之前食過呢個 #卡樂B #法式沙律薯片 覺得好食所以記住想再買, 點知一直都唔見佢蒲頭, 事隔都有兩三年又畀我遇返佢, 唔知係我口味變左, 定係物是味非, 再食唔覺得有乜特別, 只係一個咸淡版醋味薯片,有弱弱地嘅酸味, 同埋咸過醋味薯片, 成個味偏清淡, 唔係會令我留戀嘅味. #Calbee

$13.5@アメ横丁

以前一次啪一包大薯片都無事, 而家老左60g (333 kcal) 都要分兩次, 但食咁少都喉嚨痛發作, so sad😢

呢隻薯片係薄身, 我係厚切波浪薯片fans, 個味又唔得我歡心, 可以同佢close file.

#麥維他 #消化餅 幾隻味裡面最鐘意鐘意鐘意一定係 #牛奶朱古力焦糖😍呢個味簡直係邪惡軸心之最, 朱古力同餅之間仲要夾多層焦糖, 口感煙煙韌韌, 多左焦糖香但又唔會覺得太甜, 甜度同無焦糖差唔多, 如果唔係怕肥真係會食到停唔到口. 不過佢亦都係價錢之最, 其他口味十幾廿蚊就有, 呢個差唔多成六十蚊, 唔知真係會以為食左輕到識飛🙈 #McVities #Digestives  

我呢啲窮撚邊捨得買黎食, 呢個係人地係澳洲買畀我, 計返港紙應該只係十幾蚊. 

雖然多層焦糖好似好邪惡, 但卡路里都唔夠之前嗰個燕麥消化餅高. 佢有81kcal, 燕麥扮左健康都要93kccal.

佢比其他消化餅細塊啲 

一層餅干, 一層焦糖, 一層牛奶朱古力, 一食兩塊就等如一碗飯🙈

#新年限定 #老麥 #招財福堡牛 上年食過一次話想再食多次, 點知未食佢就人間消失, 我就好似織女等牛郎咁, 不過係生積個積, 唔係牛郎係牛堡, 再見又是一年😅其實話好好食又唔係, 不過限定野少食多滋味, 甘願跌落飢餓營銷嘅圈套. 牛堡塊肉比老麥其他漢堡淋啲, 雖然我唔多鐘意食淋野, 但呢個淋係唔錯, 因為佢都有厚度, 淋得黎咬落去唔係無野, 係軟軟地嘅舒服, 同埋juicy啲. 老麥野唔駛諗黑椒汁會辣得去邊, 佢而家食到少少辣味我都當佢嬴左, 同埋裡面有洋蔥粒, 我鐘意內有洋蔥. 不過有個問題係食呢個包好麻煩, 啲汁漏到成張紙出埋個盒都係, 一路食要一路抹手, 為左唔想畀佢污辱自然心急食哂個包, 所以唔係好享受到過程, 不過而家乜都貴, $30.5食到個呢個質素份量都值嘅. 由於太麻煩, 今年應該唔會再食多次, 我完成左積女等牛堡嘅使命已經足夠💃🕺p.s.個包係OK, 但薯圈唔OK太咸又無薯香 #招財牛堡 #麥當勞 #M記 #McDonald's

今年係布甸狗騎劫左招財牛堡, 唔知係唔係因為2018係狗年, 而上年雞年就係鬆弛熊, 咁當然上年唔係熊年, 我諗係靠佢隻鼻窿雞上位掛.

每次見到呢個醬爆情景都會諗起高登當年嚴禁用真屎嘅咖哩漢堡攝影比賽😂😂😂

佢仲有個升級版, 中間夾多塊薯餅, 不過本身已經有薯圈, 對薯餅完全無慾念.

薯圈都幾咸, 開頭食仲OK, 食到後面係勉強啃埋佢, 薯味又弱, 主要係食到咸咸咸咸, 不過都好過食薯條, 質感無咁膠先.

