第一次整曲奇 樣係似曲奇
但我覺得完全係失敗之作
多謝各方人士 不嫌棄肯啃左佢
而且仲話都OK
真係俾面

我下次一定會再整過
一定會好食過今次

不過我就係咁o既人
人地話ok 我自己覺得唔ok
就點都係唔ok
我話ok 人地話唔ok
我點都會繼續覺得好ok
忠於自己到explode

琴晚玩Lucky
真係聯手吸左5條5返黎
興奮到攬埋一齊
然後聽到話姊妹情深 注定要做partner
諗起覺得好鬼搞笑 haha~

先前在一篇Blog中說過
把禮物送出後就會把它貼出來
以下就是我N年不動藝術細胞後的一件大作
花了我大半天才畫好
應該還能揍個合格吧

別以為送一個這樣的手製禮物就可以不用花很多錢
那是一個絕對錯誤的觀念
先不說時間 最重要是我特地請假去送禮
一天工資就已經三百塊了
所以加起來也就比買一個更貴
我不是在表揚自己多麼的有情有義
所以你將來看了也就別以為我在讚自己
我只是很認真地覺得.....這東西真是他媽的貴.....哈哈

說回來 至少這一年我們都不會再有機會聯絡對方
當你告知我這麼一回事的時候
我還是只能一如以往的無奈
的確 我沒有因為你的離開而寂寞
因為我已經習慣了一個人太久
我想這一點你也明白
如果你有看我以前的每一篇Blog 
你該知道我這人從不真心祝福誰
但這次 我是真的希望你一年後能從新做人
對你我總是不太想理 因為你的不長進
但最終又做不出來  畢竟我們真的是從小就互相看著對方長大
你生日前些天 我一直都在想 你一個人在那裡會不會沒人理 沒人看
會不會覺得這天過得特別淒涼
因為我也很明白生日沒人理的感受
所以我心裡不安 如果你也會遭受同樣感覺
掙扎了很久 我還是覺得請一天假吧
你老說我沒人性  人冷淡 不體諒別人
我也不是現在要告訴你我對你多有人情味
不過我想和你說 
你別打算把我和這個世界的人的待人接物手法作比較
因為我永遠都無法如別人那樣在表面上顯現得多麼熱情或悲傷
也沒可能說出那些官方式的安慰說話
儘管你需要的只是這些
但我就是我 我這裡沒有這些東西
一件都沒有
所以如果你總對著我期待這些
那麼你只有永遠失望下去
但是我也想你心裡有個底 你捫心自問一下
去想想什麼是真的好 什麼是真的壞
什麼人和事今天仍然存在 什麼已經蕩然無存
把真正的真相看出來 我想這會讓你成熟點
但願你一年後能讓人"士別三日 刮目相看"

祝君好。

喜歡在家裡搞事 打開雪櫃
手執一筆 看見雞蛋就給它來了幾筆
除了給它們添添生氣和眼耳口鼻外
背面還寫了字
左邊那隻是"世上只有媽媽好"蛋
中間是"唔淮食我"蛋
右邊是"你好嗎"蛋
阿媽見到這些蛋後笑我"痴線"
但這可是一隻很好的Memo Egg
假如有一天把媽媽氣壞了
就可以來一個"對不起"蛋
又或在者生日的時候來一個"Happy Birthday" Egg

蛋唔係得復活節先有架!

友人的日語已達至中文的同級水平
近日他為了考取商務日語証書而每天學習8小時
我好奇問他為什麼還需刻苦學習
然後他說了一句讓我回心微笑的話
他說：『考試都是考沒用的』

經過昨晚的"祈禱"-凡是相信 凡事盼望 凡事.........
八號風球確實來了 可借它來得太遲
我只是早了一個小時下班
眼看早了一小時下班 心癢癢不想立即回家
因此去了小妹子的店買了些補給品
他卻提議去唱K 我見離上次唱K也有三個月之久
再且也不太想這麼早回家就去了 

