吃掉是否受得了，以喝了幾口湯來說，還不至於難以接受，但是濃到沒心思細味，滿腦子只有"味道貌似不錯，但是太濃了，肯定不會再吃"的感想，還有一邊慶幸至少咸度勉強可以接受，然而每喝一口湯都期望着再淡一點、再淡一點.......

辛辣炙燒豚肉味玉拉麵從照片看來湯底更稠，實情是比前者更稀薄，而且辣能解膩，這個湯底沒有濃過頭或過咸的問題。此外，這個湯有三個辣度可選，本來九成估算着日式拉麵辣不到哪去，一成又怕大辣真的激辣，安全起見選擇中間程度。結果是中辣已經足夠，大辣吃起來應該有點勉強，中辣已有很明顯的辣味，這程度是辣得來舒服，想不到拉麵也能滿足我吃辣的心，十分推薦能吃辣的人點這個，湯底夠辣又香濃。

雞蛋半熟狀態，蛋黃流心大好き！

拉麵選了硬麵，口感剛剛好，吃拉麵和意麵都非常着重有嚼頭的口感，若然選擇適中程度對我來說是軟過頭了。這裡採用的拉麵正是我心目中的拉麵，現在很多拉麵店採用的麵條是彎彎曲曲的或是吃起來近似車仔麵的油麵，那些不是不好吃，但是缺少牙齒咬下去的扎實滿足感。

辛辣炙燒豚肉味玉拉麵的麵條、湯底及雞蛋都很中我的點，我原以為這次可以成功償願，萬萬想不到最後失守於豚肉之上！我以為豚肉是在安全區的食物，頂多是沒什麼驚喜，但也沒什麼空間做出問題來，然而這片豚肉是我此生目前為止吃過最硬的豚肉！口感就像老火湯裡的瘦肉，當然它不是整片都硬到這地步，但有一半都是這樣，簡直是一粒老鼠屎，壞了一鍋粥！大好的拉麵因為它而降格。

對於炙燒豚肉拉麵我是完全提不起興趣再吃，湯底味道濃到膩，雞蛋是好吃，但很多拉麵店也能做出這質素。辣湯與拉麵則是我近年吃過最好的，我會再來吃一次，但是把豚肉換成雞叉燒，若然雞叉燒依然硬如柴，我只好忍痛永別辣湯與拉麵了。

近日毛毛雨不斷，圓方這裡有幾家餐廳圍成圓形，設有室外與室內座位，中間共享一片空地與噴水池，打造城市中的花園，適合不宜戶外活動又想享有休閒感覺的假日。

美酒配假日是打工仔的樂事，這杯Sidewood Chardonnay卻未能發揮最大效果，味道頗酸，不喜歡。

點了一個沙律Lunch Set配有餐湯及飲料，餐湯是蕃茄忌廉湯，酸比甜重甚為合乎我的口味，但是湯裡沒有半點材料略欠口感，這個湯Outback做得更出色。

Stormies Healthy Chef Salad有肉有菜，能滿足怕肥又不想放棄肉食的人。雖然沒有感覺食材不新鮮，但是蕃茄成熟過頭，過度起沙的口感不討喜又不甜，其他蔬菜也不見鮮甜，雞胸肉則平平無奇，保留了它本來既硬且粗的口感。醬汁不出色，本以為量不夠才以致淡而無味，後來經過攪拌味道足夠了，但純粹是咸度足夠，帶動不起味道。

Chilli Beef Nachos的水準跟沙律差不多，首先粟米片不夠脆，其次味道過咸，蕃茄是不咸的食物也可以咸到不得了，大概有四分一的粟米片因為黏着過多醬料太咸吃不了，而且選用的墨西哥辣椒酸味太重，但辣味太弱，口感又似發霉的軟。

雖然前面說了食物一大堆壞話，但實情也不到難吃，沙律只要有咸味還是可以湊合着吃，而且不是所有粟米片都黏着過多醬料，當它配搭厚厚的芝士也很難不好吃。

Erdinger生啤氣泡綿密，酌一口身心舒暢，散發着淡淡的麥香，沒有苦澀，比白酒好喝太多了，而且喝一口立刻消除口中粟米片過咸的味道。

消費水平合理，但食物頗為遜色，來一次嘗個新還可以，再來絕對不必了，而且女侍應的態度偏差，反正旁邊還有好幾家餐廳，何不把錢花在其他地方嘗試找出滿意的。說一個食評以外的事情，翻看收據才發現這家餐廳自動收取$1"Charity"，從字面理解是作為慈善用途。雖然$1只是很少很少的錢，但對這種做法沒有好感，首先他們沒有事先告知，而且誰知道他們有沒有用在慈善之上，還是獨吞了呢。

一杯唔錯嘅咖啡其實唔算難搵, 去Starbucks都滿足到我, 但係一杯OK嘅奶茶真係講唔出邊到有, 仲要好多越做越衰, 唔知咩料😒既然出面無又試下即沖嗰啲咩料, 試左 #捷榮 #三合一奶茶 都係逃唔過即沖無茶味得個甜字嘅命運, 唔想咁甜加多啲水又會連少少茶味都無埋, 進退兩難, 睇黎奶茶就快名存實亡.......