係街邊見到架van仔賣咸濕野, 一時咸蟲上腦無問幾錢要左包 #皇帝話梅王 ,點知4安士要$55, 有啲離地, 咱有安慰自己, #檸檬大王 個名都聽過下, 應該幾好食, 咁就值返啦. 點知妖佢丫, 睇落好大粒, 但睇唔到嗰粒即係粒核仲大粒, 又乾過頭, 就算係乾果都要有返適當濕度先有口感架, 家下食柴咩. 仲要唔好味, 得個咸字, 無乜酸酸甜甜, 衰過我超市買包華園話梅. 最PK係個價錢用label貼落個膠袋到, 拆左膠袋先見到上面印住$20, 懷疑根本係假貨, Google到中環嗰間叫檸檬王, 唔係檸檬大王, 唔好食仲要承受一種疑似被人呃左嘅感覺, 佢唔係皇帝話梅王, 係大話王就真! 誠意推介各位見到呢架van仔唔好買, 同埋買野前記得記得記得問清楚價錢先話要!

label下暗藏價錢

有圖有真相, 張紙真係印住$20.

一包有17粒, 平均每粒$3.235, 就算佢賣返廿蚊都唔會買.

畀左兩個人試都話難食, A話食落好似過左期好耐咁, B話我做左水魚, 但我媽竟然話食落似無落味精好天然鐘意😑

我第一次光顧魚米是它的黃埔分店，但沒過多久就結業了，後來經常去太子分店，因為太子是我經常出沒的地點。近來紅磡又開了一家分店，我平均兩到三個月也會來這邊一次，所以順道試試這家分店的質素。

雖然我對魚米的麻辣湯底已經失去信心，但光顧新分店又難免抱了一絲期望，所以本着探險精神再度一試。之前在太子分店吃小辣麻辣湯底，辣度太溫和，不過癮。這次要了中辣，辣度卻不太能承受，味道不麻只有辣，這個辣又不惹味，這次之後對魚米的麻辣湯底全盤死心:(

帆立貝共有四件，鮮味頗弱，有些少難以咬開，不後悔點了，始終算不上難吃，但沒有再吃的欲望。

吃着吃着我奇怪怎麼沒找到果醋豬軟骨，向店員反映問題，他拿着我的單子，忽然跟其他店員發生爭執，然後一直拿着我的單子不放持續罵戰，我非常無奈只能等他罵完，這是魚米的文化嗎？這家分店跟太子分店一樣有着員工不和睦的現象......說回豬軟骨，店員給我另外用小碗補上，只有兩件不大，不知道原本就那麼小，還是分開給才這樣，而且質素差，豬軟骨一點都不軟，肉質粗糙且硬，味道與份量都不值$9一個餸的價錢。

米線是常見的質素，沒有比一般出色，但也沒有問題，不會太軟或太硬，達到應有水準。

本來我已杯葛魚米的奶茶，但是同行人點了我沾他的喝了幾口，我看他先喝兩口再自行兌水以為不行了，然而喝起來味道還算正常，但是沒兌水直接喝怕是依然中伏，我還是不敢單獨挑戰😓

這家分店的卡座很窄，四人坐肯定被迫成植物人不能動，二人坐也不舒服，椅子跟桌子太貼，我只好把外套脫下尋求更多空間。總結是完全合格的只有米線，帆立貝勉強可以，奶茶貌似OK，不過也得先兌水，而且我只喝了幾口試得不透徹。麻辣湯底差，果醋豬軟骨更差，座位太窄，店員質素中下，綜合差評。然而，這並不代表我不再來，頂多是不再點麻辣湯底，它的魚湯湯底與酸辣湯底我向來有信心，餸料也可以選擇我吃過好吃的。對於這種吃快餐的地方，我對服務環境也沒什麼要求`，它這方面的問題不至於大得我要把它列入黑名單，會再見的。

雖然越南河個湯底係用牛整出黎, 但一直覺得個味唔係好牛, 可能因為佢清清地嘅質感令我唔係好feel到佢同肉嘅曖昧關係, 不過如果硬要話佢係邊種肉, 咁始終都係牛最近. 呢個越南河味精湯底睇落好清, 但已經好濃味, 味道同餐廳食嗰啲好似下, 有左佢安坐家中都可以食到越南河陣除😋#NOSA PHO BO #越南河

唔知幾錢, 人地畀, 所以都唔知邊到有得買, 但我根本唔煮野食, 所以好味都唔會去搵😅

一粒已經170kcal, 唔講得小.