大概七點開始K K到十一點 足足四小時！！
昨晚因吃了一整包薯圈 今天得了喉嚨痛
唱了頭幾首已覺得狀態急劇轉差
誰不知多唱幾首後又神奇地喉嚨痛好了不少
聲也開了很多 然後就一直K下去 呵呵

小妹子介紹了一種零食
它是一種紫菜 名字甚有特色 叫作"小老板"
此名字立刻讓我想到它的新用途
就是先在公司存放一大堆"小老板"紫菜
日後老板若沒事找麻煩 
讓你生氣卻又不得出聲的時候
就把小老板紫菜拿出來
然後禮貌地請他吃一包吧
呵呵
呢D就叫有修養地明小你!!!!

唱K到十一點
外面橫風橫雨 但仍有不少途人在街上
車子不多  公車類的更少
身在佐敦 坐地鐵也只能到旺角再轉小巴
但我也不曉得旺角的小巴是否仍在作業
於是把心一橫 帶著冒險情操
堅毅不屈的精神 還有最重要的窮鬼心態
決定不坐車 由佐敦走路回家
外面雖然下著雨 可是傘子在八號風球下只成負累
我傘子也不張 遇到超級大風就竄進地鐵站的樓梯口避風
再加上暴行的速度 才用了半小時多一點就回到家了
我不禁也配服了自己一下
因此Today Slogan是:
『車子不用坐 八號無難度』
Yeah!!!!

近來家中流行玩五百萬行
這有別於一般慈善機構所辦的百萬行
百萬行的玩法是
參加者需於百萬行舉辦前籌到特定數目的金錢才能參與

而我們家中的五百萬行玩法很簡單
只需於六合彩開彩當晚9:15pm前
我 媽咪 細佬 三人共向老豆捐出$20
而當時老豆還沒洗澡的話 就可以把善款交給他
叫他行到隔離村的馬會作出捐獻 哈哈

孖九當日家中又有五百萬行活動
今期金多寶奬金是數千萬元
老豆已經一早私下買了$40六合彩
但因為我去到馬會的時候眼看人太多
所以回家又再發起五百萬行活動
我捐出$10 媽咪 細佬各捐出 $5
然後又叫老豆行去隔離村買六合彩
然而老豆到達馬會後受不住其透惑
私自額外對馬會再作出$20捐獻
當晚全家看搞珠直播
第一個搞出的數字 我們就已經中了
士氣頓時大增
後來的數字也紛紛中彩 但很可惜不在同一行數字中
最後結果是 我中了$20 我當時還大叫了出來
哈哈 
雖然只有$20 但不用輸也很興奮
而且我太久沒中過六合彩了
而老豆所買的$60 全軍覆沒
但很好笑的是 基於某些原因我和老豆源用了以往某一期的開彩結果作下注
這是我們沒有預定的
但不同的是我選用的數字中包括當期的特別號碼
而老豆只選用當期六個的普通號碼
因此我中了$20 他$1都沒中 呵呵

一般慈善機構所辦的"百萬行"意思該是有上百萬人同行
而我們家中的"五百萬行"意思是為了五百萬而行
因為六合彩頭奬的基本彩金是五百萬
而且去行的永遠只有我老豆一個
哈哈

星期一至到星期六上午都要返工
所以而家好珍惜所有假期
鬼叫以前習慣返兩日放五日o既生活咩
而家咩都唔同哂lu~

所謂珍惜假期 反而係咩特別野都唔做
通常星期六日盡可能都唔會約人
就算出去都係自己一個
想享受下簡單無拘無束o既感覺
又或者留係屋企摸東摸西
都幾寫意~~

好多人都覺得放假唔出街會有D悶
但我真係覺得留係屋企好HAPPY
可以做好多唔駛用錢又HAPPY o既無聊野
坐係屋企同阿爸阿媽吹水睇奧運
經過呢十幾日 我阿媽已經成為左體育界業餘評審員
我而家每日都會問佢中國有咩金牌產生同埋今日有乜比賽
佢而家仲識D運動員名 
仲會一邊睇一邊俾評語
有時見到佢睇到勁肉緊 表情動作多多
真係好搞笑 想影低佢
不過佢頂盡都係體育界業餘評審員
因為佢真正身份係職業性雀局運動員
所以有麻將打o個日 奧運o既野佢會問返你轉頭............