想支持下本地牌子都唔得

一包81.8kcal唔肥, 不過唔好飲呢.

啲粉聞落堅係BB奶粉嗰隻味

如果太多熱水味, 紅茶味無定企.......

因為劇情需要入 #鯉魚門 先知鯉魚門喺九龍區, 一直以為佢係西貢或者港島區啲fd咁遠, 估佢唔到啲海鮮飯店多成咁, 不過令我自願留低腳毛唔係海鮮係買手信嘅餅店. 呢間 #年香園 特別多人, 店員做到停唔到手同印銀紙無分別, 膠袋封口機一過又收一百幾十. 現場有好多野都可以試食, 阿姐仲好豪話最驚你唔食, 總之你係到等幾耐就食幾耐, 我見啲人真係成大塊肉乾拎黎食. 我試左雞仔餅同粟米角完全打動唔到我條脷, 但最終失守喺 #蜜味合桃 佢少少甜啱啱好, 又香又脆, 有啲似食爆谷, 不過比爆谷硬, 但無花生腰果嗰啲果仁咁硬, 同埋有少少芝麻香, 不過有時會間中食到好似魚腥嘅怪味, 唔通呢啲係鯉魚門風味? #鯉魚門海傍道中43號D

40蚊半磅

年香園有自己網頁, 佢上面個產品介紹話有助提升機體抗病能力, 會唔會吹大左, 唔食到咳都已經多謝哂.

佢嗰種脆係好似中間無野嘅空靈感

終於係 #Outback 飲到Peach Darned Cider, 但係紅磡分店真係除左就我腳, 野飲野食都差過其他分店, 無乜酒味裡面又無乜沙冰好水, 搵唔返第一次飲嘅滿足感😦

去返 #貢茶 旺角始祖店都係無奶蓋烏龍奶茶, 不過好明顯個Menu同以前唔同, 或者以前真係有. 叫左 #奶蓋奶茶 加珍珠, 啲珍珠唔會好似太子分店有酸味, 不過佢啲珍珠細粒啲無咁好咬口, 咁我都寧願要細粒唔要酸, 細粒起碼好食先, 酸唔好食咁大粒托. 先講人為問題, 畀丁屎咁多冰, 天氣咁凍加埋嘅冰可以整杯暖野出黎......奶茶無乜茶味, 雖然味道合格, 但唔似飲野似食甜品多, 唔係我想要飲野嘅效果. 加左奶蓋個味都唔覺同一般珍珠奶茶有乜分別, 但係單獨奶佢個蓋又勁到頂佢唔順, 即係得物無所用, 飲埋呢次可以回歸天仁. 

新年一到最掛住係 #椰子糖 , 自細培養喺新年食椰子糖嘅習慣, 明明一年四季都有得食, 硬係要到新年先有呢鋪癮. 係萬寧就買到 #甄誠記椰子硬糖 , 唔記得細過係食 #甄誠記 定 #甄沾記 , 定係兩種都有食, 不過我諗都係大同小異, 反正甄誠記都喺甄沾記到偷師返黎. 其他椰子糖點都比唔上呢種紅綠橙懷舊包裝嘅椰子糖, 椰香味係濃好多, 順口唔假膠. 如果講佢同我童年回憶有乜唔同, 就係而家食嗰啲硬過以前, 以前食會覺得硬得黎有少少黏軟, 可以咬落去啲啲又唔會即刻碎. 唔知係而家唔同左, 定係呢種感覺喺甄沾記先搵到, 如果下年新年仲記得, 要買甄沾記試試.

一包$29.9, 萬寧做梗新年糖果買兩件85折, 折左唔算貴.

甄誠記1938年成立, 甄沾記1915年創立, 本地椰子糖呢樣野咁就過百年歷史.

來自未來卻又懷舊嘅椰子糖🤣

以前好似無見過紫色包裝🤔

同埋印象中粒糖係好平滑唔會咁樣下陷, 不過個味就同記憶無乜唔同, 開始懷疑其實一直以黎都係食開甄沾記😅

近來無乜飲台茶, 心掛掛又想飲, 自從有左天仁都好少飲其他, #貢茶 應該算係將台茶打入香港嘅先鋒, 以前好鐘意飲佢嘅奶蓋, 行過太子分店見無人排就買左杯 #奶蓋烏龍茶 加珍珠, 但一拎出黎就覺得奶野喇, 我明明記得以前奶蓋烏龍茶即係用烏龍茶沖奶茶, 點知佢出黎係齋烏龍茶上面加奶蓋, 唔係奶茶黎, 無落奶好唔滿足😣同埋佢啲珍珠有啲酸味, 唔知係咪變壞左......之後我上網又真係搵唔到奶蓋烏龍奶茶, 唔通真係我擺烏龍? 但我Body真係好記得奶蓋烏龍奶茶呢件事, 我要落返旺角始祖分店尋求真相🤔