但真係好方便, 落熱水煲滾佢就食得, 又夠味, 唔飲啲湯都唔會好肥掛.

一包四粒, 如果獨立包裝更好, 唔駛淨返嗰啲又要包黎包去.

一個人半粒都夠, 我自用一粒要不停加水溝淡佢, 溝到嫌煩咸左啲都照食😅

睇個湯好清, 實則好重味, 呢個湯唔只可以煮河粉, 用賴粉/檬粉都好夾.

本來我是牛一日式放題火鍋的粉絲，但不忍受其辱，已下定決心不再光顧。朋友得知此事推薦我這家餐廳，這次來看看它能不能成為我的新寵兒。

六款基本湯底供選擇，可加錢選擇甜醬油湯或棉花糖湯。雖然棉花糖湯很新奇，但我不太愛甜食，所以不會選擇需要加錢的湯底，於是又再選擇萬年常吃的蕃茄濃湯。其實很難遇到滿意的蕃茄湯底，最初牛一的是不錯，但後來越來越淡，近年吃過的都沒多少蕃茄鮮味，所以對這個蕃茄湯底沒有失望，它就跟平常的沒差。建議開吃前先自取大量蕃茄加進去，然而我老是吃到一半才想起來，因為每次都是吃到一半才終於抵受不了纖纖弱質的蕃茄湯底......

日式放題火鍋通常主打吃肉，少有如這裡還提供海鮮放題，選擇了每位$288的極上美國牛小排+海鮮放題來個全面品評。

挪威三文魚刺身屬於海鮮放題中的一員，個人正正愛好吃火鍋前先來一碟三文魚刺身，這家店是我目前去過之中咱一能滿足我這個需求，而且刺身質素是出乎意料的好，質感軟滑，鮮甜濃郁。

按餐牌所示，左邊的牛肉是極上美國牛小排及美國牛肩肉，右邊則是特級美國豚腩肉及精選巴西雞腿肉。

雖說是兩種牛肉，但是吃不出來有什麼分別，從照片上看更是豬牛難分，實情是左邊是豬肉，右邊是牛肉。豬牛質素不俗，肉味尚存，牛的質素比豬好，味道較突出，口感更嫩，但絕非極上質素，沒有令人喜出望外。

倒是雞肉有驚喜，新鮮飽滿，嫩滑多汁，比豬牛留下更深刻印象。

我們正正被安排坐在食物自取處的靠窗卡位，食盡地利！

未煮食物的選擇與其他同類餐廳所提供的差不多，該有的都有了，選擇足夠。比較新奇的食物有杞子麵與淮山麵，但胃容量有限，沒有品嚐任何飯麵。

這種腐皮應該是用在腐皮壽司那一種，吸滿蕃茄湯後不俗，不過一片起兩片止，沒有吸引得想多吃。

吸湯之物還有響鈴，不過這裡的響鈴完全不脆，沒有優於腐皮之處，單說吸湯倒不如用腐皮。

"膠"筒墨魚滑，一膠大概分成三口。

左邊是墨魚滑，一直覺得墨魚滑不及墨丸好吃，不及它爽口與有嚼頭，這裡的墨魚滑差不多也是這樣，但爽口感比一般明顯多一些，算是沒特色之中又有一點起色，哈。右邊是我很愛的麻糬魚腐，曾經它是我去牛一的一大原因，口感層次豐富，外層有嚼頭，內裡軟糯，口中最後落下一絲甜，現在這裡也有，從此對牛一再無牽掛。