放假好鐘意難身難世咁行出街 好relax
通常兩點幾打個電話俾老豆阿媽
可能就係佢地返屋企前係留下食個tea o既時光
我會抓緊呢個機會 然後去扼飯食
知道佢地食緊tea 我就會著住屋企d訓教衫加件外套
頭都唔梳 帶返頂cap 然後踢拖落街
最重要係我行出門口o個陣 key tissue mobile通通都無帶
錢當然都唔例外
因為最大o個張提款咭咪就係留下食緊野囉
hahaha~~~
然後食完野又跟埋阿媽去街市買餸
我可以現場揀選想食o既野
仲有可以學習疏果同海鮮類名稱
一舉N得

然後我又會係屋企發揮下我o既小宇宙
以下係我近來o既得意作品........

.

呢幅圖擁有大師級小學生風格
我畫左都無5分鐘
算係咁la~~至少睇得出係乜
而且我都畫到佢地o既神緒~係咪先~haha~~~
其實我仲有畫其他架 不過無影到咋 
無乜Art cell o既我做乜無端端睇唔開畫野呢
事源係因為我係到構圖想整樣野送俾人
樣野我整好左架喇 整左我成大半日ar
我都ok滿意架
不過唔show得出黎住 送左出去之後先補相
到時一定要黎讚我叻叻呀!!!!
o個件野有成中二水平架~
雖然我已經大學畢業~~~haha

然後我又同小CK影左好多相la
好耐無見佢 有日係屋企想搵下有咩玩
俾我撞返佢 佢o既size係一隻手就cover哂
然後我地一見鐘情左
所以我即刻還佢清白 同佢洗白白

正在沉泡泡肉o既佢~好可愛哦~~~
不過我阿媽好殘忍 佢本來諗住黎幫手同佢沖涼
點知沖完之後 我阿媽一手渣起佢
然後渣實拳頭同佢瀝乾水 我即刻叫佢停手
話佢實在太殘忍喇 之後佢仲加多兩錢力
一路渣 仲一路話:"渣死佢!渣死佢!"    

我唔單只同佢洗白白 我仲還佢光明 (墊埋尿片俾佢)
你睇佢坐係窗邊幾寫意
佢係床下底都唔知過左幾多年不見天日o既日子

呢個係佢很cool o既背影

就係咁 佢由早上坐到夜晚
苦思人生o既真諦 

但知人口面不知心
原來佢係一個負心漢 我放左佢出黎第二日
佢就已經見異私遷 鐘意左厠紙小姐
仲即刻入埋去人地個"濃"到
就這樣 我失戀了

你睇佢笑得幾淫賤!!!!賤格!

傷心o既我 去左搵阿寬發洩
同佢黎個全身脫毛
由於佢唇厚如腸 所以超多唇毛
人地話膽生毛 我阿寬仲識牙生毛
不過而家佢已經好光滑
我手勢仲好過dermes激光脫毛
不過男性一般都唔鐘意光脫脫
所以佢係過程中好抗拒
以下係佢一段心底話節錄..................

以上就係我o既傻瓜假期事件Book
多謝收看

話說有日同fd行街 經過一間寵物店
眼前突然有對情侶飛咁快走過
然後企係寵物店門前o既寵物櫃睇小動物

當我離寵物店有返咁上下距離
確定o個對情侶聽唔到我把聲
我就拉左身邊個fd過黎 然後大笑
我同佢講 我呢世絕對唔可以做寵物店店員
佢問我點解
我就將剛才見到o既情況話佢知
剛才o個對情侶係我地側邊行 大概離我地五、六個身位
佢地兩個當時無拖手
但當個女人發現寵物店時 面部表情立即以迅雷不及掩耳o既速度扭曲
佢o既五官突然好似發生異變咁拿埋一住  兩條眉皺哂
豬長個咀 然後一手Q住男朋友手臂沖埋去
個情況就好似佢食左一粒會另人HIGH o既變身酸梅
然後對住d小動物嗌好得意
我話呢個打擊太大 
我抵受唔住 每日要見到幾十個會豬長個咀
五官拿埋一住o既女人沖埋黎
個打擊太震撼
日日要咁過我會覺得人生即刻灰哂

我唔明點解D女人一見到小動物就興奮成咁
興奮下係好應該
但係佢地o既相同興奮方式己經多到可以作為典型式
就係個樣一定會好似食左酸梅咁
仲係一粒會令人high o既酸梅
本來正正常常行緊街 但係會突然變身
然後一定會係男朋友面前撒哂嬌
個個變哂低能 把聲壓哂喉咁偏高音 
講哂疊字 我見到會

不過正確黎講 我唔係唔做得寵物店店員
我只係唔做得有毛o既小動物管理員
因為D女人通常只會對住D有毛又細隻o既動物先會變身
所以我可以做其他類動物o既管理員
例如黑熊管理員
我斷唔信如果我做黑熊管理員
佢地又肥又大隻 個樣凶神惡煞
口水狂流
都日日仲有好多女人"梅"住個樣 
豬長個咀high哂咁沖埋黎 
如果係咁 我會幾欣賞呢個女人

今晚聽架勢堂
有個中四女仔叫wendy打上去話鐘意一個叫ken o既kai子
wendy把聲係d好可愛o既小女生
佢話個男仔嗜好係睇英文字典 平時坐係班房角落頭
雖然係咁 但係佢眼中ken係特別o既存在 吸引左佢
森美小儀打俾ken o個時 佢講野又真係kai下kai下
點知個ken原來已經有心儀o既女仔
本來聽個ken講返佢自己本身鐘意o個個女仔d野
我以為唔係wendy 
不過循例森美都叫佢講返佢鐘意個女仔名出黎
佢一講wendy 我即刻嗌左出黎
因為我真係以為今次又係詐糊
之後森美call返wendy出黎等佢地兩個對話
wendy就講返佢幾時鐘意左ken
然後ken又俾森美迫佢講點開始鐘意wendy
兩個講o個時講下又停下 一邊尷尬一邊甜絲絲
好有兩小無猜feel
我聽到都好鄧佢地開心
覺得SWEET到爆

題外話
而家每日差唔多超過十二粒鐘都同903一齊渡過 = =
我唔想架
但係我鐘意o個d 節目又係深夜喎
平時朝早o個d我唔聽 但公司又會開住903
真係無時無刻都搞靈生

琴日食buffet 拜仁兄未飲先自醉
成晚都以正經表情加官腔式字句狂講淫野
有幾下真係俾佢笑死我
話說B哥係一個呆下呆下o既人
以前要著西裝返工
日日拎住個工事包 傻下傻下咁撘巴士
但係拜仁兄總係久唔久就聽到B哥又有豔遇
對此 拜仁兄異常羡慕
雖然做地盤o既佢同西裝無緣
但係佢話有日總要著下西裝拎個公事包撘巴士返工
最多係將頂安全帽放係公事包 返到地盤先攞出黎帶都要一試

拜仁兄話 有日B哥又如常傻下傻下著住西裝加公事包返工
但以佢個kai樣 竟然都可以撘撘下巴士識到女仔
而且唔只識到咁簡單 佢地仲去左一個意想不到o既地方
大家心知肚明都知道係去開房
但係呢一刻 老爺突然插左句: "唔駛問 一定係差館"
大家當堂呆左一下 然後集體大爆笑
因為老爺呢個"意想不到o既地方" 
真係大家都意想不到 
但根據拜仁兄o既形容又完全可以套落去
之後拜仁兄繼續講落去
話佢地去到開房之後 個女仔問B哥有無帶D重要野
B哥就好頂癮答佢: "有! 我帶左國王的新衣"
吹脹~~B哥又傻唔唒~~~~

同老豆頂嘴已經差唔多係每次見面都會發生o既事
通常都唔會動真氣 大家互頂完就算
但有時真係會講到面紅耳熱
因為頂受唔住佢D極品膠
不過有時頂下嘴都幾happy
反正每次講嬴o個個一定係我