南瓜鮮甜，煮軟後在口中輕輕一壓化成泥，甜味在舌頭散開來。

蟹柳質素跟一般的差不多，煮至半散狀態掛滿蕃茄湯，加上它本身偽造的鮮味，平凡中亦有其美味之處。

韓式年糕的質素沒問題，但是不滿於它呈片狀而非柱狀。片狀不耐煮，火鍋做法容易煮過頭令它過軟，失去它最大賣點的嚼頭，片狀適宜以炒法烹調。

不知道是雲耳本來不耐煮，還是這裡的雲耳質素不佳，口感軟到快糊掉似的，我受不住吐出來。

第一次吃冰菜，根莖口感爽到脆，比較像吃水果多於菜。它本身沒有很大味道，菜葉吸湯能力又挺強，味道被蕃茄湯主導，此菜勝在少吃新奇。 

海鮮放題提供的火鍋食物中後段才開始吃，首先是日本魷魚，即八爪魚，外形非常適合作為拍照道具，獨自站得穩穩的，形態得宜，口感也不失道具的風範，粗糙得難以咬開......其實這在意料之中，八爪魚除了生吃或做成芝麻八爪魚，其他做法都逃不過口感粗糙一命，所以不是餐廳選用質素不好的八爪魚，而是本來就不應該拿八爪魚作為火鍋放題的一員.......

加設海鮮放題當然比單吃肉類放題昂貴，我是看上翡翠螺才花這些錢，可是嚴重警告遠離海鮮！遠離海鮮！這個翡翠螺煮過又煮依然掛着令人嘔心的黏液，更慘是沙超多，我在碟上把肉挖出來吃，沙子多得碟子都不能再用，只好換成碗，非常差！青口送來的時候已是半熟/全熟狀態，再放鍋裡煮令肉質更粗糙，鮮味早就流失。除了三文魚刺身，沒有海鮮值得另外花錢吃，即使蝦是正常，但也就是一般質素，不見鮮甜。

除了火鍋食物，餐廳另有提供不少即取即食的小吃，這家是我去過之中最多的。養生之人大可吃火鍋前先來個沙律打底，餐廳也提供不少壽司款式，如沒有加錢要海鮮放題又想吃三文魚，可享用自取處的三文魚壽司，不過很多小吃款式吃光了就換上另一款新的，看到自己喜歡的得趕快下手。

除了壽司還有日式冷盤，比如芝麻八爪魚、螺肉、海草，我只吃了芝麻八爪魚，質素不俗。這是吃了一半才拍照，原來的份量沒那麼少。

雖然春卷被熱燈照着，還是無法保留脆炸的口感。

咖哩、炒飯、白飯貌似已成為日式放題火鍋餐廳的常駐份子，太佔胃的食物我沒碰，不過倒是嚐了一口碗仔翅之類的食物，質素不太好，但我在街上遇過不少特地花錢買卻比它更差的的碗仔翅。醬料選擇有八種，不算多也不算少，但平常會用的都有了。 

這裡沒有汽水機，而是放上兩櫃罐裝飲料，選擇對比同類餐廳算是不少，但是冷門款式居多，比如芬達只有提子味，卻沒有常見的橙汁味，所以大多都不會想喝，還好依然有可樂這個火鍋的最佳拍檔。

啤酒只有這個韓牌，味道偏苦，不喜歡。 

甜點方面，當然少不了日式放題火鍋餐廳必備的乳酪雪糕機，這裡更有窩夫及一整櫃甜點，很多做成小小的糕點供選擇。雖然這是放題火鍋，但吃過的食物都沒有再下單或再自取，份量已經多得吃不下，所以98%小吃我都沒吃，甜品更是一件都沒碰到。其實自取小吃的款式一直更新，除了以上提及的，還有其他留意不來，這家餐廳的小吃款式應該是數一數二的多了，不過價錢也是我去過幾家之中最貴。最便宜的肉放題已經要$178，再上一個級別要多付$60，若要加海鮮放題又得再加錢。加錢要海鮮是合理，問題是除了三文魚刺身，其他海鮮的質素強差人意。以性價比來說，應該主攻最便宜的$178肉放題，雖然也談不上便宜，但這裡的小吃選擇特別多，服務不錯，店員自動詢問要不要加湯，也會積極收拾空了的碟子，限時將到會上前提醒，不像牛一的員工說都不說就用刻薄的嘴臉趕人。餐廳其中一邊帶窗戶，又在上層，可以俯瞰街景，感覺開揚舒適，我們更幸運地被安排坐在自取食物處的窗邊卡座，方便得不得了。若不是此行加了海鮮放題，我會給予好評，現在頂多是OK。

#凱施 #咸牛包 有毒啊！食極都想食！一般黎講我唔會食死一樣野, 但已經有兩三個月, 我一入去就搵佢直接畀錢, 毫無異心. 佢一個包正在有齊咸甜兩食, 面層有啲似墨西哥包個面甜甜地, 裡面又有我鐘意嘅咸牛肉, 咁落去唔知會唔會食到2046......

$9.5一個都唔平, 但係又無可取替.

反而一早先食啖甜野入口醒晨啲, 再整啖咖啡或茶, 接住入正題食咸野感覺條路更順. 咸牛唔會太少無味, 又唔會多到咸, 份量啱啱好✌

#meiji #Poifull 中學時代糧食, 以前個盒係白色, 一度消聲匿跡, 近年見返佢, 以為純粹轉左包裝, 但食落又好似唔同. 請教Google, 以前白色應該係乳酸味, 而家桃紅色係水果味, 藍色係汽水味, 點解乳酸味唔返黎呀? 其實而家水果同汽水都好味, 水果味唔會好假膠, 汽水味食落條脷會有丁丁涼涼地. 不過以前嗰隻好似無而家咁甜仲好食, 唔知係回憶總是美好的, 定係年紀大唔食得咁甜先覺得以前好啲😅咱一無變係食佢鐘意妹完佢層糖衣先咬爆佢粒軟糖, 既溫柔又粗暴😏

顏色繽紛, 未食先興奮🤣

每盒有四種味, 水果味好食過汽水味, 但係比汽水味甜, 淡返啲就好喇.

但係汽水味係藍色盒, 我是藍顏控, 所以唔會捨棄佢.

卓悅賣$9.9, 53g一盒, 想不到一盒不過200卡.

這個砂砂湯米線僅限幾家分店提供，為了品嚐它特地乘車來這家分店，不過先不說這個湯底，其實這家分店環境也有其優勝之處。這裡的人流相對其他分店少，不用跟其他食客肩貼肩坐着，來過幾次都是兩人佔上四人桌，這次則是一人獨佔二人桌。位置在二樓，有一整排靠窗座位，景觀舒服多了。

砂砂湯加$1，辣度以五小辣起跳，我選了三小辣。 

餐廳將它跟喇沙比較，說它比喇沙好，個人覺得它的味道跟沙茶醬更像，因為沒有喇沙中的椰奶香，說不來哪一種更好，各有各風味。喇沙因為椰奶的存在，湯底比較稠，味道多了一份香甜，比砂砂湯更濃郁。然而喇沙不辣，砂砂湯則可自選辣度，能滿足愛辣之人，它有辣的惹味。我這次選了三小辣，單喝湯喉嚨上來一股辣勁，但是味道上的辣度依然溫和，而且多吃幾口慣了辣味下降，看來下次要選小辣。

不知道是不是採用的米線變換了，看起來比以前幼，口感更爽硬，有更好嚼頭，喜歡。

長期愛好蒜泥白肉，不用多說。蒜泥白肉小常識之一，蒜泥白肉能通便秘，油太多自帶滑腸效果，有拉肚子跡象的人千萬別吃，後果自負，哈哈哈哈。

蒜泥白肉小常識之二，配蒜泥白肉的最佳飲料是檸茶，吃蒜泥白肉口裡難免殘留一口重蒜味，我會在最後吃幾片檸檬，幫助去除蒜味。

#日清 #合味道 #三重芝士松茸杯麵 個麵係合味道用開嗰隻淋淋地好吸湯嘅麵, 個湯話係奶油加三重芝士, 芝士味可能同奶油已經水乳交融哂唔係好食得出, 淨係覺得好重奶, 成個味濃濃濃到無朋友, 焗完要再加兩三次水溝淡佢😓啲餸有菇片同西蘭花, 估佢唔到西蘭花又幾爽口, 菇片口感都唔錯, 唔多似脫水食物, 呢兩樣野簡直係濃味中一片綠洲, 不過得好少完全解唔到濃. 呢個杯麵唔難食, 但實在濃到唔想翻單😓

太高級我受唔起......

仲要有個油另上畀你加重佢

見到Ufood報導7仔有得買$25個, 我呢個係人地畀.

啲西蘭花食到尾都依然爽口, 如果其他合味道啲乾菜都轉用呢啲西蘭花同菇就very good.