老豆呢幾日唔知邊條筋又再痴左
好似欠阿媽打咁 不斷搞事
先有一而再 再而三係咁係阿媽專心睇電視時
"了"佢腳板底 俾人鬧完一次過一陣又去"了"
阿媽塊面已經"那"埋一舊鬧佢 佢繼續自得奇樂........
佢玩到無野玩 然後走去打開雪櫃揾野食
去雪櫃搵野食 本來係好平常
但係佢屎忽痕 打開雪櫃對住個內籠大聲唱歌
本來我係房唔知佢做緊d咁"有趣"o既事
但係阿媽一喝:你唔係諗住打開個雪櫃唱歌啊嘛!!!
我就知道老豆又做傻事 真係笑死我
阿媽一邊鬧佢 但一邊又忍唔住笑
我睇唔到老豆個樣 
但係十成估到佢俾阿媽鬧
仲要happy到特登一邊繼續搖埋屎忽繼續唱
呢個係我老豆經典動作

老豆好鐘意撩阿媽 總之就好似d小朋友要引人注意
但我阿媽其實係幾高鬥o既人 有時真係唔鬼采佢
有次阿媽坐係sofa睇電視 唔理佢
老豆見到阿媽隻耳仔紅左
佢好鬼細心咁跪係側邊幫阿媽隻耳仔搽膏
但阿媽眼尾都無SO佢
我見到都覺得骨痺
不過老豆而家每個星期有兩三日都會返大陸
佢成日話自己係上面有N個老婆
我就真係唔知佢講真定講笑
因為返得真係超密 密得有D唔正常
但係我覺得佢唔至於包二奶
但係有無ONS就真係唔知喇


然後琴日我地又拗去旅行o既事
老豆係一個超級自我中心o既人
自我中心到自我中心都唔會收佢
佢自己認為左o既野就認死左一定係咁
但係佢有時認為o既野真係好膠
例子.........
1.佢認為潮州人就一定係衰人
2. 發生車禍一定係因為司機開快車
    佢從來唔相信機件故障等等非人為o既可能
    最搞笑係 就算俾人撞死o個個 而唔係撞人o個個
    佢都認為佢一定係開緊快車
仲有我老豆份人超記仇 你同佢結怨o既話
佢真係連邊年邊月邊日 因邊句說話同人發生恩怨
佢都記得清清楚楚
所以阿媽話得罪親老豆真係俾佢記足一世仇
琴日嘈交又講起呢個問題
之後我同老豆阿媽講左一個道理
我話你知唔知點解呢個世界會有"一失足成千古恨"呢句說話
阿媽好自然話唔知 老豆唔出聲 因為知我又搵位串佢
我就繼續講話: 一失足之所以成千古恨 就係因為無人肯俾機會佢改過
就係因為有老豆呢D人存在 人地做錯野就記足佢一世仇
人地就算有心想道歉 都無機會"
真係寧得罪女人 都唔好得罪老豆


仲有前兩三日佢問我 而家去上海好唔好
我就話唔好住 不如過左奧運先
我覺得而家國內好似有d混亂
然後佢琴日就同我講佢已經報左團 呢個星期五去
其實佢自己想去就會去 我話唔好佢都唔會聽
真係覺得佢問我都多餘
之後佢話佢終於可以了結一個心願
因為去上海係佢一直以來想做o既事
........我無言
佢每個星期都返大陸
係佢自己一直唔去上海
好似講到上海離佢十萬八千遠.........
而家終於排除萬難去到上海
我只好OS一句:恭喜你終於等到喇!! 去上海架飛機剛剛做起左
之後佢仲要大大聲話 上海係中國最靚o既地方
北京同佢無得比 我即刻火都黎 見佢咁踩北京
但係我最起火個point係 佢連上海都未去過
就話佢一定係中國最好o既地方
情況就好似未食過龍肉o既人話龍肉係最好食咁膠
所以之後我地自然又大戰一輪
仲有我覺得老豆去旅行o既文化水平太低
佢成日跟D平價豬仔團 走馬看花 D領隊主要帶你去買野
阿媽話佢參加係因為佢只係想俾自己去過見過o個個地方
可以話俾人聽佢去過 
佢都唔係真係要享受同體會一個地方 一個經歷
講真 我真係有D睇唔起咁o既行為
為去而去 佢認為去得最多個景點就係最好
我心諗 你估家下玩check point咩 鬥多咁話
我去旅行有時去得最多次同埋留得最長時間
可能係酒店附近o既coffee shop
你話我浪費時間 我話你ON9就真