之前合味道出過牛奶海鮮杯麵, 個湯色同佢差唔多, 又係啲芝士奶味野令我諗起佢, 但兩個係相反, 呢個係重口味, 牛奶海鮮係好淡口, 好似試親新口味都奶野😓

話說之前買左 #龍鬚糖 無即日食, 室溫放到第二日原來會唔鬚變左食鳥結糖咁, 經一食長一智今次放入冰箱, 仲一放放成兩個月......雖然係繼續鬚, 但口感好dry下, 同埋呢個食落無乜餡咁, 唔係好夠味. 結論係呢啲野唔係即買即食唔好要, 不過個包裝上面標左食用期限可以放成半年, 裡面有埋包唔知防潮定防腐劑, 但無指示要放雪櫃, 如果唔放長擺半年真係不可想像= =

放龍鬚糖個盒係自己合唔埋, 要用野抓住佢, 呢一點keep足咁多年. 

呢一盒係人地請, 其實龍鬚糖個味其他野都食到唔覺特別, 夾餅或花生糖同佢差唔多味, 如果自己買都係忽然貪得意見到有人即場拉買黎過下癮.

食落無乜餡咁, 唔知會唔會係雪得太耐抽乾哂😓

包裝計埋營養卡路里, 原來一粒龍鬚糖有40.5kcal, 又有包防腐定防潮劑, 可以放成半年, 無左傳統陣除.

#樂天 #糯米巧克力派 朱古力味唔係好濃, 但一個先個幾仲抵過食粒糖, 所以唔要求太多, 食呢個純粹為左煙煙韌韌嘅口感, 同埋好在佢唔係好甜啱我條脷, 沖杯茶或者咖啡隊一個忙裡偷閒~ #LOTTE

買嗰時係兩盒綁埋一齊, 即係$4780Won有二十個, 大概港幣$33, 一個先$1.65好平~

一個有140kcal

韓國啲零食同日本一樣都係壽命唔長🤔

一個直徑有5.5cm, 唔係好大件, 但係對比返價錢值左.

中間同外面層朱古力都好薄, 個甜味唔係好朱, 但食住個煙煙韌韌口感配少少甜, 作為飲茶或咖啡伴碟小食very good👍

之前飲過原味 #真露 好難入口, 一定要溝野先減輕到少少酒精嘅味, 之後食韓燒試左呢個西柚真露, 直接溝左甜野易入口好多, 係樓下超市又見到就買左. 唔係食住韓燒飲覺得酒精味重返好多, 不過點都好過原味, 但絕對稱唔上好味. 其實揀呢個原因係有時想飲少少酒精類嘅野, 但好多酒開左唔留得, 又唔想飲啲太啃嘅野, 睇中佢開左放得又唔算太啃先買, 加埋冰食住朱古力飲都有少少樂趣, 不過始終要開發其他代替品, 佢嗰陣酒精除真係油麻地. #Jinro #Soju

360ml 13%Alcohol $26.9@Marketplace

人生有幾多個十年? 佢酒生有一個. Self Life: 10 Years

熱辣辣嘅野食難食極有限, 難飲嘅野加冰就會無咁難飲, 調節溫度可拯救吃貨的世界  

之前光顧油麻地分店，店員說沒有米線餐，冬蔭功又不可以免費轉麻辣，份量少，店員服務差，所以寧願多花一點時間特地過來這家分店。

凍檸茶給予五片檸檬之多，檸檬味非常足，茶味也不俗，若然5分為滿分，可打個3.8分。

冬蔭功豬軟骨片頭米線免費換成麻辣米粉，除食物名字裡所提及的食物，內裡還隱藏一隻大蝦。

雖然大蝦只有一隻，但質感爽口，足以令人留下印象。

翠華的豬軟骨不輸上百元的拉麵裡所配的豬軟骨，軟腍入味帶微甜，肉與軟筋近乎融為一體，尤其軟筋的部份快要入口即化，口感與味道都令人歡喜😆

這裡的魚片頭平常是不俗，但當天烹煮時間貎似不夠長，口感偏硬及不夠熱，人為問題多於食材問題。

翠華的米粉比常見的幼一點，口感較爽，質感理應稍為優勝，但這天烹煮時間卻與魚片頭相反，過長似的，失去它特有的爽口感，質素未能突出，但依然達到平均水準，而且配着惹味的麻辣湯吃，還是令人停不了口。對於愛吃辣的人來說，這裡的麻辣湯不算很辣也不怎麼麻，反而帶一點甜，吃着有一種疑似果皮的香味(不知道這股味道是不是從豬軟骨而來)，這股香味配上辣真是價廉卻物美。

這家分店地方寬闊，客人不太多，不用等位，店員友善多了，不介意為我將餐裡的冬蔭功米線免費換成麻辣米粉，後來他們錯送上米線，依然為我換回米粉，還跟我道歉，也明顯可見這邊的店員互相關係比較好，沒有帶着強烈的戾氣工作，在這家分店待着舒服多了。

之前有人推介呢個 #車輪包 ,一直記住想搵個機會同佢打車輪, $15一大條, 我問收銀可以擺幾耐, 佢話可以放兩三日, 但唔好話兩三日, 食兩三啖都嫌多, 食落好似唔新鮮放左幾日乾爭爭, 一啲都唔鬆軟, 仲有股好似融入唔到個包嘅假假地甜味, 完全無提子包令人好想食多啲嘅香香甜甜. 硬要講個好處係佢唔係空氣包, 實好多好快飽, 但總之質地味道都非常唔好, 呢個應該係目前為止我食過最難食o既提子包.  #車厘哥夫 #旺角 彌敦道760號聯合廣場地下G29號舖

份量同價錢成正比, 但質素成反比😑

乾到呢.....

叮下佢會淋返啲, 但都係好難食, 食哂佢真係浪費埋自己, 丟哂佢😒

食麥皮可以話係一種技術活, 勁難控制佢個質地, 多水太稀唔夠飽, 少水太杰又好似食屎咁, 叮佢可能會膨漲爆到一爐都係, 唔叮又唔係好夠淋.......呢個 #即食燕麥飲品 話係原味, 以為原味無調味拎熱豆漿去開, 結果甜到hihi食唔到😑就算用熱水開都係麻麻地, 首先唔多麥皮, 做下午茶都嫌少, 加麥皮落去叮又杰到好似屎咁, 無返咁上下技術都唔好行呢條路. 就算乜都唔搞就咁用水開都講求進食技術, 唔可以就咁飲, 要用匙將麥皮連水一齊食, 如果唔係食到底無乜水, 麥皮沉哂底都係好似食屎咁😣其實麥皮唔係唔好食, 但真係好難捉摸, 整得唔好輕則無啖好食, 重則搞一大輪清潔, 抑鬱成日😭 #Oats

其實唔係送返黎都唔會挑機

 一包30g剛好100kcal

最初以為佢無味用熱豆漿開, 結果甜到hihi(上圖). 第二次用水就咁開覺得太稀另加麥皮再叮, 結果杰到屎咁食唔落 (屎不配圖).

第三次純粹放工先黎餓到捱唔到晚飯, 就咁用水開呢個小小地以為OK, 開頭都幾好飲, 尤其肚餓乜都好食, 但食到底幾少麥皮都好, 沉哂底始終難逃食屎命運😑

無限輪迴 #香蔥豬柳腸熱狗 , 麵包純粹係用黎送條腸, 無特別, 但條腸真係好正, 好夠味熱辣辣, 加埋啲洋蔥芥辣茄汁, 不得了~咳到想嘔所以難得無要薯條薯餅, 將佢轉去加芝士, 第一次加但睇黎呢世都唔會再加, 95%食唔出芝士味, 淨底5%得個咸字, 下次試下加德國酸菜. 以前好like佢個凍啡, 但而家真係麻麻地, 又要加$5, 不如飲罐裝雀巢咖啡好過, 起碼唔駛加錢. 呢到啲姐姐萬年好人, 太甜我叫佢加冰, 佢問我要唔要再加啲奶, 之前試過飲凍奶茶唔夠甜叫佢加糖水仲會加埋茶整返大杯, 完全唔會嫌要求多多, 人情味都係一種好味. #德國熱狗 @何文田窩打老道67號D Shop C

在這個滿佈唐樓的舊區，本來只有殘舊的小餐廳，但隨着凡是新樓宇皆是"豪宅"的現像，這區的餐廳也因為新"豪宅"逐漸落成變得高級起來，越來越多環境光鮮的餐廳進駐這區。這家餐廳開業的時候也迅速成為新貴，門前不乏排隊的人，現在熱潮退去，不用排長龍終於前往一試。

一般窩夫可選半份或全份，價錢相差$17，我選擇了全份窩夫配以焦糖香蕉及香草雪糕。香蕉面頭有一層焦糖脆皮，這種東西美味又不太花功夫製作。窩夫單吃味道有點寡而且口感略乾，配上雪糕、吉士或忌廉同吃更好。雪糕、吉士及忌廉沒什麼特別，平常質素。

之前聞說窩夫是這裡的大熱菜式，試過後卻覺得平平無奇，雖然能略為嘗到蛋香，但是不夠熱是極大致命傷，妨礙了蛋香的發揮，也影響了窩夫的鬆軟程度。

黑蒜大蝦炒意大利粉的賣相令人聯想起乾炒牛河，味道也有微微相似的感覺，也許都是偏油膩吧。

蝦頗大隻，質感不俗，有一點爽口感。

意粉有着很香的蒜味帶着微甜，炒意粉質感自然是偏乾硬，但這不是貶義，是說有着更好的嚼頭，而且意粉裡頭夾雜了花生之類的配料，增添口感，但是炒意粉難免有點油膩。

窩夫雖然未見出色，但價錢不貴，擺盤賣相不俗，還是值得一吃，但並沒有令人想着要再來吃。意粉也不錯，但是這個價錢不難找到比它更好的。服務方面，九點多的時候有一位女侍應上前問要不要再點什麼，因為快要截單，我問她飲料也是一同截單嗎，她回答是，我猶豫着要點什麼，突然過來還真不是一下子想到要什麼，她一臉陰沉擺着不耐煩的樣子，搞得我也不好意思只好說先讓我想一下，她立刻把餐牌放下轉身離開，那速度要是再快上一點我得用丟下來形容。其實整晚她都是黑着臉，彷彿全世界得罪了她，她的咀臉比我吃過的任何東西都要留下更深刻印象。

幾年前就有人推介過呢個 #檳城白咖哩麵, 嗰時仲未見邊到有得買, 到而家唔只超市連7仔都有, 終於買左黎試. 個湯辣辣地本來應該啱哂鐘意食辣嘅我, 但佢好油重味精到頂佢唔住, 完全唔覺得佢個濃味係惹味, 加多啲水又唔得, 會化左佢股咖哩味得返咸仲難食, 而且煮完成間屋好似畀咖哩薰過, 全日要活喺陰影下😓仲有佢個麵超唔得, 佢啲麵係粗啲本來應該咬口感正啲, 但佢係又粗又鞋, 話說麵呢樣野真係好高難度先可以去到鞋口呢個地步...... #MyKuali #Penang #WhiteCurry

一袋4個, 每個110g, 喺一田買$24.9.

當時朋友介紹我食呢個麵張相一直keep左係電話幾年, 換電話都過落新機.

到買左個麵返黎放左成半年見就黎過期先開始努力食.....其實我都懷疑過會唔會係放得太耐先咁難食, 但一買又要四包, 萬一真係咁難食承受唔到😓

佢同出前一丁麻油味差唔多卡路里

呢個麵被一個喪食即食麵嘅美國人係2014年選為全球十大即食麵嘅冠軍而紅左

平時煮即食麵會將調味料放入碗溝滾水唔會放入煲煮, 呢個包裝上面都係咁教, 但我見網上啲人話開火煮左個湯先落呢個麵好啲, 兩種都試過, 結果一樣難食😑

辣椒醬+調味粉+脫脂奶粉

其實白咖喱即係咖喱叻沙, 所以有脫脂奶粉唔出奇, 但奇怪係點解唔用椰奶🤔

呢個麵餅應該係我人生中數一數二難食

未買之前以為白咖哩會似係沙嗲王個白咖哩咁嘅淡黃色

其實未食見到個湯已經飽左, 啃左兩包, 第三包食左一半就倒, 第四包煮都未煮丟埋😑