最後玩出賣
我好仁慈咁幫佢已經"打格仔"

我稱佢為"肉蛆爸"
我老豆好鐘意訓地下
有時打開房門就見到一條大"肉蛆"訓係到
阿媽話佢咁做係因為地下涼......
我即刻聯想到D狗
D狗都係好鐘意趴起地下透涼= =
佢仲要訓到半醒半睡講左句: 個地下太硬唔好訓
阿媽即刻回佢: 有床係你自己唔去訓
我亦都撘左個訕: 呢D叫柯屎唔出賴地硬

雖然我認為我老豆係一個Above Average o既老豆
但始終唔可以抹殺佢膠o既事實

每逢過節 媽媽那邊的親戚都會過來吃飯
我挺喜歡和他們吃飯的 氣氛融洽 有說有笑
不像爸爸那邊的親戚 吃飯時有種虛偽的感覺
一般來說和媽媽那邊的親戚吃完晚飯就會打麻將
我其實也挺愛打麻將 但只限於和別人合份的時候
假如自己打一份錢 通常才三圈就悶了
三舅父最怕和我打麻將 
因為常勝的他每遇著我必輸錢
他輸錢並不是因為我牌技高超
只是他遇著我就會霉運纏身 XDD
今晚和媽媽合份打 我打了才三圈已輸七百.....SOSAD
而且連打三圈已是我的極限
所以由媽媽上場出征
媽媽牌技好是人所共知
可是我只知她差不多逢賭必嬴
卻不知她如何厲害
今天倒是讓我見識了....Orz
她真的超級厲害 麻將才沒了一邊
她已經摸清了別人的底細 開始扣牌
我完全不明白她怎麼在短時間內得知別人需要的牌
在很短時間就可以判斷這局牌值不值得堅持下去
她和我的打法完全相反
我通常會在中後段才開始扣牌
而且我是冒險派 總是想要險中求勝
可是媽媽的打法是牌局開始了一半或更早就已經棄糊自保
她只會在有把握的時候才做牌
她目標不是先要贏錢
她是要先確保自己輸錢的機會不大才下手
WOW....真是讓我佩服得五體投地
先不說她的牌技 她這種賭錢心態才是最值得我學習
我覺得這套心法完全適用於股票市場上
如果媽媽會玩股票 我覺得她一定會勁過師奶股神= =
判斷快 決定乾脆利落 
知己知彼 先自保後出手
Wowowow.........所以我現在叫她師奶雀神!!!

從來都沒親眼目睹流星
終於讓我看到了
不在現實中 卻是在夢裡
不記得和我在曠野中坐看夜空的人是誰
只是當我們抬頭看天的時候
突然一顆流星劃過
那時我心裡想:終於讓我親眼看到流星了
看著看著卻開始發現不尋常
流星不是劃過即逝
而是正向我們的位置墮落
我們立刻四處慌忙躲避
這顆流星最後墮落於一個洞口前的水源上
卻沒有熄滅 而是像煙花般在水上胡亂滑行
我們走近前看 發現更不尋常的是這顆流星有眼睛且會說話
它慌慌張張的亂跑 多次碰到石頭上
我就不其然的看著它指著洞口 想為它引路
不知為何就是知道它想進洞去
然後它看著我的指示進了洞
臨走前 它告訴我世界快要末日了
它是因走難而來的 然後我就醒了

醒來後我就想
原來呢粒就係傳說中既屌那星~

是日咖啡: